ജന്മദിനത്തിന് അൻപത് ദിവസം മുൻപേ മമ്മൂട്ടിക്ക് ആശംസകളുമായി തെലുങ്കിലെ ആരാധകർ..!

മലയാളത്തിന്റെ മെഗാ സ്റ്റാർ മമ്മൂട്ടി ഈ വർഷം സെപ്റ്റംബർ മാസത്തിൽ തന്റെ 68 ആം ജന്മദിനം ആഘോഷിക്കും. എന്നാൽ അതിനു അൻപത് ദിവസം മുൻപേ തന്നെ മമ്മൂട്ടി ആരാധകർ മമ്മൂട്ടിയുടെ ജന്മദിനത്തിന് ഇനി അൻപത് നാൾ എന്ന പേരിൽ ഒരു ട്വിറ്റെർ ഹാഷ് ടാഗ് ക്യാമ്പയിൻ നടത്തി. കടുത്ത മമ്മൂട്ടി ആരാധകനായ സംവിധായകൻ അജയ് വാസുദേവ്, നടി അനു സിതാര എന്നിവരുടെ പിന്തുണയോടെ വലിയ സെലിബ്രിറ്റി പബ്ലിസിറ്റിയോടെ ആണ് മമ്മൂട്ടി ആരാധകർ ഈ ട്വിറ്റെർ ക്യാമ്പയിൻ നടത്തിയത്. ഇപ്പോഴിതാ ആ ക്യാമ്പയിനിൽ ആന്ധ്രയിൽ നിന്നുള്ള വൈ എസ് ആർ ആരാധകരും പങ്കെടുത്തതോടെ ക്യാമ്പയിൻ വലിയ വിജയം നേടിയിരിക്കുകയാണ്.

ഈ വർഷം ആണ് അന്തരിച്ച മുൻ ആന്ധ്ര മുഖ്യമന്ത്രി ആയിരുന്ന വൈ എസ് ആറിന്റെ ജീവിത കഥ യാത്ര എന്ന പേരിൽ ചലച്ചിത്ര രൂപത്തിൽ റീലീസ് ചെയ്തത്. മമ്മൂട്ടി ആണ് ആ ചിത്രത്തിൽ വൈ എസ് ആറിന്റെ വേഷം അവതരിപ്പിച്ചത്. ഈ വർഷം നടന്ന ആന്ധ്ര നിയമ സഭ തിരഞ്ഞെടുപ്പിൽ വൈ എസ് ആറിന്റെ മകൻ ജഗൻ നയിച്ച കോൺഗ്രസ് അധികാരത്തിൽ വരികയും ചെയ്തു. ഇപ്പോഴിതാ മമ്മൂട്ടിക്ക് അൻപത് ദിവസം മുമ്പേ ജന്മദിന ആശംസകൾ നേർന്ന വൈ എസ് ആരാധകരുടെ ട്വീറ്റ് വൈറൽ ആവുകയാണ്. വൈ എസ് ആറിനോടുള്ള അവരുടെ സ്നേഹം വൈ എസ് ആർ ആയി മികച്ച പ്രകടനം കാഴ്ച വെച്ച മലയാളത്തിന്റെ ഈ മഹനടനും ലഭിക്കുന്ന അഭിമാനം നൽകുന്ന കാഴ്ച്ചയാണ് കാണാൻ സാധിക്കുന്നത്.