3 കോടിയും കടന്ന് രാവണ ഭരണം

മോഹൻലാൽ നായകനായി എത്തിയ “രാവണപ്രഭു” 4K റീ റിലീസ് പതിപ്പിന്റെ വിജയകുതിപ്പ് തുടരുന്നു. റിലീസ് ചെയ്ത് 4 ദിവസം പിന്നിടുമ്പോൾ കേരളത്തിൽ നിന്ന് മാത്രം 2 കോടി 60 ലക്ഷത്തിനു മുകളിൽ ഗ്രോസ് നേടിയ ചിത്രം ആഗോള തലത്തിൽ 3 കോടി പിന്നിട്ടു. 3 കോടിക്ക് മുകളിൽ ആഗോള ഗ്രോസ് പിന്നിടുന്ന അഞ്ചാമത്തെ മോഹൻലാൽ റീ റിലീസ് ചിത്രമാണിത്. സ്ഫടികം, ദേവദൂതൻ, മണിച്ചിത്രത്താഴ്, ഛോട്ടാമുംബൈ എന്നിവയാണ് ഈ നേട്ടം സ്വന്തമാക്കിയ മറ്റു ചിത്രങ്ങൾ. മലയാളത്തിൽ നിന്ന് മറ്റൊരു റീ റിലീസ് പോലും 2 കോടി പോലും ആഗോള ഗ്രോസ് നേടിയിട്ടില്ല എന്നതും ഈ വിജയങ്ങളുടെ മാറ്റു കൂട്ടുന്നു. ആദ്യ മൂന്നു ദിവസം കൊണ്ട് ഒരു ലക്ഷത്തിനു മുകളിൽ ടിക്കറ്റുകളാണ് രാവണപ്രഭുവിന്റേതായി ബുക്ക് മൈ ഷോ വഴി വിറ്റു പോയത്. മാറ്റിനി നൗ ടീം ആണ് രാവണപ്രഭു 4K റീമാസ്റ്റർ പതിപ്പ് എത്തിച്ചത്. മോഹൻലാൽ നായകനായ ഗുരു, തേന്മാവിൻ കൊമ്പത്ത്, ആറാം തമ്പുരാൻ, കാലാപാനി, ഹലോ, നരൻ, ദേവാസുരം, കാക്കക്കുയിൽ എന്നീ ചിത്രങ്ങളും റീമാസ്റ്റർ ചെയ്യുന്ന ജോലികൾ ഇപ്പോൾ പുരോഗമിക്കുകയാണ്.