തനിക്കു പ്രായമോ, താൻ ജിംനാസ്റ്റ് അല്ലെ; ഭീഷ്മ പർവത്തിൽ നിന്നൊഴിവാക്കിയ ആ രംഗം കാണാം..!

മെഗാ സ്റ്റാർ മമ്മൂട്ടി നായകനായ ഭീഷ്മ പർവ്വം എന്ന ചിത്രം മമ്മൂട്ടിയുടെ കരിയറിലെ തന്നെ ഏറ്റവും വലിയ വിജയമായി മാറിയിരിക്കുകയാണ്. അമൽ നീരദ് ഒരുക്കിയ ഈ ചിത്രം മമ്മൂട്ടി ആരാധകരെ തൃപ്തരാക്കിക്കൊണ്ട് മികച്ച ബോക്സ് ഓഫിസ് പ്രകടനമാണ് നടത്തിയത്. അമൽ നീരദ് നിർമ്മാണം നിർവഹിക്കുകയും കൂടി ചെയ്ത ഈ ചിത്രം രചിച്ചിരിക്കുന്നത് അദ്ദേഹവും നവാഗതനായ ദേവദത് ഷാജിയും ചേർന്നാണ്. മമ്മൂട്ടിയെ കൂടാതെ ശ്രീനാഥ് ഭാസി, ഷൈൻ ടോം ചാക്കോ, സുദേവ് നായർ, ഹാരിഷ് ഉത്തമൻ, അബു സലിം, അനഘ, അനസൂയ ഭരദ്വാജ്, വീണ നന്ദകുമാർ, ശ്രിന്ദ, ലെന, നദിയ മൊയ്‌ദു, കെ പി എ സി ലളിത, ജിനു ജോസഫ്, നെടുമുടി വേണു, ദിലീഷ് പോത്തൻ, ഫർഹാൻ ഫാസിൽ, നിസ്താർ സേട്ട്, മാല പാർവതി, കോട്ടയം രമേശ്, പോളി വത്സൻ, ധന്യ അനന്യ, റംസാൻ, ഷെബിൻ ബെൻസൺ തുടങ്ങി ഒരു വലിയ താരനിര തന്നെ ഈ ചിത്രത്തിൽ അണിനിരന്നിട്ടുണ്ട്.

ഇപ്പോഴിതാ ഈ ചിത്രത്തിൽ നിന്ന് ഒഴിവാക്കിയ ഒരു രംഗം യൂട്യൂബിൽ റിലീസ് ചെയ്തിരിക്കുകയാണ് ഇതിന്റെ അണിയറ പ്രവർത്തകർ. മമ്മൂട്ടി അവതരിപ്പിക്കുന്ന മൈക്കിൾ എന്ന കഥാപാത്രവും അദ്ദേഹത്തിന്റെ സന്തത സഹചാരിയായ, അബു സലിം അവതരിപ്പിക്കുന്ന ശിവൻ എന്ന കഥാപാത്രവും തമ്മിലുള്ള ഒരു സംഭാഷണ രംഗമാണ് ഇപ്പോൾ പുറത്തു വിട്ടിരിക്കുന്നത്. ആ രണ്ടു കഥാപാത്രങ്ങൾ തമ്മിലുള്ള അടുപ്പം ആ രംഗത്തിലൂടെ കാണിച്ചിരിക്കുന്നു. മമ്മൂട്ടിയുടെ സ്ക്രീൻ പ്രെസൻസ്, അമൽ നീരദ് ചിത്രങ്ങളുടെയെല്ലാം പ്രത്യേകത ആയ സ്റ്റൈലിഷ് ഫ്രയിമുകൾ എന്നിവയാണ് ഈ ചിത്രത്തിന്റെ ഹൈലൈറ്റുകൾ ആയി നിൽക്കുന്നത്. സുഷിന് ശ്യാമിന്റെ സംഗീതവും ആനന്ദ് സി ചന്ദ്രന്റെ ദൃശ്യങ്ങളും കയ്യടി നേടുന്നുണ്ട്.