നീണ്ട മൂന്നു വർഷത്തെ ഇടവേളയ്ക്കു ശേഷം ദിലീപ് ചിത്രം’ വോയിസ് ഓഫ് സത്യനാഥൻ’ തിയേറ്ററുകളിൽ എത്തുന്നു. പൂർണമായും കോമഡി ത്രില്ലർ ട്രാക്കിലൊരുങ്ങുന്ന ചിത്രം സംവിധാനം ചെയ്യുന്നത് റാഫിയാണ്. മലയാള സിനിമയ്ക്ക് നിരവധി സൂപ്പർ ഡ്യൂപ്പർ ഹിറ്റുകൾ സമ്മാനിച്ച ദിലീപ് – റാഫി കൂട്ടുകെട്ട് വീണ്ടും തീയറ്ററിൽ കാണാൻ സാധിക്കുന്നതിൽ ആരാധകരും ആകാംക്ഷയിലാണ്. ജൂലൈ 14നു റിലീസിനെത്തുന്ന ചിത്രത്തിൻറെ രണ്ടാമത്തെ ടീസർ അണിയറ പ്രവർത്തകർ സോഷ്യൽ മീഡിയയിലൂടെ പുറത്ത് വിട്ടിരിക്കുകയാണ്. മികച്ച പ്രതികരണമാണ് ടീസറിന് ലഭിക്കുന്നത്.
ചിത്രത്തിൻറെ കഥ, തിരക്കഥ, സംഭാഷണം നിർവഹിക്കുന്നത് റാഫി തന്നെയാണ്. ജോജു ജോർജ്, അനുപം ഖേർ, മകരന്ദ് ദേശ്പാണ്ഡെ, ജഗപതി ബാബു,വീണാ നന്ദകുമാർ, ജാഫർ സാദിഖ്, സിദ്ദിഖ്,അലൻസിയർ ലോപ്പസ്,ജോണി ആന്റണി, ഫൈസൽ, രമേഷ് പിഷാരടി, ജനാർദ്ദനൻ, ബോബൻ സാമുവൽ, ബെന്നി പി നായരമ്പലം,ഉണ്ണിരാജ, സ്മിനു സിജോ, തുടങ്ങിയവരാണ് ചിത്രത്തിൽ മറ്റു കഥാപാത്രങ്ങളെ അവതരിപ്പിക്കുന്നത്.
ബാദുഷ സിനിമാസിന്റേയും ഗ്രാന്റ് പ്രൊഡക്ഷൻസിന്റേയും ബാനറിൽ എൻ.എം ബാദുഷ, ഷിനോയ് മാത്യു, ദിലീപ്, രാജൻ ചിറയിൽഎന്നിവർ ചേർന്നാണ് വോയിസ് ഓഫ് സത്യനാഥൻ നിർമിക്കുന്നത്. ക്യാമറ ചലിപ്പിക്കുന്നത് സ്വരുപ് ഫിലിപ്പും സംഗീതം അങ്കിത് മേനോനും എഡിറ്റിംഗ് ഷമീർ മുഹമ്മദുമാണ്.
2019 ൽ പുറത്തിറങ്ങിയ ‘മൈ സാന്റയാണ് ദിലീപിൻറെ ഏറ്റവും ഒടുവിൽ പുറത്തിറങ്ങിയ തീയറ്റർ ചിത്രം. അതിനുശേഷം ‘കേശു ഈ വീടിൻറെ നാഥൻ’ ഓ ടി ടി പ്ലാറ്റ്ഫോമിലൂടെ ആയിരുന്നു പുറത്തിറക്കിയത്. സമീപകാലത്ത് തട്ടാശ്ശേരിക്കൂട്ടം ചിത്രത്തിൽ അതിഥി വേഷത്തിലും ദിലീപ് എത്തിയിരുന്നു. വോയിസ് ഓഫ് സത്യനാഥന് ശേഷം പ്രേക്ഷകർ ഏറ്റവും അധികം കാത്തിരിക്കുന്നത് ബാന്ദ്രയുടെയും പറക്കും പപ്പന്റെയും റിലീസിനാണ്. രതീഷ് രഘുനന്ദൻ സംവിധാനം ചെയ്യുന്ന D148, വിനീത് കുമാർ സംവിധാനം ചെയ്യുന്ന D149, നിസാം ബഷീർ ചിത്രം, തുടങ്ങി നാലിലധികം ദിലീപ് ചിത്രങ്ങൾ നിലവിൽ അണിയറയിൽ ഒരുങ്ങുന്നുണ്ട്.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ബുക്കിങ്ങ് ആരംഭിച്ചു. ലോകമെമ്പാടും ചിത്രത്തിന്റെ ബുക്കിങ്ങ് അതിവേഗത്തിലാണ് നടക്കുന്നത്. നിമിഷനേരം…
"മഞ്ഞുമ്മൽ ബോയ്സ്" നിർമ്മാതാക്കൾക്കെതിരായ ക്രിമിനൽ നടപടികൾക്ക് കോടതിയുടെ സ്റ്റേ. സൗബിൻ്റെ പിതാവ് സമർപ്പിച്ച ഹർജിയിലാണ് കോടതിയുടെ ഇടക്കാല ഉത്തരവ്. കേസിലെ…
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
This website uses cookies.