[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Reviews

തിരിച്ചുവരവ് ഗംഭീരമാക്കി അച്ഛനും മകനും; സ്വാഭാവിക നർമ്മത്തിന്റെ വിജയമായി അരവിന്ദന്റെ അതിഥികൾ..

സത്യൻ അന്തിക്കാടിന്റെ ശിഷ്യനും കഥ പറയുമ്പോൾ, മാണിക്യകല്ല് തുടങ്ങിയ ചിത്രങ്ങളുടെ സംവിധായകനുമായ എം. മോഹനൻ സംവിധാനം ചെയ്ത അഞ്ചാമത്തെ ചിത്രമാണ് അരവിന്ദന്റെ അതിഥികൾ. മകന്റെ അച്ഛൻ എന്ന ചിത്രത്തിന് ശേഷം വിനീത് ശ്രീനിവാസനും ശ്രീനിവാസനും വർഷങ്ങളുടെ ഇടവേളയ്ക്കുശേഷം തിരിച്ചെത്തുന്ന ചിത്രം എന്ന പ്രത്യേകത കൂടി ചിത്രത്തിനുണ്ട്. ഇരുവരെയും കൂടാതെ ചിത്രത്തിൽ ഉർവശി, നിഖില വിമൽ, കെ. പി. എ. സി ലളിത തുടങ്ങിയവർ അഭിനയിച്ചിരിക്കുന്നു.

ഭക്തജനങ്ങൾ ഏറെ എത്തുന്ന കൊല്ലൂർ മൂകാംബിക ക്ഷേത്രത്തിനടുത്ത് ലോഡ്ജ് നടത്തി ജീവിക്കുന്ന രണ്ട് പേരാണ് അരവിന്ദന് മുകുന്ദനും. വളരെ പഴക്കമുള്ള ലോഡ്ജ് പരിമിതികൾക്കിടയിലും ഏറെ കഷ്ടപ്പെട്ടാണ് അവർ നടത്തിക്കൊണ്ടുപോകുന്നത്. എങ്കിലും അതിഥികൾക്ക് മികച്ച സൽക്കാരം ഒരുക്കുന്നവർ തന്നെയാണ് ഇവരും. ഒരുനാൾ അവരുടെ ജീവിതത്തിലേക്ക് ചില അതിഥികൾ വരുന്നതാണ് ചിത്രത്തിൻറെ കഥ. ഹാസ്യത്തിൽ ചാലിച്ചാണ് ചിത്രം അവതരിപ്പിച്ചിരിക്കുന്നത്.

സത്യൻ അന്തിക്കാടിന്റെ ശിഷ്യൻ ആയതുകൊണ്ട് തന്നെ കുടുംബപ്രേക്ഷകരെ മുന്നിൽ കണ്ട് ചിത്രങ്ങൾ ഒരുക്കുന്നതിൽ എം. മോഹനൻ മലയാളത്തിൽ എന്നും മുൻപന്തിയിൽ ഉള്ള സംവിധായകൻ തന്നെയാണ്. ആദ്യ രണ്ട് ചിത്രങ്ങളിലെ അവതരണ മികവ് ഈ ചിത്രത്തിലൂടെയും പ്രേക്ഷകർക്ക് കാണാനാകും. അതിലുപരിയായി മറ്റു ചിത്രങ്ങളിൽ ഇല്ലാത്ത പുതിയ പുത്തൻ ദൃശ്യാനുഭവം നൽകുവാൻ കൂടി ഇത്തവണ മോഹനനായിട്ടുണ്ട്. രാജേഷ് രാഘവനാണ് ചിത്രത്തിൻറെ തിരക്കഥ രചിച്ചിരിക്കുന്നത്. ശരാശരി വിജയമായ ആദ്യ ചിത്രത്തിൽ നിന്ന് അരവിന്ദന്റെ അതിഥികളിലേക്ക് എത്തുമ്പോൾ അദ്ദേഹം വളരെയധികം ശ്രദ്ധ പുലർത്തിയിട്ടുണ്ട്. മകൻറെയും അച്ഛൻറെയും കോമ്പിനേഷൻ സീനുകൾ മികച്ചതാക്കുവാൻ അദ്ദേഹത്തിനായി.

നുറുങ്ങു തമാശകളിലൂടെയും സ്വതസിദ്ധമായ പ്രകടനങ്ങളിലൂടെയുമെല്ലാം മലയാളികളുടെ പ്രിയങ്കരനായ ശ്രീനിവാസൻ ഈ ചിത്രത്തിലും മികച്ച പ്രകടനം തന്നെ കാഴ്ച വച്ചിട്ടുണ്ട്. മുൻപ് പുറത്തിറങ്ങിയ ചിത്രങ്ങളെ അപേക്ഷിച്ച് വിനീത് ശ്രീനിവാസൻ വളരെ തന്മയത്വത്തോടെയാണ് ചിത്രത്തിലെ അരവിന്ദനായി അഭിനയിച്ചിരിക്കുന്നത്. ഇരുവരുടേയും കോമ്പിനേഷൻ രംഗങ്ങൾ വളരെ മികച്ചതായിരുന്നു. ചിത്രത്തിൽ എടുത്തു പറയേണ്ടത് മലയാളികളുടെ പ്രിയനടി ഉർവ്വശിയെ കുറിച്ചാണ് ഈയടുത്ത് ഉർവശിയെ ഏറ്റവും മികച്ച രീതിയിൽ അവതരിപ്പിച്ച ഒരു ചിത്രമായി അരവിന്ദന്റെ അതിഥികളെ വിശേഷിപ്പിക്കാം. ചിത്രത്തിൽ വലിയ കയ്യടി ഉർവശിക്ക് ലഭിക്കുന്നുണ്ട്. ആദ്യ ചിത്രത്തിലൂടെ തന്നെ പ്രേക്ഷക പ്രശംസ പിടിച്ചു പറ്റിയ നിഖില വിമൽ മലയാളത്തിലേക്ക് നല്ലൊരു തിരിച്ചുവരവ് ചിത്രത്തിലൂടെ നടത്തിയിരിക്കുന്നു മറ്റ് വേഷങ്ങൾ അവതരിപ്പിക്കുന്ന ബൈജു, അജു വർഗീസ്, കോട്ടയം നസീർ തുടങ്ങിയവർ തങ്ങളുടെ വേഷങ്ങൾ കഴിവതും ഭംഗിയാക്കിയിട്ടുണ്ട്.

സ്വരൂപ് ഫിലിപ്പിന്റെ മികച്ച ഛായാഗ്രഹണവും ഷാൻ റഹ്മാന്റെ പശ്ചാത്തല സംഗീതവുമെല്ലാം ചിത്രത്തിന്റെ ഭംഗി വളരെയധികം വർദ്ധിപ്പിക്കാൻ സഹായകമായിട്ടുണ്ട്. ആനന്ദമേ എന്ന് തുടങ്ങുന്ന ഗാനം വളരെ ഇമ്പമുള്ളതായിരുന്നു. മൂകാംബികയുടെ കഥാപശ്ചാത്തലം ഗാനത്തിലൂടെയും ഛായാഗ്രഹണത്തിലൂടെ ലഭിച്ചു എന്നു പറയാം.

വലിയ പുതുമകൾ ഒന്നും അവകാശപ്പെടാനില്ലെങ്കിലും കുടുംബവുമൊത്ത് കണ്ടിരിക്കാവുന്ന ഒരു കൊച്ചു ചിത്രം തന്നെയാണ് അരവിന്ദന്റെ അതിഥികൾ. കൊച്ചു നർമ്മങ്ങളും കുടുംബ ബന്ധങ്ങളുടെ ഊഷ്മളതയും കാണിച്ച ചിത്രം കുടുംബ പ്രേക്ഷകർക്ക് തീർച്ചയായും അവധിക്കാലത്ത് വിരുന്നാകും എന്നുറപ്പാണ്.

webdesk

Recent Posts

“വരവ് “അറിയിച്ച് ഷാജി കൈലാസും ജോജു ജോർജും.

ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…

1 week ago

പുതു വർഷത്തിൽ പുത്തൻ ചുവട് വെയ്പ്പുമായി ലിസ്റ്റിൻ സ്റ്റീഫന്റെ സൗത്ത് സ്റ്റുഡിയോസ്

പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…

1 week ago

എപിക് സ്‌ക്രീനുകളിൽ റിലീസ് ചെയ്യാൻ “ലോക”

ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…

4 weeks ago

പ്രഭാസ്- പ്രശാന്ത് വർമ്മ ചിത്രത്തിൽ നായികയായി ഭാഗ്യശ്രീ ബോർസെ?

പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…

4 weeks ago

തെലുങ്കിൽ വിസ്മയിപ്പിച്ചു വെങ്കിടേഷ് വി പി; ‘കിങ്‌ഡം’ വില്ലന് ഗംഭീര പ്രശംസ

വിജയ് ദേവരകൊണ്ട നായകനായ "കിങ്‌ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…

4 weeks ago

കാർത്തി ചിത്രമൊരുക്കാൻ തരുൺ മൂർത്തി?

മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…

4 weeks ago

This website uses cookies.