ഫ്രഞ്ച് വിപ്ലവം ട്രൈലെർ യൂട്യൂബിൽ നമ്പർ വൺ; സർപ്രൈസ് ആയി ട്രൈലെർ പുറത്തു വിട്ടത് ദുൽഖർ സൽമാൻ..!

പ്രശസ്ത യുവ താരം സണ്ണി വെയ്ൻ നായകനായി എത്തുന്ന പുതിയ ചിത്രമാണ് ഫ്രഞ്ച് വിപ്ലവം. നവാഗതനായ മജു സംവിധാനം ചെയ്ത ഈ കോമഡി ചിത്രം രചിച്ചിരിക്കുന്നത് അൻവർ അലി, ഷജീർ ഷാ, ഷജീർ എന്നിവർ ചേർന്നാണ്. അബ്ബാ ക്രീയേഷന്സിന്റെ ബാനറിൽ ഷജീർ കെ ജെ, ജാഫർ കെ എ എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രത്തിൽ ശശി കലിംഗ, വിഷ്ണു, ഉണ്ണിമായ , ആര്യ സലിം, നോബി, അരിസ്റ്റോ സുരേഷ് എന്നിവരും പ്രധാന വേഷങ്ങൾ ചെയ്യുന്നു. ഇന്നലെ വൈകുന്നേരം ആറു മണിക്കാണ് ഈ ചിത്രത്തിന്റെ ട്രൈലെർ റിലീസ് ചെയ്തത്. യുവ താരം ദുൽഖർ സൽമാൻ ആണ് ഈ ചിത്രത്തിന്റെ ട്രൈലെർ സർപ്രൈസ് ആയി പുറത്തു വിട്ടത്‌. ഒരു കമ്പ്ലീറ്റ് എന്റെർറ്റൈനെർ ആയാണ് ഈ ചിത്രം ഒരുക്കിയിരിക്കുന്നത് എന്നാണ് ഇതിന്റെ ട്രൈലെർ നൽകുന്ന സൂചന.

യൂട്യൂബിൽ രണ്ടു ലക്ഷം വ്യൂസിലേക്കു കുതിക്കുന്ന ഫ്രഞ്ച് വിപ്ലവം ട്രൈലെർ ഇപ്പോൾ ട്രെൻഡിങ്ങിൽ ഒന്നാമതാണ്. പ്രശാന്ത് പിള്ളൈ സംഗീതം നൽകിയിരിക്കുന്ന ഈ ചിത്രത്തിന് ദൃശ്യങ്ങൾ ഒരുക്കിയുത് പാപ്പിനുവും ഈ ചിത്രം എഡിറ്റ് ചെയ്തിരിക്കുന്നത് ദീപു ജോസെഫും ആണ്. അടുത്ത മാസം തീയേറ്ററുകളിൽ എത്തിക്കാൻ പ്ലാൻ ചെയ്തിരിക്കുന്ന ഈ ചിത്രം ഒരു പീരീഡ് ഫിലിം ആയാണ് ഒരുക്കിയിരിക്കുന്നത്. 1996 ഇൽ കേരളത്തിലെ ഒരു ഗ്രാമത്തിൽ നടക്കുന്ന കഥ ആണ് ഈ ചിത്രം പറയുന്നത്. ആദ്യാവസാനം കോമഡിയിലൂടെ ആണ് ചിത്രം കഥ പറയുന്നത് എന്ന് ട്രൈലെർ സൂചിപ്പിക്കുന്നു. അതുപോലെ ഗ്രാമീണ പശ്ചാത്തലത്തിൽ കഥ പറയുന്ന ഈ ചിത്രത്തിൽ ആക്ഷേപ ഹാസ്യത്തിലും പ്രാധാന്യം ഉണ്ടെന്ന സൂചനയും ട്രൈലെർ നൽകുന്നു.