ഇനി തീ പടർത്താൻ ആക്ഷൻ സൂപ്പർ സ്റ്റാർ; സുരേഷ് ഗോപി- ജോഷി ടീമിന്റെ പാപ്പൻ ട്രൈലെർ എത്തി; വീഡിയോ കാണാം..!

മലയാളത്തിന്റെ ആക്ഷൻ സൂപ്പർ സ്റ്റാർ സുരേഷ് ഗോപി നായകനായി എത്തുന്ന ഏറ്റവും പുതിയ ചിത്രമാണ് പാപ്പൻ. മാസ്റ്റർ ഡയറക്ടർ ജോഷി സംവിധാനം ചെയ്ത ഈ ചിത്രം അടുത്ത മാസമാണ് റിലീസ് ചെയ്യാൻ പോകുന്നത്. ആർ ജെ ഷാൻ തിരക്കഥ ഒരുക്കിയ ഈ ചിത്രം ഒരു മാസ്സ് ക്രൈം ത്രില്ലർ ആയാണ് ഒരുക്കിയിരിക്കുന്നത്. ഇതിന്റെ മോഷൻ പോസ്റ്റർ, മറ്റു പോസ്റ്ററുകൾ എന്നിവ സോഷ്യൽ മീഡിയയിൽ സൂപ്പർ ഹിറ്റായി മാറിയിരുന്നു. ഇപ്പോഴിതാ ഇന്ന് ഇതിന്റെ ട്രൈലെർ കൂടി പുറത്തു വന്നിരിക്കുകയാണ്. പ്രേക്ഷകരെ ആവേശം കൊള്ളിക്കുന്ന ഒരു കിടിലൻ മാസ്സ് ചിത്രമായിരിക്കും പാപ്പൻ എന്ന സൂചനയാണ് ഇന്ന് വന്ന ട്രൈലെർ നൽകുന്നത്. ആരാധകരെ കോരിത്തരിപ്പിക്കുന്നതും തീയേറ്ററുകളിൽ തീ പടർത്തുന്നതുമായ ഡയലോഗുകളും ആക്ഷനും ഈ ചിത്രത്തിൽ ഉണ്ടാകുമെന്നും ട്രൈലെർ സൂചിപ്പിക്കുന്നു.

പാപ്പനിൽ എബ്രഹാം മാത്യു മാത്തൻ എന്ന കഥാപാത്രമായാണ് സുരേഷ് ഗോപി അഭിനയിച്ചിരിക്കുന്നത്. സണ്ണി വെയ്ൻ, നൈല ഉഷ, നീത പിള്ളൈ, ഗോകുൽ സുരേഷ് ഗോപി, ആശ ശരത്, കനിഹ, മാളവിക മേനോൻ, വിജയ രാഘവൻ, ടിനി ടോം, ഷമ്മി തിലകൻ, ശ്രീജിത്ത് രവി, മാല പാർവതി, സാധിക വേണുഗോപാൽ, അഭിഷേക് രവീന്ദ്രൻ, ചന്ദുനാഥ്, ഡയാന ഹമീദ്, ജുവൽ മേരി എന്നിവരും അഭിനയിച്ചിരിക്കുന്ന ഈ ചിത്രം ഡേവിഡ് കാച്ചപ്പിള്ളി പ്രൊഡക്ഷൻസിന്റെയും ഇഫാർ മീഡിയയുടെയും ബാനറിൽ ഡേവിഡ് കാച്ചപ്പിള്ളിയും റാഫി മതിരയും ചേർന്നാണ് നിർമ്മിച്ചിരിക്കുന്നത്. ശ്യാം ശശിധരൻ എഡിറ്റ് ചെയ്ത പാപ്പന് സംഗീതം ഒരുക്കിയത് ജേക്സ് ബിജോയ് ആണ്. അജയ് ഡേവിഡ് കാച്ചപ്പിള്ളി ആണ് ഇതിനു വേണ്ടി ദൃശ്യങ്ങൾ ഒരുക്കിയത്.