നിവിൻ പോളി ചിത്രവുമായി ബി ഉണ്ണികൃഷ്ണൻ?

നിവിൻ പോളി നായകനാവുന്ന ചിത്രമൊരുക്കാൻ പ്രശസ്ത സംവിധായകൻ ബി ഉണ്ണകൃഷ്ണൻ. ജനഗണമന, മലയാളി ഫ്രം ഇന്ത്യ, പ്രിൻസ് ആൻഡ് ഫാമിലി എന്നിവ രചിച്ച ഷാരിസ് മുഹമ്മദ് ആണ് ഈ ചിത്രം രചിക്കുന്നത് എന്നാണ് സൂചന. ഷാരിസ് മുഹമ്മദിന്റെ തന്നെ രചനയിൽ ഒരു പൃഥ്വിരാജ് ചിത്രവും ബി ഉണ്ണികൃഷ്ണൻ ഒരുക്കുന്നുണ്ട്. പൃഥ്വിരാജ് നായകനായ ചിത്രം ആയിരിക്കും ആദ്യം ആരംഭിക്കുക എന്നും അത് നിർമ്മിക്കുന്നത് പൃഥ്വിരാജ് തന്നെയാണെന്നും റിപ്പോർട്ടുകൾ പറയുന്നു. പൃഥ്വിരാജ് ചിത്രത്തിന് ശേഷമായിരിക്കും നിവിൻ പോളി നായകനാവുന്ന ചിത്രത്തിലേക്ക് ബി ഉണ്ണികൃഷ്ണൻ കടക്കുക എന്നും സ്ഥിരീകരിക്കാത്ത വാർത്തകൾ പറയുന്നു. മമ്മൂട്ടി നായകനായ ‘ക്രിസ്റ്റഫർ’ ആണ് ബി ഉണ്ണികൃഷ്ണൻ ഒരുക്കി റിലീസ് ചെയ്ത അവസാന ചിത്രം.

B Unnikrishnan in talks to do a movie starring Nivin Pauly in the lead