ആൺ വേഷത്തിലെത്തിയ ബോളിവുഡ് സുന്ദരി ആര്. സോഷ്യൽ മീഡിയ ആഘോഷിക്കുന്ന പുതിയ ചിത്രത്തിന് പിന്നിൽ..

ഒരു ബോളിവുഡ് സുന്ദരി ആൺ വേഷത്തിൽ എത്തി എല്ലാവരെയും ഞെട്ടിച്ചിരിക്കുകയാണ്, അതും ഒരു പബ്ലിക് ഫങ്ക്ഷനിൽ. പ്രശസ്ത സംവിധായികയും നൃത്ത സംവിധായികയും ആയ ഫറാ ഖാന്റെ പുതിയ ഷോയിൽ ലിപ് സിങ്ക് ബാറ്റലിൽ പങ്കെടുക്കാൻ ആണ് ബോളിവുഡ് താര സുന്ദരി ആയ രവീണ ടണ്ഠൻ ആൺ വേഷത്തിൽ ഷർട്ടിന്റെ ബട്ടൺ അഴിച്ചിട്ടു സ്റ്റുഡിയോയിൽ എത്തിയത്. ഈ വേഷത്തിൽ വരുന്ന ആളെ കണ്ടപ്പോൾ പലരും ഞെട്ടി. ചിലർക്ക് ആദ്യം ആളെ മനസ്സിലായില്ല. പ്രശസ്ത നടൻ അനിൽ കപൂറിന്റെ തൊണ്ണൂറുകളിൽ ഹിറ്റ് ആയ മേക് ഓവറിൽ ആയിരുന്നു രവീണ ടണ്ഠൻ എത്തിയത്.

ഫറാ ഖാൻ തന്റെ ട്വിറ്റെർ അക്കൗണ്ടിൽ നടിയുടെ മാത്രം ചിത്രം പോസ്റ്റ് ചെയ്തു കൊണ്ട് അതാരാണെന്ന് മനസ്സിലാക്കാൻ കഴിയുന്നുണ്ടോ എന്ന് ചോദിച്ചിരുന്നു. ആർക്കും തന്നെ ആരാണ് ആ വേഷത്തിൽ എത്തിയിരിക്കുന്നത് എന്ന് മനസ്സിലാക്കാൻ ആയില്ല.

ഒരു കാലത്തു ബോളിവുഡിലെ ഏറ്റവും തിരക്കേറിയ നായിക ആയിരുന്ന രവീണ ആയിരുന്നു ആ ആൺ വേഷത്തിൽ എത്തിയത് എന്ന് പറഞ്ഞാൽ പലർക്കും വിശ്വസിക്കാൻ പ്രയാസം ആയിരുന്ന രീതിയിൽ അത്ര കിടിലൻ ആയിരുന്നു രവീണയുടെ അനിൽ കപൂർ ആയുള്ള മേക് ഓവർ. രവീണക്കൊപ്പം ആയുഷ്മാനും ഈ പരിപാടിയിൽ പങ്കെടുത്തിരുന്നു. ദിൽവാലെ, മൊഹ്‌റ, ഖിലാഡിയോൺ ക ഖിലാഡി , സിദ്ദി എന്നിവയൊക്കെ രവീണ നായിക ആയെത്തിയ സൂപ്പർ ഹിറ്റ് ചിത്രങ്ങൾ ആണ്.

കൂടാതെ ദാമൻ എന്ന ചിത്രത്തിലെ അഭിനയത്തിന് മികച്ച നടിക്കുള്ള ദേശീയ പുരസ്കാരവും നേടിയിട്ടുണ്ട് രവീണ. ഏതായാലും ഈ പുതിയ മേക് ഓവറിലൂടെ ഒരിക്കൽ കൂടി ഏവരുടെയും ശ്രദ്ധ ആകര്ഷിച്ചിരിക്കുകയാണ് ഈ താര സുന്ദരി. ഇത് രവീണക്ക് ഒരു വലിയ തിരിച്ചു വരവിനുള്ള വാതിൽ തുറക്കുമോ എന്ന് കണ്ടറിയാം.