ടോവിനോയെ നായകനാക്കി വിഷ്ണു നാരായൺ സംവിധാനം ചെയ്ത ചിത്രമാണ് ‘മറഡോണ’. കൃഷ്ണമൂർത്തിയാണ് ചിത്രത്തിന് വേണ്ടി തിരക്കഥ ഒരുക്കിയിരിക്കുന്നത്. മറഡോണയുടെ ട്രെയ്ലർ ഏറെ പ്രതീക്ഷ നൽകുന്ന ഒന്നായിരുന്നു, എന്നാൽപ്പോലും വളരെ ചെറിയ ഹൈപ്പിലാണ് ചിത്രം പ്രദർശനത്തിനെത്തിയത്. മലയാളികളായ രണ്ട് യുവാക്കളുടെ കഥ പറയുന്ന ഈ ചിത്രത്തിൽ സുധിയെയും മറഡോണയെയും ചുറ്റുപറ്റിയാണ് കഥ മുന്നോട്ട് പോകുന്നത്. എളുപ്പത്തിൽ പൈസ സമ്പാദിക്കാൻ കോട്ടേഷൻ ടീമിൽ പോലും ഭാഗമാവുന്ന രണ്ട് യുവാക്കളെയാണ് സംവിധായകൻ അണിയിച്ചൊരുക്കിയിരിക്കുന്നത്. സമൂഹത്തിലെ ഉന്നത രാഷ്ട്രീയ നേതാവുമായുള്ള പ്രശ്നത്തെ തുടർന്ന് ജീവതത്തിൽ പിന്നീട് ഓടികൊണ്ടിരിക്കേണ്ടി വരുന്ന മറഡോണയെയാണ് ചിത്രത്തിൽ കാണാൻ സാധിക്കുക. ബന്ധുക്കളുടെ സഹായത്തോടെ മറഡോണ ബാംഗ്ലൂരിൽ താമസം തുടങ്ങുകയും, അതിന് ശേഷം മറഡോണ എന്ന വ്യക്തിക്ക് ചുറ്റുമുള്ള ആളുകളുടെ സ്വാധീനം മൂലം വ്യക്തിത്വത്തിൽ വരുന്ന മാറ്റങ്ങളാണ് കഥ മുന്നോട്ട് കൊണ്ടു പോകുന്നത്.
സംവിധായകൻ വിഷ്ണു നാരായണന്റെയും തിരകഥാകൃത്ത് കൃഷ്ണമൂർത്തിയുടെയും കഥ പറച്ചിലും രണ്ടും മികച്ച രീതിയിൽ അവിഷ്കരിച്ചിട്ടുണ്ട്. മറഡോണയുടെ പുതിയ ജീവിത സാഹചര്യങ്ങൾ ഒരു വശത്തും മറുവശത്ത് മറഡോണയെ തേടിയുള്ള ഗുണ്ടകളുടെ തിരച്ചിലും മനോഹരമായി ദൃശ്യാവിഷ്കാരിച്ചിട്ടുണ്ട്. ടോവിനോയുടെ പ്രകടനം ചിത്രത്തിന് മുതൽകൂടായിരുന്നു. ടോവിനോയുടെ കഥാപാത്രത്തിന് വരുന്ന മാറ്റങ്ങളും താരം വളരെ തന്മയത്തോട് കൂടി കൈകാര്യം ചെയ്തിട്ടുണ്ട്.
നവാഗത സംവിധായകൻ വിഷ്ണു നാരായണന് മികച്ചൊരു തുടക്കമാണ് ഈ ചിത്രത്തിലൂടെ ലഭിച്ചിരിക്കുന്നത്. വൈകാരിക രംഗങ്ങൾ പ്രേക്ഷകരിലേക്ക് എത്തിക്കാൻ പഞ്ചാത്തല സംഗീതവും സഹായകരമായിരുന്നു. ചിക്ക്മഗളൂറിലെ ആക്ഷൻ രംഗങ്ങൾ മികച്ചതായിരുന്നു. മറഡോണയും ആശയും തമ്മിലുള്ള പ്രണയ രംഗങ്ങലും സിനിമ പ്രേമികൾക്ക് ഒരു പുത്തൻ അനുഭവം സമ്മാനിക്കും.
വളരെ സ്വാഭാവികമായാണ് കഥാന്തരീക്ഷം സംവിധായകൻ ഒരുക്കിയത്, അനാവശ്യ സംഭാഷണങ്ങൾ ഒന്നും തന്നെ ചിത്രത്തിൽ കാണാൻ സാധിക്കില്ല. പുതുമുഖ നായിക ശരണ്യ ആർ. നായർ പാർട്ട് ടൈം ഹോം നഴ്സായാണ് ചിത്രത്തിൽ വേഷമിടുന്നത്. ആദ്യ രംഗം മുതൽ തന്റെ റോൾ ഭംഗിയായി താരം അവതരിപ്പിച്ചിട്ടുണ്ട്.
സുഷിൻ ശ്യാമിന്റെ സംഗീതം ചിത്രത്തിന് നല്ലൊരു സിനിമ അനുഭവം സമ്മാനിക്കുന്ന കാര്യത്തിൽ മുഖ്യപങ്ക് വഹിച്ചിട്ടുണ്ട്. പ്രേക്ഷകർക്ക് ബോറടിപ്പിക്കാതെ രീതിയുള്ള എഡിറ്റിംഗ് വർക്കുകൾ കൈകാര്യം ചെയ്തിരിക്കുന്നത് സൈജു ശ്രീധരനാണ്. ക്ലൈമാക്സ് ഭാഗങ്ങൾ പ്രേക്ഷകരിലേക്ക് എത്തിക്കുന്ന കാര്യത്തിൽ സംവിധായകൻ വിജയിച്ചിട്ടുണ്ട്. എന്തുകൊണ്ടും മലയാള സിനിമയിൽ അധികമാരും പരീക്ഷിക്കാത്ത വ്യത്യസ്ത നിറഞ്ഞ ഒരു ടോവിനോ ചിത്രമാണ് ‘മറഡോണ’.
നിവിൻ പോളിയെ നായകനാക്കി ബി ഉണ്ണികൃഷ്ണൻ ഒരുക്കിയ "പ്രതിഛായ" മികച്ച പ്രേക്ഷക പ്രതികരണവും നിരൂപക പ്രശംസയും നേടി മുന്നേറുകയാണ്. നിറഞ്ഞ…
നിവിൻ പോളിയെ നായകനാക്കി ബി ഉണ്ണികൃഷ്ണൻ രചിച്ചു സംവിധാനം ചെയ്ത "പ്രതിച്ഛായ" എന്ന പൊളിറ്റിക്കൽ ഡ്രാമ ത്രില്ലർ ചിത്രം ഗംഭീര…
തുടർച്ചയായ വിജയങ്ങളിലൂടെ മലയാള സിനിമയിൽ തന്റേതായ ഇടം കണ്ടെത്തിയ യുവതാരം ഷെയ്ൻ നിഗം തെലുങ്ക് സിനിമയിലേക്ക് ചുവടുവെക്കുന്നു. ഷെയ്ൻ നിഗത്തിന്റെ…
യുവതാര നിരയുടെ ചിത്രം ' മിഡിൽ ക്ലാസ് മാത്തുക്കുട്ടി ' യുടെ പൂജ കൊച്ചിയിൽ നടന്നു.'ജെന്റിൽ വുമൺ' എന്ന ശ്രദ്ധേയമായ…
പനോരമ സ്റ്റുഡിയോസ് തങ്ങളുടെ മലയാള സിനിമകളുടെ വിതരണത്തിനായി മലയാള സിനിമയിലെ പ്രശസ്ത ബാനറായ സെഞ്ചുറി ഫിലിംസുമായി ദീർഘകാല പങ്കാളിത്തം പ്രഖ്യാപിച്ചു.…
മലയാള സിനിമയിൽ ഇതിനോടകം തന്നെ വലിയ പ്രതീക്ഷകൾക്ക് വഴിതുറന്ന 'ആശാൻ' എന്ന ചിത്രം വിതരണത്തിനെടുത്ത് ദുൽക്കർ സൽമാന്റെ പ്രമുഖ നിർമ്മാണ-വിതരണ…
This website uses cookies.