ലിജോ ജോസ് പെല്ലിശ്ശേരി ചിത്രത്തിൽ നായകനായി ബിജു മേനോൻ

ലിജോ ജോസ് പെല്ലിശ്ശേരി ഒരുക്കാൻ പോകുന്ന പുതിയ ചിത്രത്തിൽ ബിജു മേനോൻ നായകനായി എത്തുമെന്ന് വാർത്തകൾ. ആദ്യമായാണ് ലിജോ ജോസ് പെല്ലിശ്ശേരി ഒരുക്കാൻ പോകുന്ന ഒരു ചിത്രത്തിൽ ബിജു മേനോൻ അഭിനയിക്കുന്നത്. ചിത്രത്തിൻ്റെ ഔദ്യോഗിക പ്രഖ്യാപനം വൈകാതെ ഉണ്ടാകുമെന്നും വാർത്തകളുണ്ട്. ജീത്തു ജോസഫ് ഒരുക്കിയ “വലത് വശത്തെ കള്ളൻ” ആണ് ബിജു മേനോൻറെ അടുത്ത റിലീസ്. ക്രിസ്മസ് റിലീസായി പ്ലാൻ ചെയ്യുന്ന ചിത്രത്തിൽ ജോജു ജോർജും പ്രധാന വേഷം ചെയ്യുന്നു. ശിവകാർത്തികേയൻ – മുരുഗദോസ് ചിത്രമായ “മദിരാസി” ആയിരുന്നു ബിജു മേനോൻറെ അവസാന റിലീസ്. മോഹൻലാൽ നായകനായ മലൈക്കൊട്ട വാലിബൻ ആണ് ലിജോ സംവിധാനം ചെയ്ത് പുറത്ത് വന്ന അവസാന ചിത്രം. ഇത് കൂടാതെ ഒരു തമിഴ് ചിത്രവും ലിജോ പ്ലാൻ ചെയ്യുന്നുണ്ട് എന്ന് വാർത്തകൾ വന്നിരുന്നു.