അത്രയും വലിയ ആ സ്ഥലം മുഴുവൻ സെറ്റിട്ടതു; പുതിയ ദളപതി ചിത്രത്തിന്റെ മേക്കിങ് വീഡിയോ കണ്ടു ഞെട്ടി ആരാധകർ; വീഡിയോ കാണാം..!

ദളപതി വിജയ് നായകനായി എത്തിയ ഏറ്റവും പുതിയ ചിത്രമാണ് ബീസ്റ്റ്‌. നെൽസൺ ദിലീപ്കുമാർ ഒരുക്കിയ ഈ ചിത്രം ഈ കഴിഞ്ഞ ഏപ്രിൽ പതിമൂന്നിന് ആണ് റിലീസ് ചെയ്തത്. സമ്മിശ്ര പ്രതികരണം നേടിയ ഈ ചിത്രം പക്ഷെ ബോക്സ് ഓഫീസിൽ തരക്കേടില്ലാത്ത പ്രകടനമാണ് കാഴ്ച വെച്ചത്. ഇരുനൂറു കോടി ആഗോള കളക്ഷൻ നേടുന്ന ചിത്രമായും ബീസ്റ്റ്‌ മാറി. ഇപ്പോഴിതാ ഈ ചിത്രത്തിന്റെ ഒരു മേക്കിങ് വീഡിയോ പ്രോമോ പുറത്തു വിട്ടിരിക്കുകയാണ് ഇതിന്റെ നിർമ്മാതാക്കൾ ആയ സൺ പിക്ചേഴ്സ്. ഒരു വലിയ മാൾ ഹൈജാക്ക് ചെയ്തു അതിൽ ഉള്ള ജനങ്ങളെ ബന്ദികളാക്കിയ തീവ്രവാദികളിൽ നിന്നും, അവരെ രക്ഷക്കുന്ന ഒരു മുൻ റോ ഉദ്യോഗസ്ഥനായ വീരരാഘവൻ എന്ന കഥാപാത്രത്തെ ആണ് വിജയ് ഈ ചിത്രത്തിൽ അവതരിപ്പിക്കുന്നത്. ഈ ചിത്രം ഷൂട്ട് ചെയ്ത മാൾ ആണ് ഇപ്പോൾ പുറത്തു വിട്ട മേക്കിങ് വീഡിയോയിൽ കാണാൻ സാധിക്കുന്നത്.

ചിത്രത്തിൽ ചെന്നൈ ഈസ്റ്റ്കോസ്റ്റ് മാൾ ആയി കാണിക്കുന്നത്, പൂർണമായും സെറ്റ് ഇട്ടതാണെന്നു ഈ പ്രോമോ വീഡിയോ നമുക്ക് കാണിച്ചു തരുന്നു. മേക്കിങ് വിഡിയോ ഏപ്രിൽ 24ന് ആണ് റിലീസ് ചെയ്യുക. പ്രശസ്ത നടൻ കൂടിയായ ഡി കെ കിരൺ ആണ് ഈ ചിത്രത്തിന് വേണ്ടി കലാസംവിധാനം നിർവഹിച്ചിരിക്കുന്നത്. നെൽസൻ ബീസ്റ്റിനു മുൻപ് സംവിധാനം ചെയ്ത ശിവകാർത്തികേയൻ ചിത്രം ഡോക്ടറിനും കലാസംവിധാനം നിർവഹിച്ചത് കിരൺ ആയിരുന്നു. പൂജ ഹെഗ്‌ഡെ നായികാ വേഷം ചെയ്ത ബീസ്റ്റ്‌ എന്ന ചിത്രത്തിൽ മലയാളി താരങ്ങളായ ഷൈൻ ടോം ചാക്കോ, അപർണ്ണ ദാസ് എന്നിവരും അഭിനയിച്ചിട്ടുണ്ട്.