ജിത്തു മാധവൻ- സൂര്യ ചിത്രത്തിൽ ഫഹദ് ഫാസിൽ

‘ആവേശം’ എന്ന സിനിമയ്ക്ക് ശേഷം ജിത്തു മാധവൻ ഒരുക്കുന്ന ചിത്രത്തിൽ സൂര്യ നായകനായി എത്തുമെന്ന് വാർത്തകൾ വന്നിരുന്നു. ഏറ്റവും പുതിയ റിപ്പോർട്ടുകൾ പ്രകാരം മലയാളി താരം ഫഹദ് ഫാസിലും ഈ ചിത്രത്തിൽ ഒരു നിർണ്ണായക വേഷത്തിലെത്തും. ഒരു പക്ക മാസ് പടമായി ഒരുക്കുന്ന ഈ ചിത്രത്തിൽ സൂര്യ പൊലീസ് വേഷത്തിലാണ് എത്തുക. സിനിമയുടെ പ്രീ പ്രൊഡക്ഷൻ ഇപ്പോൾ പുരോഗമിക്കുകയാണ്. അടുത്ത മാസം എറണാകുളത്ത് ചിത്രം ആരംഭിക്കുമെന്നാണ് വിവരം. വമ്പൻ ബജറ്റിൽ ഒരുങ്ങുന്ന സിനിമയുടെ നിർമാണം സൂര്യ തന്നെയാണ്. തന്റെ പുതിയ പ്രൊഡക്ഷൻ ബാനറിൽ ആണ് സൂര്യ ഈ ചിത്രം നിർമിക്കുന്നത്. സുഷിൻ ശ്യാം ആയിരിക്കും ചിത്രത്തിന്റെ സംഗീത സംവിധാനമെന്നും വാർത്തകൾ വന്നിരുന്നു. ഇപ്പോൾ തെലുഗ് സംവിധായകനായ വെങ്കി അറ്റ്ലൂരിയുടെ ചിത്രത്തിലാണ് സൂര്യ അഭിനയിക്കുന്നത്. ആർ ജെ ബാലാജി ഒരുക്കിയ “കറുപ്പ്” ആണ് സൂര്യയുടെ അടുത്ത റിലീസ്

Fahadh Faasil to play an important character in Suriya- Jithu Madhavan Movie