നീയൊന്നും കാണാത്ത ആ മൈക്കിൾ; ഭീഷ്മ പർവ്വത്തിലെ ആ മാസ്സ് ഗാനം എത്തി; വീഡിയോ കാണാം..!

മെഗാ സ്റ്റാർ മമ്മൂട്ടി നായകനായ ഭീഷ്മ പർവ്വം ഇപ്പോൾ അതിന്റെ തീയേറ്റർ റണ്ണിന്റെ അവസാന ഘട്ടത്തിലാണ്. ആഗോള കളക്ഷൻ 75 കോടി പിന്നിട്ടു കുതിക്കുന്ന ഈ ചിത്രത്തിലെ ഡിലീറ്റഡ് സീൻ, ആക്ഷൻ മേക്കിങ് വീഡിയോ എന്നിവ ഈ അടുത്തിടെ പുറത്തു വിട്ടിരുന്നു. ഇപ്പോഴിതാ ഈ ചിത്രത്തിലെ “ബി നൊട്ടോറിയസ്” എന്ന ഗാനത്തിന്റെ ഏൻഡ് ക്രെഡിറ്റ് വേർഷൻ ആണ് പുറത്തു വിട്ടിരിയ്ക്കുന്നതു. ലിറിക് വീഡിയോ ആയി എത്തിയിരിക്കുന്ന ഈ ഗാനത്തിലെ മമ്മൂട്ടിയുടെ മാസ്സ് സ്റ്റില്ലുകൾ ആരാധകരെ ആവേശം കൊള്ളിക്കുന്നവയാണ്. നീയൊന്നും കാണാത്ത, നിനക്കൊന്നും അറിയാത്ത ഒരു മൈക്കിളിനെ ഞാൻ കണ്ടിട്ടുണ്ട് എന്ന് ഈ ചിത്രത്തിലെ ഒരു കഥാപാത്രം മമ്മൂട്ടി കഥാപാത്രത്തെ കുറിച്ച് പറയുന്നുണ്ട്. ആ മൈക്കിളിനെ ആണ് ഈ ഗാനത്തിലൂടെ പ്രേക്ഷകരുടെ മുന്നിൽ എത്തിക്കുന്നത്.

അമൽ നീരദ് നിർമ്മാണം നിർവഹിക്കുകയും സംവിധാനം ചെയ്യുകയും ചെയ്ത ഈ മാസ്സ് ആക്ഷൻ ഡ്രാമ രചിച്ചിരിക്കുന്നത് അദ്ദേഹവും നവാഗതനായ ദേവദത് ഷാജിയും ചേർന്നാണ്. ആനന്ദ് സി ചന്ദ്രൻ ആണ് ഈ ചിത്രത്തിന് കാമറ ചലിപ്പിച്ചത് എങ്കിൽ, ഈ ചിത്രം എഡിറ്റ് ചെയ്തത് വിവേക് ഹർഷൻ ആണ്. സുഷിൻ ശ്യാം ഒരുക്കിയ ഗാനങ്ങളും പശ്‌ചാത്തല സംഗീതവും ഈ ചിത്രത്തിന്റെ വിജയത്തിൽ വലിയ പങ്കാണ് വഹിച്ചത്. ശ്രീനാഥ് ഭാസി, സൗബിൻ ഷാഹിർ, ഷൈൻ ടോം ചാക്കോ, സുദേവ് നായർ, ഹാരിഷ് ഉത്തമൻ, അബു സലിം, അനഘ, അനസൂയ ഭരദ്വാജ്, വീണ നന്ദകുമാർ, ശ്രിന്ദ, ലെന, നദിയ മൊയ്‌ദു, കെ പി എ സി ലളിത, ജിനു ജോസഫ്, നെടുമുടി വേണു, ദിലീഷ് പോത്തൻ, ഫർഹാൻ ഫാസിൽ, നിസ്താർ സേട്ട്, മാല പാർവതി, കോട്ടയം രമേശ്, പോളി വത്സൻ, ധന്യ അനന്യ, റംസാൻ, ഷെബിൻ ബെൻസൺ എന്നിവരും ഇതിന്റെ താരനിരയിൽ ഉണ്ട്.