ബിഗ് ബ്രദറിലെ ആദ്യ ഗാനം; മനോഹരമായ മെലഡിയുമായി ദീപക് ദേവ്

കംപ്ലീറ്റ് ആക്ടർ മോഹൻലാൽ നായകനായി എത്തുന്ന പുതിയ ചിത്രമാണ് ബിഗ് ബ്രദർ. സിദ്ദിഖ് രചനയും സംവിധാനവും നിർവഹിച്ച ഈ ചിത്രം ജനുവരി പതിനാറിന് ആണ് വേൾഡ് വൈഡ് റിലീസ് ആയി എത്തുക. ഈ ചിത്രത്തിന്റെ ട്രൈലെർ ഇതിനോടകം റിലീസ് ചെയ്യുകയും സോഷ്യൽ മീഡിയയിൽ സൂപ്പർ ഹിറ്റായി മാറുകയും ചെയ്തിരുന്നു. ഇപ്പോഴിതാ ഇന്ന് ഈ ചിത്രത്തിന്റെ ഓഡിയോ ലോഞ്ച് കൊച്ചിയിൽ വെച്ച് നടന്നു. അതിനോടൊപ്പം ഇതിലെ ആദ്യ ഗാനത്തിന്റെ ലിറിക് വീഡിയോയും അണിയറ പ്രവർത്തകർ പുറത്തു വിട്ടു. ദീപക് ദേവ് സംഗീതം ഒരുക്കിയ മനോഹരമായ മെലഡി ആണ് ഇപ്പോൾ റിലീസ് ചെയ്തിരിക്കുന്നത്. പ്രശസ്ത ബോളിവുഡ് ഗായകൻ ആയ അമിത് ത്രിവേദി, ഗൗരി ലക്ഷ്മി എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്.

റഫീഖ് അഹമ്മദ് വരികൾ എഴുതിയ കണ്ടോ കണ്ടോ എന്ന ഈ ഗാനം ഇപ്പോൾ പ്രേക്ഷകർ ഇരുകയ്യും നീട്ടി സ്വീകരിച്ചിരിക്കുകയാണ്. ചിത്രത്തിന്റെ അണിയറ പ്രവർത്തകർക്കൊപ്പം മാസ്റ്റർ ഡയറക്ടർ ജോഷി കൂടി ചേർന്നാണ് ഇതിന്റെ ഓഡിയോ ലോഞ്ച് നിർവഹിച്ചത്. വിഷ്ണു ഉണ്ണികൃഷ്ണൻ, അനൂപ് മേനോൻ, ടിനി ടോം, ഇർഷാദ്, സർജാനോ ഖാലിദ് എന്നിവരും അഭിനയിക്കുന്ന ഈ ചിത്രത്തിൽ ബോളിവുഡ് താരം അർബാസ് ഖാനും അഭിനയിച്ചിട്ടുണ്ട്. എസ് ടാകീസ്, നിക്, വൈശാഖ സിനിമ എന്നിവയുടെ ബാനറിൽ സംവിധായകൻ സിദ്ദിഖ്, ജെൻസോ ജോസ്, വൈശാഖ് രാജൻ എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്. പുതുമുഖമായ മിർണ്ണ മേനോൻ, ഗാഥാ, ഹണി റോസ് എന്നിവരാണ് ഈ ചിത്രത്തിലെ നായികാ വേഷങ്ങൾ ചെയ്തിരിക്കുന്നത്.