മലയാളത്തിന്റെ യുവ താരം ദുൽഖർ സൽമാൻ നായകനായി എത്തുന്ന ഏറ്റവും പുതിയ തെലുങ്കു ചിത്രത്തിന്റെ ടൈറ്റിൽ ഇന്നലെ പുറത്തു വിട്ടു. മൃണാൾ താക്കൂർ, രശ്മിക മന്ദാന എന്നിവർ നായികാ വേഷങ്ങൾ ചെയ്യുന്ന ഈ ചിത്രത്തിന്റെ ടൈറ്റിൽ പുറത്തു വിട്ടു കൊണ്ടുള്ള വീഡിയോ ഇപ്പോൾ സോഷ്യൽ മീഡിയയിൽ വൈറൽ ആവുകയാണ്. സീതാ രാമം എന്നാണ് ഈ ചിത്രത്തിന് നൽകിയിരിക്കുന്ന പേര്. ഒരു റൊമാന്റിക് ചിത്രമായി ഒരുക്കുന്ന ഈ ചിത്രത്തിൽ ലെഫ്റ്റനെന്റ് റാം എന്ന കഥാപാത്രമായി ആണ് ദുൽഖർ അഭിനയിച്ചിരിക്കുന്നത്. അഫ്രീൻ എന്ന കഥാപാത്രമായി ആണ് രശ്മിക ഇതിൽ പ്രത്യക്ഷപ്പെടുന്നത് എന്ന്, ഈ നടിയുടെ ജന്മദിനത്തിന് ചിത്രത്തിന്റെ അണിയറ പ്രവർത്തകർ അറിയിച്ചിരുന്നു. ദുൽഖറിന്റെ ആദ്യ തെലുങ്ക് ചിത്രമായ മഹാനടി നിർമ്മിച്ച സ്വപ്ന മൂവീസും വൈജയന്തി ഫിലിംസും ചേർന്നാണ് സീതാ രാമം എന്ന ഈ പുതിയ ചിത്രം നിർമ്മിക്കുന്നത്.
ഹനു രാഘവപുടി സംവിധാനം ചെയ്യുന്ന ഈ ബിഗ് ബഡ്ജറ്റ് ചിത്രം തെലുങ്ക്, തമിഴ്, മലയാളം ഭാഷകളിൽ ആണ് റിലീസ് ചെയ്യുന്നത്. ഭൂരിഭാഗവും കാശ്മീരിൽ ഷൂട്ട് ചെയ്ത ഈ ചിത്രം 1960 കളിൽ ജമ്മുകാശ്മീരിൽ നടന്ന പ്രണയ കഥയാണ് പറയുന്നത് എന്നാണ് സൂചന. വിശാൽ ചന്ദ്രശേഖർ സംഗീത സംവിധാനം നിർവഹിക്കുന്ന ഈ ചിത്രത്തിന് കാമറ ചലിപ്പിച്ചത് പി എസ് വിനോദ് ആണ്. ഈ തെലുങ്ക് ചിത്രം കൂടാതെ ചുപ് എന്നൊരു ഹിന്ദി ചിത്രവും ദുൽഖർ സൽമാൻ നായകനായി എത്തുന്നുണ്ട്. മലയാളത്തിൽ ദുൽഖർ സൽമാൻ ഇനി അഭിനയിക്കാൻ പോകുന്നത് സൗബിൻ ഷാഹിർ ഒരുക്കുന്ന ഓതിരം കടകം ആണ്. അതിനു ശേഷം അഭിലാഷ് ജോഷി ഒരുക്കുന്ന കിംഗ് ഓഫ് കൊത്തയിൽ ആണ് ദുൽഖർ അഭിനയിക്കുക. ഈ രണ്ടു ചിത്രങ്ങളും നിർമ്മിക്കുന്നതും ദുൽഖർ തന്നെയാണ്.
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു സംവിധാനം ചെയ്യുന്ന ഏറ്റവും പുതിയ സിനിമയാണ്…
ജനപ്രിയ നായകൻ ദിലീപ് നായകനായ പവി കെയർ ടേക്കർ റീലിസ് ആയി രണ്ടു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ്…
മികച്ച പ്രതികരണങ്ങൾ നേടി തിയേറ്ററിൽ മുന്നേറുന്ന ജനപ്രിയ നായകൻ ദിലീപിനെ നായകനാക്കി വിനീത് കുമാര് സംവിധാനം ചെയ്ത പവി കെയര്…
വേനലവധിക്കാലത്തു കുടുംബ പ്രേക്ഷകരെ ലക്ഷ്യമാക്കി എത്തുന്ന ചിത്രങ്ങൾ എന്നും കംപ്ലീറ്റ് എന്റർടൈൻമെന്റ് പാക്കേജ് ആയാണ് ഒരുക്കുക. അത്തരം ഒട്ടേറെ ചിത്രങ്ങളുമായി…
ജനപ്രിയ നായകൻ ദിലീപ് കേന്ദ്ര കഥാപാത്രമാകുന്ന പവി കെയർ ടേക്കർ ഇന്ന് മുതൽ തീയേറ്ററുകളിലേക്ക്. മലയാള സിനിമയുടെ ബോക്സ് ഓഫീസിൽ…
ഷറഫുദ്ദീൻ, അനുപമ പരമേശ്വരൻ എന്നിവരെ കേന്ദ്ര കഥാപാത്രങ്ങളാക്കി പ്രനീഷ് വിജയൻ സംവിധാനം ചെയ്യുന്ന സിനിമയാണ് 'ദി പെറ്റ് ഡിക്ടറ്റീവ്'. തൃക്കാക്കര…
This website uses cookies.