ചിരിയുടെ പൊടി പൂരവുമായി ‘ആൻ ഇന്റർനാഷണൽ ലോക്കൽ സ്റ്റോറി’യുടെ ട്രെയിലർ

.മലയാളത്തിലെ ജനപ്രിയ ഹാസ്യ താരങ്ങളിലൊരാളായ ഹരിശ്രീ അശോകൻ ആദ്യമായി സംവിധായകന്റെ വേഷമണിയുന്ന ചിത്രമായ ‘ആൻ ഇന്റർനാഷണൽ ലോക്കൽ സ്റ്റോറി’യുടെ ട്രെയിലർ മഞ്ജു വാര്യർ തന്റെ ഫേസ്ബുക്ക് പേജിലൂടെ പുറത്തു വിട്ടു. ചിത്രത്തിലെ ഹാസ്യ മുഹൂർത്തങ്ങൾ എല്ലാം കോർത്തിണക്കിയാണ് ട്രെയിലർ ഒരുക്കിയിരുന്നത് . ഹരിശ്രീ അശോകൻ ആദ്യമായി സംവിധാനം ചിത്രം എന്ന നിലയിൽ ആൻ ഇന്റർനാഷണൽ ലോക്കൽ സ്റ്റോറിക്കു പ്രേക്ഷക പ്രതീക്ഷയേറെയാണ് . ധർമജൻ ബോൽഗാട്ടി, മനോജ് കെ ജയൻ, ബിജുക്കുട്ടൻ, ടിനി ടോം, ഹരിശ്രീ അശോകൻ തുടങ്ങി വലിയ താരനിര തന്നെ ആൻ ഇന്റർനാഷണൽ ലോക്കൽ സ്റ്റോറിയുടെ ഭാഗമാണ്

ഗോപി സുന്ദർ, നാദിർഷ, അരുൺ രാജ് തുടങ്ങിയവർ ആണ് ചിത്രത്തിന്റെ സംഗീതം ഒരുക്കുന്നത്. ആൽബി ആന്റണി ആണ് ചിത്രത്തിന്റെ ഛായാഗ്രഹണം. എസ് സ്‌ക്വയർ സിനിമാസിന്റെ ബാനറിൽ എം. ഷിജിത്ത് ആണ് ചിത്രത്തിന്റെ നിർമാണം നിർവഹിക്കുന്നത്. ചിത്രം ഫെബ്രുവരി, 15ന് തിയറ്ററുകളിലെത്തും.