തലയുടെ വിളയാട്ട്‌; ആറാട്ടിലെ കിടിലൻ തീം സോങ് എത്തി; വീഡിയോ കാണാം ..!

കംപ്ലീറ്റ് ആക്ടർ മോഹൻലാൽ നായകനായി എത്തുന്ന ആറാട്ടിലെ ആദ്യത്തെ സോങ് ടീസർ ഏതാനും ദിവസങ്ങൾക്കു മുൻപാണ് എത്തിയത്. ഇപ്പോഴിതാ ഈ ചിത്രത്തിലെ തീം സോങ്ങിന്റെ ലിറിക്കൽ വീഡിയോ കൂടി ഇന്ന് പുറത്തു വന്നിരിക്കുകയാണ്. ആരാധകരെ ഇളക്കി മറിക്കുന്ന ഈ കിടിലൻ റാപ് സോങ് ആലപിച്ചിരിക്കുന്നത് എം ജി ശ്രീകുമാർ, ഫെജോ എന്നിവർ ചേർന്നാണ്. ബി കെ ഹരിനാരായണൻ, ഫെജോ എന്നിവർ ചേർന്ന് രചിച്ച, തലയുടെ വിളയാട്ട്‌ എന്ന ഈ ഗാനത്തിന് ഈണം പകർന്നിരിക്കുന്നത് രാഹുൽ രാജ് ആണ്. റിലീസ് ചെയ്ത നിമിഷം മുതൽ സോഷ്യൽ മീഡിയയിൽ ട്രെൻഡിങ് ആണ് ഈ തീം സോങ് എന്ന് പറയാം നമ്മുക്ക്. ഇനി രണ്ടു ദിവസം കൂടി കഴിഞ്ഞാൽ ആറാട്ട് ആഗോള റിലീസായി പ്രേക്ഷകരുടെ മുന്നിലേക്ക് എത്തുകയാണ്. ഉദയ കൃഷ്ണ രചിച്ചു ബി ഉണ്ണികൃഷ്ണൻ സംവിധാനം ചെയ്ത ഈ ചിത്രം നിർമ്മിച്ചിരിക്കുന്നതും ഉണ്ണികൃഷ്ണൻ ആണ്. ശക്തി ആണ് ഈ ചിത്രത്തിന്റെ സഹനിർമ്മാതാവായി അദ്ദേഹത്തിനൊപ്പമുള്ളതു.

മലയാള സിനിമ കണ്ട ഏറ്റവും വലിയ റിലീസ് ആയാണ് ആറാട്ട് എത്തുന്നത്. ഇതിന്റെ ടീസർ, ട്രൈലെർ, പ്രൊമോഷൻ വീഡിയോ, പോസ്റ്ററുകൾ എന്നിവയെല്ലാം സൂപ്പർ ഹിറ്റാണ്. ശ്രദ്ധ ശ്രീനാഥ് നായികാ വേഷം ചെയ്ത ഈ ചിത്രത്തിൽ നെടുമുടി വേണു, സായ്കുമാര്‍, സിദ്ദിഖ്, വിജയരാഘവന്‍, ജോണി ആന്റണി, ഇന്ദ്രന്‍സ്, രാഘവന്‍, നന്ദു, ബിജു പപ്പന്‍, ഷീല, സ്വാസിക, മാളവിക, രചന നാരായണന്‍കുട്ടി തുടങ്ങി ഒരു വലിയ താരനിര അണിനിരക്കുന്നുണ്ട്. സംഗീത മാന്ത്രികൻ എ ആർ റഹ്മാൻ അതിഥി വേഷത്തിലും എത്തുന്ന ഈ ചിത്രം എഡിറ്റ് ചെയ്തത് ഷമീർ മുഹമ്മദും ഇതിനു കാമറ ചലിപ്പിച്ചത് വിജയ് ഉലകനാഥും ആണ്.