[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Reviews

പൊട്ടിച്ചിരിയുടെ പുതിയ ഉത്സവവുമായി ജോണിയും കൂട്ടരും; വിനോദത്തിന്റെ പുതിയ രസക്കൂട്ടുമായി ജോണി ജോണി യെസ് അപ്പാ

ഹിറ്റ് സിനിമ തന്ന ഒരു സംവിധായകനും തിരക്കഥാകൃത്തും ജനപ്രിയനായ ഒരു താരത്തോടൊപ്പം എത്തുമ്പോൾ ഉള്ള പ്രേക്ഷക പ്രതീക്ഷകൾ വളരെ വലുതാണ്. അങ്ങനെ മലയാള സിനിമാ പ്രേക്ഷകർ ഏറെ പ്രതീക്ഷയോടെ കാത്തിരുന്ന ഒരു ചിത്രമാണ് ഇന്ന് കേരളത്തിൽ പ്രദർശനത്തിനെത്തിയ ജോണി ജോണി യെസ് അപ്പാ. മാർത്താണ്ഡൻ എന്ന സംവിധായകന്റെ മൂന്നാമത്തെ സംവിധാന സംരംഭമായ ഈ ചിത്രം രചിച്ചിരിക്കുന്നത് വെള്ളിമൂങ്ങ എന്ന ബ്ലോക്ക്ബസ്റ്റർ ചിത്രം രചിച്ച ജോജി തോമസ് ആണ്. പാവാട എന്ന ഹിറ്റിനു ശേഷം മാർത്താണ്ഡനും വെള്ളിമൂങ്ങയുടെ വിജയത്തിന് ശേഷം ജോജി തോമസ് ഒരുമിച്ചെത്തുന്ന ഈ ചിത്രത്തിൽ ജനപ്രിയ താരം കുഞ്ചാക്കോ ബോബൻ ആണ് നായക വേഷത്തിൽ എത്തിയിരിക്കുന്നത്. വൈശാഖ സിനിമയുടെ ബാനറിൽ വൈശാഖ് രാജൻ നിർമ്മിച്ച ഈ ചിത്രം ഒരു പക്കാ ഫാമിലി കോമഡി എന്റെർറ്റൈനെർ ആയാണ് ഒരുക്കിയിരിക്കുന്നതെന്ന് ഇതിന്റെ ട്രൈലെർ തന്നെ പ്രേക്ഷകരോട് പറഞ്ഞിരുന്നു.

കുഞ്ചാക്കോ ബോബൻ അവതരിപ്പിക്കുന്ന ജോണി എന്ന യുവാവിന്റെ ജീവിതത്തിലൂടെയാണ് ഈ ചിത്രം വികസിക്കുന്നത്. അപ്പനും അമ്മയും 2 സഹോദരങ്ങളും അടങ്ങുന്ന കുടുംബമാണ് ജോണിയുടേത്. അപ്പനുമായി ജോണിക്കുള്ള അടുപ്പവും അതുപോലെ അവന്റെ പ്രണയവുമെല്ലാം കോർത്തിണക്കിയ ഈ ചിത്രം മുന്നോട്ടു നീങ്ങുന്നത് ജോണിയുടെ ജീവിതത്തിലേക്കും കുടുംബത്തിലേക്കും മറ്റു ചില കഥാപാത്രങ്ങൾ എത്തുന്നതോടെയാണ്.

പാവാട എന്ന ചിത്രത്തിന്റെ വിജയത്തിന് ശേഷം മാർത്താണ്ഡൻ ഒരിക്കൽ കൂടി പ്രേക്ഷകരുടെ പ്രതീക്ഷകൾ സാധൂകരിച്ചു എന്ന് പറയാം. കാരണം തികഞ്ഞ ഒരു വിനോദ ചിത്രം തന്നെയാണ് ഒരിക്കൽ കൂടി അദ്ദേഹം നമുക്ക് മുന്നിൽ എത്തിച്ചിരിക്കുന്നത്. കുഞ്ചാക്കോ ബോബൻ എന്ന ജനപ്രിയ താരത്തെ ഏറ്റവും രസകരമായി അവതരിപ്പിച്ചതിലൂടെ തന്റെ സംവിധാന മികവ് ഒരിക്കൽ കൂടി തെളിയിച്ചിരിക്കുകയാണ് മാർത്താണ്ഡൻ. ജോജി തോമസ് ഒരുക്കിയ തിരക്കഥയാണ് ഈ ചിത്രത്തിന്റെ നട്ടെല്ല്. ഏറെ രസകരമായി എല്ലാ കൊമേർഷ്യൽ ചേരുവകളും ചേർത്ത് ജോജി ഒരുക്കിയ ഈ തിരക്കഥ സംവിധായകന് നൽകാവുന്ന ഏറ്റവും മികച്ച അടിത്തറയായിരുന്നു. രചയിതാവും സംവിധായകനും ചേർന്ന് ഈ കഥ നമ്മുടെ മുന്നിലവതരിപ്പിച്ച രീതിയും അഭിനേതാക്കളെ തിരഞ്ഞെടുത്തതിൽ പുലർത്തിയ മികവും ചിത്രത്തെ മികച്ചതാക്കി തീർത്തു എന്ന് നിസംശയം പറയാം. പൊട്ടിച്ചിരിപ്പിക്കുന്ന സംഭാഷണങ്ങളും മനസ്സിൽ തൊടുന്ന വൈകാരിക മുഹൂർത്തങ്ങളും ഉള്ള ഈ ചിത്രത്തിൽ പ്രേക്ഷകനെ ഏറെ ആവേശം കൊള്ളിക്കുന്ന കഥാ സന്ദർഭങ്ങളുമുണ്ട്.

കുഞ്ചാക്കോ ബോബൻ ഒരിക്കൽ കൂടി തന്റെ കഥാപാത്രത്തെ മികവുറ്റതാക്കി. വളരെ അനായാസമായും സ്വാഭാവികമായും ജോണി എന്ന തന്റെ കഥാപാത്രം അവതരിപ്പിക്കാൻ ചാക്കോച്ചന് കഴിഞ്ഞു. പ്രേക്ഷകരെ തനിക്കൊപ്പം സഞ്ചരിപ്പിക്കാൻ കഴിഞ്ഞതാണ് ഈ നടന്റെ വിജയം. ഷറഫുദീൻ കിടിലൻ കോമഡി പെർഫോമൻസ് വെച്ച ഈ ചിത്രത്തിൽ വിജയ രാഘവൻ, മാസ്റ്റർ സനൂപ് സന്തോഷ്, കലാഭവൻ ഷാജോൺ എന്നിവരും മികച്ച പ്രകടനം കാഴ്ച വെച്ചു. നായിക ആയെത്തിയ അനു സിതാര ഒരിക്കൽ കൂടി തന്നെ അഭിനയം കൊണ്ടും സൗന്ദര്യം കൊണ്ടും പ്രേക്ഷകരെ കയ്യിലെടുത്തപ്പോൾ അതിഥി വേഷത്തിലെത്തിയ മമത മോഹൻദാസും മികച്ചു നിന്നു. ഗീത, , ടിനി ടോം, ലെന, നെടുമുടി വേണു, അബു സലിം എന്നിവരും തങ്ങളുടെ വേഷങ്ങൾ ഭംഗിയാക്കിയിട്ടുണ്ട്.

വിനോദ് ഇല്ലംപിള്ളി വളരെ മനോഹരമായ ദൃശ്യങ്ങൾ ചിത്രത്തിന് വേണ്ടി ഒരുക്കിയപ്പോൾ ഷാൻ റഹ്മാൻ ഈണമിട്ട ഗാനങ്ങളും മികച്ച നിലവാരം പുലർത്തി. അത് പോലെ തന്നെ ചിത്രത്തിന് മികച്ച വേഗത നൽകുന്നതിൽ എഡിറ്റർ ലിജോ പോൾ വഹിച്ച പങ്കും വിസ്മരിക്കാനാവാത്തതാണ്.

ജോണി ജോണി യെസ് അപ്പാ ഒരു തികഞ്ഞ വിനോദ ചിത്രം ആണ്. നിങ്ങൾ ഒരുപാട് ചിരിക്കാൻ ഇഷ്ട്ടപെടുന്ന ഒരാൾ ആണെങ്കിൽ നിങ്ങളുടെ എല്ലാ ടെൻഷനുകളും മാറ്റി റിലാക്സ് ആവാൻ നിങ്ങളെ സഹായിക്കുന്ന രസകരമായ ഒരു ചിത്രമാണ് ഇത്. കുടുംബ പ്രേക്ഷകർക്ക് അക്ഷരാർഥത്തിൽ ഉത്സവമാക്കാവുന്ന ഒരു കമ്പ്ലീറ്റ് ഫാമിലി എന്റെർറ്റൈനെർ.

webdesk

Recent Posts

ഷെയിൻ നിഗത്തിൻ്റെ സിനിമ സൂപ്പർഹിറ്റാവുന്നതിൽ അസ്വസ്ഥത ആർക്കാണ്? സോഷ്യൽ മീഡിയ പോസ്റ്റുമായി നിർമാതാവ് സന്തോഷ് ടി കുരുവിള

ഉണ്ണി ശിവലിംഗം സംവിധാനം ചെയ്ത, ഷെയിൻ നിഗത്തിൻ്റെ ഇരുപത്തിയഞ്ചാമത് ചിത്രമായ 'ബൾട്ടി' നിറഞ്ഞ സദ്ദസുകളിൽ പ്രദർശനം തുടരുകയാണ്. സൈലൻ്റായി വന്ന്…

6 days ago

മമ്മൂട്ടി – മോഹൻലാൽ – മഹേഷ് നാരായണൻ – ആൻ്റോ ജോസഫ് ചിത്രം “പാട്രിയറ്റ്” ടൈറ്റിൽ ടീസർ പുറത്ത്

മലയാളത്തിൻ്റെ മഹാനടന്മാരായ മമ്മൂട്ടി, മോഹൻലാൽ എന്നിവരെ കേന്ദ്ര കഥാപാത്രങ്ങളാക്കി മഹേഷ് നാരായണൻ ഒരുക്കുന്ന മൾട്ടിസ്റ്റാർ ചിത്രത്തിന്റെ ടൈറ്റിൽ ടീസർ പുറത്ത്.…

7 days ago

കുടുംബസമേതം കാണാൻ പറ്റിയ ‘അവിഹിതം’ എത്തുന്നു ഒക്ടോബർ 10ന്..

സെന്ന ഹെഗ്ഡെയുടെ സംവിധാനത്തിൽ ഒരുങ്ങുന്ന ‘അവിഹിതം’ ചിത്രത്തിന്റെ സെൻസറിങ് പൂർത്തിയായി. ഒക്ടോബർ പത്തിന് പ്രദർശനത്തിനൊരുങ്ങുന്നു സിനിമയ്ക്ക് U/A സർട്ടിഫിക്കറ്റ് ആണ്…

7 days ago

കിഷ്കിന്ധ കാണ്ഡത്തിനു ശേഷം ദിൻജിത് അയ്യത്താനും ബാഹുൽ രമേശും വീണ്ടും ഒന്നിക്കുന്നു, നായകൻ സന്ദീപ് പ്രദീപ്.

പ്രേക്ഷകരെ ആകാംഷയുടെ മുൾമുനയിൽ നിർത്തിയ ബ്ലോക്ക് ബസ്റ്റർ ചിത്രം കിഷ്കിന്ധ കാണ്ഡത്തിനു ശേഷം തിരക്കഥാകൃത്ത് ബാഹുൽ രമേശും സംവിധായകൻ ദിൻജിത്…

7 days ago

ചാത്തനോ മാടനോ അതോ മറുതയോ; ആകാംഷയുണർത്തി ‘നെല്ലിക്കാംപൊയിൽ നൈറ്റ് റൈഡേഴ്സ്’ പ്രോമോ സീൻ..

മാത്യു തോമസിനെ നായകനാക്കി, പ്രശസ്ത എഡിറ്റർ നൗഫൽ അബ്ദുള്ള ആദ്യമായി സംവിധാനം ചെയ്ത 'നെല്ലിക്കാംപൊയിൽ നൈറ്റ് റൈഡേഴ്‌സ്' എന്ന റൊമാൻ്റിക്…

7 days ago

റെട്രോ വൈബിൽ തകർത്താടി ഷറഫുദീനും അനുപമ പരമേശ്വരനും; പെറ്റ് ഡിറ്റക്ടീവിലെ “തരളിത യാമം” ഗാനം പുറത്ത്..

ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിലെ "തരളിത യാമം"എന്ന പുതിയ…

1 week ago

This website uses cookies.