ധനുഷ് ചിത്രം വട ചെന്നൈയുടെ “അൻപ് ദി ആങ്കർ” പ്രോമോ വീഡിയോ സോഷ്യൽ മീഡിയയുടെ ശ്രദ്ധ നേടുന്നു;

ധനുഷ്- വെട്രിമാരൻ ടീം മൂന്നാമതും ഒന്നിച്ച വട ചെന്നൈ എന്ന ബിഗ് ബജറ്റ് തമിഴ് ചിത്രം റിലീസിന് തയ്യാറെടുക്കുകയാണ്. ധനുഷിന്റെ വണ്ടർ ബാർ ഫിലിംസും ലൈക്ക പ്രൊഡക്ഷന്സും ചേർന്നു നിർമ്മിച്ചിരിക്കുന്ന ഈ ചിത്രത്തിൽ സമുദ്രക്കനി, ഐശ്വര്യ രാജേഷ്, ആൻഡ്രിയ എന്നിവരും അഭിനയിച്ചിട്ടുണ്ട്. എൺപതു കോടി മുതൽ മുടക്കിൽ ഒരുക്കിയ ഈ ക്ലാസ് ആൻഡ് മാസ്സ് ചിത്രത്തിന്റെ പുതിയ പ്രോമോ വീഡിയോ സോഷ്യൽ മീഡിയയിൽ തരംഗമായി മാറുകയാണ്. “അൻപ് ദി ആങ്കർ” എന്ന പേരിൽ റിലീസ് ചെയ്ത ഈ വീഡിയോ ധനുഷ് അവതരിപ്പിക്കുന്ന അൻപ് എന്ന കഥാപാത്രത്തെ ഫോക്കസ് ചെയ്യുന്ന ഒരു പ്രോമോ ടീസർ അല്ലെങ്കിൽ വീഡിയോ ആണ്. മാസ്സ് ഡയലോഗുകളും ആക്ഷൻ സീനുകളും ഈ വിഡിയോയിൽ ഉണ്ട്.

ധനുഷിന്റേയും വെട്രിമാരന്റെയും കരിയറിലെ ഏറ്റവും മികച്ച ചിത്രമായിരിക്കും വട ചെന്നൈ എന്ന സൂചനയാണ് ഇപ്പോൾ വരുന്ന റിപ്പോർട്ടുകൾ സൂചിപ്പിക്കുന്നത്. എസ് വിനോദ് കുമാർ, സുകുമാരൻ തെക്കേപ്പാട്ടു എന്നിവർ നേതൃത്വം നൽകുന്ന മിനി സ്റ്റുഡിയോ ആണ് ഈ ചിത്രം കേരളത്തിൽ വമ്പൻ റിലീസ് ആയി എത്തിക്കുന്നത്. ഈ വരുന്ന ഒക്ടോബർ പതിനേഴിന് വട ചെന്നൈ റിലീസ് ചെയ്യും. മൂന്നു ഗെറ്റപ്പുകളിൽ ആണ് ധനുഷ് ഈ ചിത്രത്തിൽ പ്രത്യക്ഷപ്പെടുന്നത്. ആടുകളം എന്ന ചിത്രത്തിലൂടെ ധനുഷിന് മികച്ച നടനുള്ള ദേശീയ പുരസ്‍കാരം നേടി കൊടുത്ത സംവിധായകൻ ആണ് വെട്രിമാരൻ. ആറു ദേശീയ അവാർഡ് നേടിയ ആടുകളത്തിനു പുറമേ പൊല്ലാതവൻ എന്ന ധനുഷ് ചിത്രവും ഇന്ത്യയുടെ ഒഫീഷ്യൽ ഓസ്കാർ എൻട്രി ആയി തിരഞ്ഞെടുക്കപ്പെട്ട വിസാരണൈയും സംവിധാനം ചെയ്ത ആളാണ് വെട്രിമാരൻ.