കിംഗ് ഖാന്റെ പത്താൻ ഒഫീഷ്യൽ റിലീസ് ഡേറ്റ് ടീസർ കാണാം..!

ബോളിവുഡ് സൂപ്പർ താരം ഷാരൂഖ് ഖാൻ നായകനായി എത്തുന്ന ഏറ്റവും പുതിയ ചിത്രമാണ് പത്താൻ. സിദ്ധാർഥ് ആനന്ദ് ഒരുക്കിയ ഈ ചിത്രത്തിന്റെ ഒഫീഷ്യൽ റിലീസ് ഡേറ്റ് ഇപ്പോൾ പുറത്തു വിട്ടിരിക്കുകയാണ്. 2023 ജനുവരി 25 നു ആണ് ഈ ചിത്രം പുറത്ത് വരിക എന്നത് ഷാരൂഖ് ഖാൻ തന്നെ തന്റെ സോഷ്യൽ മീഡിയ പേജിലൂടെ പുറത്തു വിട്ടു. ഹിന്ദി, തമിഴ്, തെലുങ്ക് ഭാഷകളിൽ ആണ് ഈ ചിത്രം വരുന്നത് എന്നും അദ്ദേഹം അറിയിച്ചിട്ടുണ്ട്. റിലീസ് ഡേറ്റ് പുറത്തു വിട്ടു കൊണ്ട് ഇപ്പോൾ വന്നിരിക്കുന്ന മാസ്സ് ടീസർ സോഷ്യൽ മീഡിയയിൽ ട്രെൻഡിങ് ആണ്. വാർ എന്ന സൂപ്പർ ഹിറ്റ് ഹൃത്വിക് റോഷൻ- ടൈഗർ ഷെറോഫ് ചിത്രത്തിന് ശേഷം സിദ്ധാർത്ഥ് ആനന്ദ് ഒരുക്കിയ ചിത്രമാണ് പത്താൻ.

യാഷ് രാജ് ഫിലിംസ് നിർമ്മിക്കുന്ന ഈ ചിത്രം അവരുടെ അന്പതാമത്തെ നിർമ്മാണ സംരംഭം ആണെന്ന പ്രത്യേകതയും ഉണ്ട്. ഈ അടുത്തിടെ ഈ ചിത്രത്തിലെ ലുക്കിൽ ഷാരൂഖ് ഖാൻ അഭിനയിച്ച ഒരു പരസ്യ ചിത്രം വൈറൽ ആയിരുന്നു. ഒരു സ്പൈ ത്രില്ലർ ആയാണ് പത്താൻ ഒരുങ്ങുന്നത് എന്നാണ് സൂചന. ബോളിവുഡ് സൂപ്പർ താരം ജോണ് അബ്രഹാം വില്ലൻ ആയി എത്തുന്ന ഈ ചിത്രത്തിലെ നായികാ വേഷം ചെയ്യുന്നത് ദീപിക പദുക്കോൺ ആണ്. സൂപ്പർ താരം സൽമാൻ ഖാൻ, ടൈഗർ എന്ന തന്റെ പ്രശസ്ത സ്പൈ കഥാപാത്രം ആയി പത്താനിൽ അതിഥി വേഷത്തിലും എത്തുന്നുണ്ട്. ബുർജ് ഖലീഫയിൽ കോടികൾ ചെലവിട്ട് ഒരുക്കിയ ആക്ഷൻ രംഗങ്ങൾ ഈ ചിത്രത്തിന്റെ ഹൈലൈറ്റ് ആയി മാറും എന്നാണ് സൂചന.