[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Reviews

ചുരുളഴിയാത്ത ആ രഹസ്യത്തിന്റെ കുരുക്കഴിച്ച് ആനന്ദ് ശ്രീബാല; റിവ്യൂ വായിക്കാം

ചുരുളഴിയാത്ത ആ രഹസ്യത്തിന്റെ കുരുക്കഴിച്ച് ആനന്ദ് ശ്രീബാല; റിവ്യൂ വായിക്കാം

പ്രശസ്ത സംവിധായകനായ വിനയന്റെ മകനും നടനുമായ വിഷ്ണു വിനയ് ആദ്യമായി സംവിധാനം ചെയ്ത ആനന്ദ് ശ്രീബാല എന്ന ചിത്രമാണ് ഇന്ന് നമ്മുടെ മുന്നിൽ എത്തിയിരിക്കുന്നത്. മാളികപ്പുറം എന്ന ബ്ലോക്ക്ബസ്റ്റർ ചിത്രത്തിന്റെ രചയിതാവായ അഭിലാഷ് പിള്ളൈ രചന നിർവഹിച്ച ഇൻവെസ്റ്റിഗേഷൻ ത്രില്ലർ ചിത്രത്തിൽ നായകനായി എത്തിയിരിക്കുന്നത് യുവതാരം അർജുൻ അശോകനാണ്. കാവ്യ ഫിലിം കമ്പനി, ആൻ മെഗാ മീഡിയ എന്നീ ബാനറുകളിൽ പ്രിയ വേണുവും നീതാ പിന്റോയും ചേർന്ന് നിർമ്മിച്ച ഈ ചിത്രത്തിൽ അർജുൻ അശോകനൊപ്പം അപർണ ദാസ്, മാളവിക മനോജ് , സംഗീത, സൈജു കുറുപ്പ് എന്നിവരും നിർണ്ണായക വേഷങ്ങൾ ചെയ്തിരിക്കുന്നു.

ഒരു യഥാർത്ഥ സംഭവ കഥയെ ആസ്പദമാക്കിയാണ് ഈ ചിത്രം ഒരുക്കിയിരിക്കുന്നത്. കേരളാ പോലീസിനെ കുഴക്കിയ മെറിൻ കേസ് പശ്ചാത്തലമാക്കിയാണ് ചിത്രം ഒരുക്കിയിരിക്കുന്നത്. കൊച്ചിയിലെ ഗോശ്രീ പാലത്തിന്റെ സമീപത്ത് നിന്നും ലഭിച്ച മൃതദേഹം ലോ കോളേജ് വിദ്യാർത്ഥിയായ മെറിന്റേതാണെന്നു തിരിച്ചറിയാൻ പൊലീസിന് വേഗം സാധിച്ചു. എന്നാൽ, മെറിൻ എങ്ങനെയാണ് മരിച്ചത്? കാരണം എന്തായിരുന്നു? തുടങ്ങിയ ചോദ്യങ്ങൾക്കുള്ള ഉത്തരം കണ്ടെത്താൻ പൊലീസിന് സാധിച്ചില്ല. ആ ചരുളഴിയാത്ത രഹസ്യം തേടിയുള്ള ആനന്ദ് ശ്രീബാല എന്ന ചെറുപ്പക്കാരന്റെ യാത്രയാണ് ചിത്രം അവതരിപ്പിക്കുന്നത്.

ഒരു ത്രില്ലർ ചിത്രത്തിൽ നിന്നുള്ള പ്രേക്ഷകരുടെ പ്രതീക്ഷകളെ സാധൂകരിക്കുന്ന നിലയിൽ, ഏറ്റവും മികച്ച രീതിയിൽ തന്നെ അതിനോട് നീതി പുലർത്തികൊണ്ടാണ് വിഷ്ണു വിനയ് തന്റെ ആദ്യ ചിത്രം സംവിധാനം ചെയ്തിരിക്കുന്നത്. ആദ്യം തന്നെ രചയിതാവ് എന്ന നിലയിൽ അഭിലാഷ് പിള്ളൈ പുലർത്തിയ കയ്യടക്കമാണ് ഏറ്റവും മികച്ച രീതിയിൽ ഈ ത്രില്ലർ ചിത്രം നമ്മുടെ മുന്നിൽ അവതരിപ്പിക്കാൻ സംവിധായകനെ സഹായിച്ചത് എന്ന് പറയാം. സാങ്കേതികപരമായും കഥാപരമായും വളരെ മികച്ച രീതിയിൽ ഈ ചിത്രത്തെ പ്രേക്ഷകസമക്ഷം അവതരിപ്പിക്കാൻ വിഷ്ണു വിനയ് എന്ന നവാഗത സംവിധായകന് കഴിഞ്ഞിട്ടുണ്ട്. ഓരോ കഥാപാത്രങ്ങൾക്കും വ്യക്തമായ ഐഡന്റിറ്റി നൽകാനും ആകാംഷ നിറക്കുന്ന കഥാസന്ദർഭങ്ങളെ വിശ്വസനീയമായി പ്രേക്ഷകരുടെ ഹൃദയങ്ങളിലെത്തിക്കാനും വിഷ്ണുവിന് സാധിച്ചു. അതോടൊപ്പം തന്നെ കഥ പറച്ചിലിൽ ആദ്യാവസാനം ആകാംഷയും ആവേശവും നില നിർത്താനും അദ്ദേഹത്തിന് സാധിച്ചിട്ടുണ്ട്. സസ്പെൻസ് നില നിർത്തി ഒരു ത്രില്ലർ മൂഡിൽ കഥ പറയുമ്പോഴും, പ്രേക്ഷകരെ ചിത്രത്തോട് ചേർത്ത് നിർത്തുന്ന വൈകാരികത പകർന്നു നൽകാനും രചയിതാവിനും സംവിധായകനും സാധിച്ചു എന്നിടത്താണ് ആനന്ദ് ശ്രീബാല വിജയമായി മാറുന്നത്. പ്രധാന കഥാപാത്രങ്ങളെ വൈകാരികമായി പ്രേക്ഷകരുമായി ബന്ധിപ്പിക്കാൻ സാധിച്ചത് ഒരു സംവിധായകനെന്ന നിലയിൽ വിഷ്ണു വിജയ് പുലർത്തിയ കയ്യടക്കത്തിന്റെ ഫലമാണ്.

അർജുൻ അശോകൻ എന്ന നടന്റെ മികച്ച പ്രകടനം തന്നെയാണ് ഈ ചിത്രത്തെ പ്രേക്ഷകരുടെ പ്രീയപ്പെട്ടതാക്കി മാറ്റുന്ന ഒരു ഘടകം. ആനന്ദ് ശ്രീബാല എന്ന ടൈറ്റിൽ കഥാപാത്രമായി തകർപ്പൻ പ്രകടനമാണ് അർജുൻ അശോകൻ ചിത്രത്തിൽ കാഴ്ച വെച്ചത്. കഥാപാത്രം ആവശ്യപ്പെട്ട നിയന്ത്രിതമായ അഭിനയ ശൈലിയിൽ തന്റെ ശരീര ഭാഷ കൊണ്ട് വരാൻ അർജുൻ അശോകന് സാധിച്ചു. അമ്മയുമായുള്ള ആനന്ദിന്റെ രംഗങ്ങൾ ഒക്കെ ഹൃദയസ്പർശിയായി അഭിനയിച്ചു ഫലിപ്പിക്കാൻ ഈ നടന് സാധിച്ചിട്ടുണ്ട്. അദ്ദേഹത്തിനൊപ്പം മറ്റു കഥാപാത്രങ്ങളെ അവതരിപ്പിച്ച അപർണ്ണ ദാസ്, മാളവിക മനോജ് എന്നിവർ നിർണ്ണായക വേഷങ്ങളിൽ തിളങ്ങിയപ്പോൾ, സൈജു കുറുപ്പ്, ധ്യാൻ ശ്രീനിവാസൻ, അജു വർഗീസ്, ഇന്ദ്രൻസ്, സംഗീത, മനോജ് കെ യു, ശിവദ, അസീസ് നെടുമങ്ങാട്, കോട്ടയം നസീർ, നന്ദു, സലിം ഹസ്സൻ, കൃഷ്ണ, വിനീത് തട്ടിൽ, മാസ്റ്റർ ശ്രീപദ്, മാളവിക മനോജ്, സരിത കുക്കു, തുഷാരപിള്ള എന്നീ നടീനടന്മാരും ഈ ചിത്രത്തിൽ മികച്ച പ്രകടനമാണ് കാഴ്ച വെച്ചത്.

വിഷ്ണു നാരായണൻ ഒരുക്കിയ ദൃശ്യങ്ങൾ ഈ ചിത്രത്തിന്റെ ത്രില്ലർ മൂഡിനെ പ്രേക്ഷകരിലേക്ക് എത്തിക്കുന്നതിൽ പ്രധാന പങ്കു വഹിച്ചതിനൊപ്പം തന്നെ, രഞ്ജിൻ രാജ് നൽകിയ പശ്ചാത്തല സംഗീതവും സാങ്കേതിക മികവിന്റെ തലം വലിയ രീതിയിൽ തന്നെ ഉയർത്തിയിട്ടുണ്ട്. പശ്ചാത്തല സംഗീതം ചിത്രത്തിന്റെ മുന്നോട്ടുള്ള ഒഴുക്കിൽ പ്രധാന പങ്കു വഹിച്ചിട്ടുണ്ട് എന്നതും എടുത്തു പറയേണ്ടി വരും. എഡിറ്റിംഗ് നിർവഹിച്ച കിരൺ ദാസ് ഒരിക്കൽ കൂടി മികവ് പുലർത്തിയപ്പോൾ ഈ ചിത്രം പ്രേക്ഷകനെ മുഷിപ്പിക്കാതെ സുഗമമായാണ് മുന്നോട്ടു സഞ്ചരിച്ചത്.

സാങ്കേതികമായി മികച്ച നിലവാരം പുലർത്തുന്ന ഒരു ഗംഭീര ഇൻവെസ്റ്റിഗേഷൻ ത്രില്ലർ ചിത്രമാണ് ആനന്ദ് ശ്രീബാല. ത്രില്ലർ ചിത്രങ്ങളെ സ്നേഹിക്കുന്ന പ്രേക്ഷകനെ ഒരിക്കലും നിരാശരാക്കാത്ത, ആവേശവും ആകാംഷയും നൽകുന്ന ഈ ചിത്രം സിനിമാ പ്രേമികളെ എല്ലാ അർത്ഥത്തിലും തൃപ്തരാക്കും എന്നുറപ്പാണ്.

webdesk

Recent Posts

വിദ്യാർത്ഥികൾ വിദേശത്തേക്ക് പോകും മുമ്പ് “യുണൈറ്റഡ് കിങ്ഡം ഓഫ് കേരള” (UKOK) ഒന്ന് കാണുക : ബഹുമാനപ്പെട്ട എം.പി N.Kപ്രേമചന്ദ്രൻ

ഇപ്പോൾ കേരളം നേരിടുന്ന സാമൂഹിക പ്രശ്നങ്ങളിൽ ഒന്നാണ് വിദേശരാജ്യങ്ങളിലേക്ക് നമ്മുടെ യുവതലമുറയുടെ പാലായനം. സാമ്പത്തിക സുസ്ഥിരത നേടാൻ യുവതലമുറ തെരഞ്ഞെടുക്കുന്ന…

3 days ago

കേരളത്തിന്റെ കഥ പറയുന്ന യുണൈറ്റഡ് കിങ്ഡം ഓഫ് കേരള; റിവ്യൂ വായിക്കാം

ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…

1 week ago

യുവപ്രേക്ഷകരെ ആവേശം കൊള്ളിക്കാൻ യുണൈറ്റഡ് കിങ്‌ഡം ഓഫ് കേരളം ഇന്ന് മുതൽ

പ്രശസ്ത സംവിധായകൻ അരുൺ വൈഗ ഒരുക്കിയ യുണൈറ്റഡ് കിങ്ഡം ഓഫ് കേരള ഇന്ന് മുതൽ കേരളത്തിൽ പ്രദർശനം ആരംഭിക്കും. കേരളത്തിൽ…

1 week ago

UK.OK (യുണൈറ്റഡ് കിങ്ഡം ഓഫ് കേരള) നാളെ മുതൽ തീയേറ്ററുകളിൽ ,ഓൺലൈൻ ബുക്കിംഗ് ആരംഭിച്ചു

രഞ്ജിത്ത് സജീവ്, ഇന്ദ്രൻസ്, സംഗീത,ജോണി ആന്റണി,മഞ്ജു പിള്ള, സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട…

1 week ago

മാത്യു തോമസ് നായകനാകുന്ന ‘നൈറ്റ് റൈഡേഴ്സ്’; നെല്ലിക്കാംപൊയിൽ എന്ന ഗ്രാമത്തിലെ കഥ; ഫസ്റ്റ് ലുക്ക് പോസ്റ്റർ പുറത്തിറങ്ങി.

എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന…

2 weeks ago

“ഡിഡി നെക്സ്റ്റ് ലെവൽ”തമിഴ്, തെലുങ്ക്, മലയാളം, കന്നഡ ഭാഷകളിൽ, ജൂൺ 13 മുതൽ ZEE5 ഇൽ സ്ട്രീം ചെയ്യുന്നു “

എസ്. പ്രേം ആനന്ദ് രചനയും സംവിധാനവും നിർവ്വഹിച്ച് 2025-ൽ പുറത്തിറങ്ങിയ ആക്ഷൻ ഹൊറർ കോമഡി ചിത്രമാണ് ഡെവിൾസ് ഡബിൾ നെക്സ്റ്റ്…

2 weeks ago

This website uses cookies.