[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Reviews

സംഗീതത്തിന്റെയും പ്രണയത്തിന്റെയും മണവുമായി ‘ചെമ്പരത്തിപ്പൂ’; റിവ്യൂ വായിക്കാം

അസ്‌കർ അലിയെ നായകനാക്കി അരുൺ വൈഗ സംവിധാനം ചെയ്‌ത കോമഡി- റൊമാന്റിക് ചിത്രം ‘ചെമ്പരത്തിപ്പൂ’ ഇന്ന് തിയറ്ററുകളിൽ റിലീസായി. അദിതി രവി, പാർവതി അരുൺ എന്നിവരാണ് ചിത്രത്തിലെ നായികമാർ. അജു വർഗീസ്, വിശാഖ് നായർ, ധർമജൻ, കോട്ടയം പ്രദീപ്, സുധീർ കരമന , സുനിൽ സുഗത, വിജിലേഷ് തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്. ഹണി ബീ 2.5 എന്ന ചിത്രത്തിലൂടെ മലയാളത്തിലേയ്ക്ക് ചുവടുവെച്ച അസ്‌കർ അലിയുടെ രണ്ടാമത്തെ ചിത്രമാണ് ചെമ്പരത്തിപ്പൂ. ആദ്യ ചിത്രം സമ്മിശ്ര പ്രതികരണം നേടി തിയേറ്ററുകളിൽ നിന്നും പോയെങ്കിലും വമ്പൻ റിലീസായാണ് ‘ചെമ്പരത്തിപ്പൂ’ എത്തിയത്. മോഹൻലാലിൻറെ മാക്സ്‌ലാബ് ആണ് ഈ ചിത്രം കേരളത്തിൽ വിതരണം ചെയ്തിരിക്കുന്നത്. 120 കേന്ദ്രങ്ങളിലാണ് ചിത്രം റിലീസ് ആയത്. വിനീത് ശ്രീനിവാസൻ പാടിയ പാട്ടും, ചിത്രത്തിന്റെ ട്രെയിലറും നേരത്തെ തന്നെ ആളുകളുടെ ശ്രദ്ധ പിടിച്ചുപറ്റിയിരുന്നു.

വ്യത്യസ്തങ്ങളായ കാലഘട്ടത്തിലൂടെ കഥ പറയുന്ന ഒരു ചിത്രമാണ് ചെമ്പരത്തിപ്പൂ. വിനോദ് എന്ന ചെറുപ്പകാരന്റെ മൂന്ന് കാലഘട്ടമാണ് ചെമ്പരത്തിപ്പൂവിൽ ഒരുക്കിയിരിക്കുന്നത്. ഒരു ചെറുപ്പക്കാരന്റെ ജീവിതത്തെ രണ്ട് പെൺകുട്ടികൾ എങ്ങനെ സ്വാധീനിക്കുന്നു എന്ന് വളരെ രസകരമായി സംവിധായകൻ പറയാൻ ശ്രമിക്കുന്നു. പ്രേക്ഷകരെ ആദ്യാവസാനം ചിത്രത്തിൽ മുഴുകിയിരുത്തിക്കൊണ്ട് കഥ പറയുന്നതിൽ സംവിധായകൻ നീതി പുലർത്തിയിട്ടുണ്ട്. ഈ ചിത്രത്തെ റൊമാന്റിക് കോമഡി, റൊമാന്റിക് ഡ്രാമ എന്നീ രണ്ട് ഗണങ്ങളിലും പെടുത്താവുന്നതാണ്. പ്രണയരംഗങ്ങൾക്ക് പ്രാധാന്യം നൽകിയാണ് ചിത്രം തയ്യാറാക്കിയിരിക്കുന്നതെങ്കിലും പ്രേക്ഷകരെ ചിരിപ്പിക്കാനുള്ള വകയും ഉൾപ്പെടുത്താൻ ശ്രമിച്ചിട്ടുണ്ട്.

അസ്‌കർ അലി തന്റെ കഥാപാത്രത്തോട് നീതി പുലർത്തിയെന്ന് തന്നെ പറയാം. അതോടൊപ്പം അദിതി രവിയും പാർവതി അരുണും മികച്ച അഭിനയം കാഴ്ചവെച്ചു. അജു വർഗീസ്, വിശാഖ് നായർ എന്നിവർ വീണ്ടും തങ്ങളുടെ ഹാസ്യം നിറഞ്ഞ പ്രകടനത്തിലൂടെ പ്രേക്ഷകരെ ആകർഷിച്ചു. ധർമജൻ, കോട്ടയം പ്രദീപ്, സുധീർ കരമന , സുനിൽ സുഗത, വിജിലേഷ്, ധർമജൻ തുടങ്ങിയവരും മികച്ച പ്രകടനത്തിലൂടെ പ്രേക്ഷകരുടെ കൈയ്യടി നേടി.

അരുൺ വൈഗ തന്നെയാണ് ചിത്രത്തിന്റെ തിരക്കഥയും തയ്യാറാക്കിയിരിക്കുന്നത്. മികച്ച രീതിയിൽ തന്നെ കഥാപാത്രങ്ങളെയും കഥാ സന്ദർഭങ്ങളെയും ഒരുക്കാൻ അദ്ദേഹത്തിന് കഴിഞ്ഞിട്ടുണ്ട്. ആദ്യ പകുതിയിൽ പലയിടത്തും കൈവിട്ട് പോകുന്നുണ്ടെങ്കിലും രണ്ടാം പകുതിയും ക്ലൈമാക്സും സംവിധായകൻ ഭദ്രമാക്കിയിട്ടുണ്ട്. ചിത്രത്തിലെ ഹാസ്യമുഹൂർത്തങ്ങളും രസകരമായ സംഭാഷണങ്ങളും പ്രേക്ഷകരെ ആകർഷിക്കുന്നു. ചിത്രത്തിന് വേണ്ടി ദൃശ്യങ്ങളൊരുക്കിയത് സന്തോഷ് അനിമ ആണ്. അദ്ദേഹം ഒപ്പിയെടുത്ത മനോഹര ദൃശ്യങ്ങൾ ഈ പ്രണയ ചിത്രത്തിന് കൂടുതൽ ഭംഗി നൽകിയിട്ടുണ്ട്. രാകേഷ് എ. ആറിന്റെ സംഗീതം ചിത്രത്തിന്റെ കഥയെ പ്രേക്ഷകരുടെ മനസ്സിനോട് കോർത്തിണക്കുന്നതിൽ നിർണായക പങ്കുവഹിച്ചിരിക്കുന്നു. മൊത്തത്തിൽ കണ്ടിരിക്കാനാകുന്ന ഒരു പ്രണയചിത്രമാണ് ‘ചെമ്പരത്തിപ്പൂ’.

webdesk

Recent Posts

“വരവ് “അറിയിച്ച് ഷാജി കൈലാസും ജോജു ജോർജും.

ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…

2 weeks ago

പുതു വർഷത്തിൽ പുത്തൻ ചുവട് വെയ്പ്പുമായി ലിസ്റ്റിൻ സ്റ്റീഫന്റെ സൗത്ത് സ്റ്റുഡിയോസ്

പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…

2 weeks ago

എപിക് സ്‌ക്രീനുകളിൽ റിലീസ് ചെയ്യാൻ “ലോക”

ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…

4 weeks ago

പ്രഭാസ്- പ്രശാന്ത് വർമ്മ ചിത്രത്തിൽ നായികയായി ഭാഗ്യശ്രീ ബോർസെ?

പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…

4 weeks ago

തെലുങ്കിൽ വിസ്മയിപ്പിച്ചു വെങ്കിടേഷ് വി പി; ‘കിങ്‌ഡം’ വില്ലന് ഗംഭീര പ്രശംസ

വിജയ് ദേവരകൊണ്ട നായകനായ "കിങ്‌ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…

4 weeks ago

കാർത്തി ചിത്രമൊരുക്കാൻ തരുൺ മൂർത്തി?

മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…

4 weeks ago

This website uses cookies.