നാല് വർഷം മുൻപ് തീയേറ്ററുകളിൽ എത്തി വമ്പൻ വിജയം നേടിയ തെന്നിന്ത്യൻ ചിത്രമാണ് 96 എന്ന തമിഴ് ചിത്രം. വിജയ് സേതുപതി, തൃഷ എന്നിവർ പ്രധന വേഷങ്ങളിൽ എത്തിയ ഈ റൊമാന്റിക് ചിത്രം തെന്നിന്ത്യ മുഴുവൻ തരംഗമായി മാറി. സി പ്രേംകുമാർ രചിച്ചു സംവിധാനം ചെയ്ത ഈ ചിത്രത്തിലെ പാട്ടുകളും സൂപ്പർ ഹിറ്റായി മാറിയിരുന്നു. ഗോവിന്ദ് വസന്ത ആണ് ഈ ചിത്രത്തിന് വേണ്ടി സംഗീതം പകർന്നത്. പിന്നീട് ഈ ചിത്രം കന്നഡ, തെലുങ്കു ഭാഷകളിലേക്ക് റീമേക് ചെയ്തു. ഇതിന്റെ ഹിന്ദി റീമേക്കും ഇപ്പോൾ പ്രൊഡക്ഷൻ സ്റ്റേജിലാണ്. അപ്പോഴാണ് ഇതിനു രണ്ടാം ഭാഗം വരുന്നു എന്നൊരു വാർത്ത ചില തമിഴ് മാധ്യമങ്ങൾ റിപ്പോർട്ട് ചെയ്തത്. അതിന്റെ കഥ കേട്ട് വിജയ് സേതുപതിയും തൃഷയും സമ്മതം മൂളി എന്നും അധികം വൈകാതെ ഈ രണ്ടാം ഭാഗം ഉണ്ടാകും എന്ന് വാർത്തകൾ പരന്നു. സി പ്രേംകുമാർ തന്നെയാണ് ഈ രണ്ടാം ഭാഗവും ഒരുക്കുക എന്നും വാർത്തകളിൽ പറയുന്നു.
എന്നാൽ ഇപ്പോൾ ഈ വാർത്തകളോട് പ്രതികരിച്ചു കൊണ്ട് മുന്നോട്ടു വന്നിരിക്കുകയാണ് സി പ്രേം കുമാർ. ഇതൊരു വ്യാജ വാർത്ത ആണെന്നും ഇത്തരത്തിൽ ഒരു രണ്ടാം ഭാഗം 96 എന്ന ചിത്രത്തിന് ഒരുക്കുന്നില്ല എന്നുമാണ് അദ്ദേഹം പറയുന്നത്. സെവൻ സ്ക്രീൻ സ്റ്റുഡിയോയുടെ ബാനറിൽ എസ് നന്ദഗോപാൽ ആണ് ഈ ചിത്രം നിർമ്മിച്ചത്. വിജയ് സേതുപതി തൃഷ എന്നിവർക്കൊപ്പം ഗൗരി കിഷൻ, ആദിത്യ ഭാസ്കർ, ദേവദർശിനി, ജനഗരാജ്, ഭഗവതി പെരുമാൾ, രാജ്കുമാർ, ആടുകളം മുരുഗദോസ്, വർഷ ബൊല്ലമ്മ, കവിതാലയ കൃഷ്ണൻ എന്നിവരും ഈ ചിത്രത്തിൽ അഭിനയിച്ചിട്ടുണ്ട്.
ഫോട്ടോ കടപ്പാട്: ട്വിറ്റർ
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്ത "മൂൺ വാക്" മെയ് 30 നു ആണ് റിലീസ്…
കൈതിയിലൂടെ സംവിധായകന് ലോകേഷ് കനകരാജ് തുടക്കം കുറിച്ച സിനിമാറ്റിക് യൂണിവേഴ്സായ എല് സി യുവിലെ അടുത്ത ചിത്രമായ ബെൻസിൽ മലയാളത്തിന്റെ…
നിരൂപക പ്രശംസകളും പ്രേക്ഷകപ്രീതിയും നേടിയ ചിത്രം മൂൺ വാക്ക് തിയേറ്ററിൽ വിജയകരമായി മുന്നേറുകയാണ്. ലിജോ ജോസ് പെല്ലിശ്ശേരിയും ലിസ്റ്റിൻ സ്റ്റീഫനും…
മലയാള സിനിമാ ലോകത്തു പ്രതിഭാധനന്മാരായ നൂറിൽപ്പരം കലാകാരന്മാരുടെ മികച്ച പ്രകടനങ്ങൾ ലിജോ ജോസ് പെല്ലിശ്ശേരി അവതരിപ്പിക്കുന്ന മൂൺ വാക്കിലൂടെ നാളെ…
പ്രശസ്ത പരസ്യചിത്ര സംവിധായകൻ വിനോദ് എ.കെ. ആദ്യമായി സംവിധാനം ചെയ്യുന്ന "മൂൺ വാക്" മെയ് 30 നു പ്രേക്ഷകരുടെ മുന്നിലെത്തുകയാണ്.…
ലിജോ ജോസ് പെല്ലിശേരിയും ലിസ്റ്റിൻ സ്റ്റീഫനും പ്രേക്ഷകരിലേക്കെത്തിക്കുന്ന മൂൺ വാക്ക് എന്ന ചിത്രത്തിന്റെ വേവ് കോണ്ടെസ്റ്റിൽ പങ്കെടുത്ത് നാളത്തെ താരമാകാനും…
This website uses cookies.