മലയാളത്തിന്റെ പ്രിയ താരം ബിജു മേനോൻ ഇപ്പോൾ ദേശീയ പുരസ്കാരത്തിന്റെ നിറവിലാണ്. കഴിഞ്ഞ ദിവസമാണ് അയ്യപ്പനും കോശിയും എന്ന ചിത്രത്തിലെ അയ്യപ്പൻ നായരായുള്ള പ്രകടന മികവിൽ മികച്ച സഹനടനുള്ള ദേശീയ പുരസ്കാരം ബിജു മേനോനെ തേടിയെത്തിയത്. ഇപ്പോഴിതാ, അയ്യപ്പൻ നായരേ അനുസ്മരിപ്പിക്കുന്ന മറ്റൊരു മാസ്സ് കഥാപാത്രവുമായി ബിജു മേനോൻ എത്തുന്ന ഒരു തെക്കൻ തല്ല് കേസ് എന്ന ചിത്രത്തിന്റെ ആദ്യ ടീസർ റിലീസ് ചെയ്തിരിക്കുകയാണ്. എൺപതുകളുടെ അവസാനം നടക്കുന്ന കഥയാണ് ചിത്രം പറയുന്നതെന്ന സൂചനയാണ് ഈ ടീസർ നൽകുന്നത്. ബിജു മേനോൻ, റോഷൻ മാത്യു, പത്മപ്രിയ, നിമിഷ സജയൻ എന്നിവരുൾപ്പെടെയുള്ള പ്രശസ്ത താരങ്ങൾ അണിനിരക്കുന്ന ഈ ചിത്രത്തിൽ അമ്മിണി എന്ന് വിളിപ്പേരുള്ള അമ്മിണിപ്പിള്ളയെന്ന കഥാപാത്രമായാണ് ബിജു മേനോൻ എത്തുന്നത്. അദ്ദേഹത്തിന്റെ കിടിലൻ ആക്ഷൻ സീനുകളും ഡയലോഗുമാണ് ഈ ടീസറിന്റെ ഹൈലൈറ്റ്.
നവാഗതനായ ശ്രീജിത്ത് എൻ. സംവിധാനം ചെയ്യുന്ന ഒരു തെക്കൻ തല്ല് കേസ്, ഇ ഫോർ എന്റർടെയ്ൻമെന്റിന്റെ ബാനറിൽ മുകേഷ് ആർ. മേത്തയും സി.വി. സാരഥിയും, ന്യൂ സൂര്യ ഫിലിംസിന്റെ ബാനറിൽ സുനിൽ എ കെയും ചേർന്നാണ് നിർമിച്ചിരിക്കുന്നത്. ഈ വരുന്ന സെപ്റ്റംബറിൽ ഓണം റിലീസ് ആയാണ് ഒരു തെക്കൻ തല്ലു കേസ് റിലീസ് ചെയ്യുക. ജി.ആർ. ഇന്ദുഗോപൻ രചിച്ച, ഇതേപേരിലെ പുസ്തകത്തെ അധികരിച്ചാണ് ഈ ചിത്രം ഒരുക്കിയിരിക്കുന്നത്. ബിജു മേനോന്റെ ഭാര്യ രുക്മിണി ആയാണ് പദ്മപ്രിയ ഈ ചിത്രത്തിലഭിനയിക്കുന്നത്. ഒരിടവേളക്ക് ശേഷം പദ്മപ്രിയ തിരിച്ചു വരുന്ന ചിത്രം കൂടിയാണിത്. രാജേഷ് പിന്നാടൻ രചിച്ച ഈ ചിത്രത്തിന് കാമറ ചലിപ്പിച്ചത് മധു നീലകണ്ഠൻ, സംഗീതമൊരുക്കിയത് ജസ്റ്റിൻ വർഗീസ്, എഡിറ്റ് ചെയ്തത് മനോജ് കണ്ണോത് എന്നിവരാണ്. അഖിൽ കവലയൂർ, അശ്വത് ലാൽ, റിജു ശിവദാസ്, അരുൺ പാവുമ്പ, അസീസ് നെടുമങ്ങാട്, പ്രമോദ് വെളിയനാട്, പ്രശാന്ത് മുരളി, അച്യുതാന്ദൻ, ശശി വാളൂരാൻ, നീരജ രാജേന്ദ്രൻ, ജയരാജ് എന്നിവരും ഈ ചിത്രത്തിന്റെ താരനിരയിലുണ്ട്.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
പ്രതീക്ഷകൾ ഉണർത്തി മജു ചിത്രം 'പെരുമാനി' നാളെ മുതൽ (2024 മെയ് 10) തിയറ്ററുകളിൽ പ്രദർശനത്തിനെത്തുന്നു. സിനിമ കാണാൻ പ്രേക്ഷകരെ…
പ്രേക്ഷക-നിരൂപക പ്രശംസ നേടിയ 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി' റിലീസിനൊരുങ്ങുന്നു. മെയ് 10ന് ചിത്രം തിയറ്ററുകളിലെത്തും. സണ്ണി…
This website uses cookies.