സൂര്യകിരണങ്ങൾക്കൊപ്പം നൃത്തം വെച്ച് പാർവതി തിരുവോത്ത്; വീഡിയോ കാണാം

പ്രശസ്ത മലയാള നടി പാർവതി തിരുവോത്ത് ഇപ്പോൾ തമിഴിലും ബോളിവുഡിലും അഭിനയിക്കുന്ന താരം കൂടിയാണ്. തന്റെ അഭിനയ മികവ് കൊണ്ട് പുതിയ ഉയരങ്ങൾ താണ്ടിയ ഈ നടി സോഷ്യൽ മീഡിയയിലും സജീവമാണ്. മലയാള സിനിമയിലെ സ്ത്രീകളുടെ സംഘടനായ ഡബ്ള്യു സി സിയുടെ സജീവ പ്രവർത്തക എന്ന നിലയിലും പലപ്പോഴും വാർത്തകളിൽ ഇടം പിടിക്കുന്ന ഈ നടി, ഇപ്പോൾ അഭിനയിക്കുന്നത് ചിയാൻ വിക്രം നായകനായ പാ രഞ്ജിത് ചിത്രമാണ് തങ്കളാനിലാണ്. ഈ ചിത്രത്തിന്റെ ലൊക്കേഷനിൽ നിന്നുള്ള പാർവതിയുടെ ചിത്രങ്ങൾ ശ്രദ്ധ നേടിയിരുന്നു. പാർവതി അഭിനയിച്ച അടുത്തിടെ റിലീസ് ചെയ്ത മലയാള ചിത്രം അഞ്ജലി മേനോൻ ഒരുക്കിയ വണ്ടർ വുമൺ ആയിരുന്നു. നേരിട്ടുള്ള ഒടിടി റിലീസായെത്തിയ ഈ ചിത്രം സോണി ലൈവിലാണ് റിലീസ് ചെയ്തത്. എന്നാൽ പ്രതീക്ഷിച്ച പ്രേക്ഷക പ്രതികരണം നേടിയെടുക്കാൻ ഈ ചിത്രത്തിന് സാധിച്ചില്ല.

https://www.instagram.com/p/CmEYRLLunUU/

ഇപ്പോഴിതാ പാർവതി തന്റെ ഇൻസ്റ്റാഗ്രാം അക്കൗണ്ടിലൂടെ പങ്ക് വെച്ച ഒരു വീഡിയോയാണ് ശ്രദ്ധ നേടുന്നത്. സൂര്യകിരണങ്ങളുടെ അകമ്പടിയോടെ തൂവെള്ള മോഡേൺ വസ്ത്രത്തിൽ തന്റെ മുറിയിൽ നൃത്തം വെക്കുന്ന വീഡിയോയാണ് പാർവതി പങ്ക് വെച്ചിരിക്കുന്നത്. രക്ഷിത സുരേഷിന്റെ ശബ്ദത്തിലുള്ള ഒരു ഗാനത്തിനാണ് പാർവതി ചുവടു വെക്കുന്നത്. ആമസോൺ പ്രൈം നിർമിക്കുന്ന ധൂത എന്ന പുതിയ ഒറിജിനൽ സീരിസിലും പാർവതി അഭിനയിക്കുന്നുണ്ട്. പാർവതി, തെലുങ്ക് യുവ താരം നാഗ ചൈതന്യ, ബോളിവുഡ് താരം പ്രാചി ദേശായി, പ്രിയ ഭവാനി ശങ്കർ എന്നിവരാണ് ഇതിൽ പ്രധാന വേഷങ്ങൾ ചെയ്യുന്നത്. ലിജിൻ ജോസ് ഒരുക്കുന്ന ഹേർ എന്ന ചിത്രത്തിലൂടെയാണ് ഇനി പാർവതി മലയാളത്തിലെത്തുന്നത്. ഉർവശി, ഐശ്വര്യ രാജേഷ്, ലിജോമോള് ജോസ്, രമ്യ നമ്പീശൻ എന്നിവരും ഈ ചിത്രത്തിന്റെ താരനിരയിലുണ്ട്.