മനസ്സ് കീഴടക്കുന്ന മധുര സംഗീതവുമായി ഒടിയൻ; ആദ്യ ഗാനത്തിനു വമ്പൻ സ്വീകരണം

പ്രേക്ഷകർ ഏറെ ആവേശത്തോടെയും ആകാംഷയോടെയും കാത്തിരിക്കുന്ന ഒടിയൻ എന്ന ബ്രഹ്മാണ്ഡ ചിത്രത്തിലെ ആദ്യ ഗാനം ഇന്ന് നാലു മണിക്ക് റിലീസ് ചെയ്തു. ചിത്രത്തിലെ നായകനായ കമ്പ്ലീറ്റ് ആക്ടർ മോഹൻലാലിൻറെ ഒഫീഷ്യൽ ഫേസ്ബുക് പേജിലൂടെ ആണ് ഗാനം പുലർത്തു വിട്ടത്. ആദ്യ ഗാനത്തിന്റെ ലിറിക്കൽ വീഡിയോ ആണ് ഇപ്പോൾ റിലീസ് ചെയ്തിരിക്കുന്നത്. എം ജയചന്ദ്രൻ ഈണം നൽകി സുദീപും ശ്രേയാ ഘോഷാലുംആലപിച്ച കൊണ്ടോരാം കൊണ്ടോരാം കൈതോല പായ കൊണ്ടോരാം എന്ന മനോഹരമായ ഒരു മെലഡിയാണ് ഇപ്പോൾ റിലീസ് ചെയ്തിരിക്കുന്നത് റഫീഖ് അഹമ്മദ് വരികൾ എഴുതിയിരിക്കുന്ന ഈ ഗാനം ഒരു തവണ കേട്ടാൽ തന്നെ നമ്മുടെ മനസ്സ് കീഴടക്കും എന്നുറപ്പിച്ചു പറയാൻ സാധിക്കും. അത്ര മനോഹരമായ രീതിയിലാണ് എം ജയചന്ദ്രൻ ഈ ഗാനം ഒരുക്കിയിരിക്കുന്നതും സുദീപ്, ശ്രേയാ എന്നിവർ ആലപിച്ചിരിക്കുന്നതും.

ഇതിന്റെ വീഡിയോ അടുത്ത മാസം റിലീസ് ചെയ്യും എന്നാണ് റിപ്പോർട്ടുകൾ പറയുന്നത്. അതിരപ്പള്ളിയിൽ ചിത്രീകരിച്ച ഒരു ഗാനം ആണിതെന്നും മോഹൻലാലിൻറെ ഒടിയൻ മാണിക്യനും മഞ്ജു വാര്യരുടെ പ്രഭ എന്ന കഥാപാത്രവുമുള്ള ഒരു ഡ്യുവറ്റ് ആണ് ഇതെന്നുമാണ് ലഭിക്കുന്ന റിപ്പോർട്ടുകൾ പറയുന്നത്. അതിമനോഹരമായ ദൃശ്യങ്ങൾ ആണ് ഈ ചിത്രത്തിന്റെ പ്രത്യേകത എന്നും റിപ്പോർട്ടുകൾ പറയുന്നുണ്ട്. ഷാജി കുമാർ കാമറ ചലിപ്പിച്ച ഈ ചിത്രം എഡിറ്റ് ചെയ്തിരിക്കുന്നത് ജോൺ കുട്ടി ആണ്. ഹരികൃഷ്ണൻ തിരക്കഥ രചിച്ച ഈ ചിത്രം വി എ ശ്രീകുമാർ മേനോൻ ആണ് സംവിധാനം ചെയ്തിരിക്കുന്നത്. അടുത്ത മാസം പതിനാലിന് ലോകം മുഴുവൻ ഒടിയൻ പ്രദർശനം ആരംഭിക്കും. പീറ്റർ ഹെയ്‌ൻ ഒരുക്കിയ ആറു സംഘട്ടനങ്ങളും ഈ ചിത്രത്തിന്റെ ഭാഗമാണ്.