ഹിന്ദിയിൽ അരങ്ങേറ്റം കുറിക്കാൻ അമല പോൾ; ‘ര‍ഞ്ജിഷ് ഹി സഹി’ ട്രൈലെർ കാണാം..!

പ്രശസ്ത മലയാളി നടിയും തെന്നിന്ത്യൻ നായികയുമായ അമല പോൾ ഇനി ബോളിവുഡിലും അരങ്ങേറ്റം കുറിക്കാൻ പോവുകയാണ്. മലയാളം, തമിഴ്, തെലുങ്ക്, കന്നഡ ചിത്രങ്ങളിലും വെബ് സീരീസുകളിലും അഭിനയിച്ചു മികച്ച നടി എന്ന് പേരെടുത്ത ഈ താരം ഹിന്ദിയിൽ അരങ്ങേറ്റം കുറിക്കുന്നത് ഒരു വെബ് സീരിസ് വഴിയാണ്. ര‍ഞ്ജിഷ് ഹി സഹി എന്ന് പേരിട്ടിരിക്കുന്ന ഈ വെബ് സീരിസിന്റെ ട്രൈലെർ ഇപ്പോൾ റിലീസ് ചെയ്തു കഴിഞ്ഞു. മികച്ച പ്രേക്ഷക പ്രതികരണമാണ് ഈ ട്രൈലെർ നേടിക്കൊണ്ടിരിക്കുന്നതു.1970 കളിലെ ബോളിവുഡ് പശ്ചാത്തലമായെത്തുന്ന ഈ സീരീസിൽ സിനിമാ താരത്തിന്റെ വേഷത്തിലാണ് അമല പോൾ അഭിനയിച്ചിരിക്കുന്നത്. വൂട്ട് എന്ന ഒറ്റിറ്റി പ്ലാറ്റ്‌ഫോമിലാണ് ഈ വെബ് സീരിസ് സ്ട്രീം ചെയ്യാൻ പോകുന്നത്. ജീവിതത്തിൽ പരാജിതനായ സിനിമാ സംവിധായകന്റെയും സൂപ്പർനായികയുടെയും പ്രണയമാണ് സീരീസിന്റെ പ്രമേയമെന്ന സൂചനയാണ് ഇതിന്റെ ട്രൈലെർ നമ്മുക്ക് തരുന്നത്.

സാക്ഷി ഭട്ട് നിർമ്മിച്ച ഈ വെബ് സീരിസ്, വൂട്ട് സെലക്ട് എന്ന ഓൺലൈൻ പ്ലാറ്റ്ഫോമിലൂടെ ജനുവരി 13 മുതൽ സ്ട്രീം ചെയ്തു തുടങ്ങുമെന്നാണ് ഇപ്പോൾ വന്നിരിക്കുന്ന റിപ്പോർട്ടുകൾ പറയുന്നത്. താഹിർ രാജ്, അമൃത പുരി എന്നിവരാണ് അമല പോളിനെ കൂടാതെ ഈ വെബ് സീരിസിലെ മറ്റ് പ്രധാന വേഷങ്ങൾ ചെയ്യുന്നത്. പുഷ്പദീപ് ഭരദ്വാജ് ആണ് ഈ വെബ് സീരിസ് രചിച്ചു സംവിധാനം ചെയ്തിരിക്കുന്നത്. ഇത് കൂടാതെ തെന്നിന്ത്യൻ ഭാഷകളിലും സിനിമകളും വെബ് സീരീസുകളുമായി ഏറെ തിരക്കിലാണ് അമല പോൾ. സോഷ്യൽ മീഡിയയിലും ഏറെ സജീവമായ ഈ താരത്തിന്റെ പുത്തൻ ഫോട്ടോഷൂട്ട് ഫോട്ടോകളും ഇൻസ്റ്റാഗ്രാം വീഡിയോകളുമെല്ലാം വലിയ രീതിയിലാണ് ശ്രദ്ധ നേടാറുള്ളത്.