‘ഇത് ജനപ്രിയ തരംഗം’; ‘ബുക്ക് മൈ ഷോ’യിൽ ട്രെന്റിങ്ങായി വോയ്സ് ഓഫ് സത്യനാഥൻ.

ബുക്മൈ ഷോ ആപ്പിലൂടെ ആയിരക്കണക്കിന് ടിക്കറ്റുകൾ വിറ്റ് പോയതിലൂടെ ബുക്മൈ ഷോയിൽ ഇപ്പോൾ ട്രെൻഡിങ്ങായി നിൽക്കുകയാണ് ദിലീപ് നായകനായ വോയ്സ് ഓഫ് സത്യനാഥൻ. റാഫി സംവിധാനം ചെയ്ത ഈ ദിലീപ് ചിത്രത്തിന് വമ്പൻ പ്രതികരണമാണ് കേരളത്തിലെ തീയേറ്ററുകളിൽ നിന്നും ലഭിക്കുന്നത്. കുടുംബ പ്രേക്ഷകരുടെ പ്രവാഹമാണ് ഇപ്പോൾ തീയേറ്ററുകളിൽ കാണാൻ സാധിക്കുന്നത്

ദിലീപിനൊപ്പം ജോജു ജോർജ്, വീണ നന്ദകുമാർ, സിദ്ദിഖ്, ജഗപതി ബാബു, രമേശ് പിഷാരടി എന്നിവരും വേഷമിട്ട ഈ ചിത്രം ആദ്യ ദിനം കേരളത്തിൽ നിന്നും നേടിയത് ഒന്നേമുക്കാൽ കോടിയോളം ഗ്രോസ് കളക്ഷനാണെന്നാണ് സൂചന. മൂന്നര വർഷത്തിന് ശേഷം തീയേറ്ററിൽ റിലീസ് ചെയ്യുന്ന ദിലീപ് ചിത്രമാണ് വോയ്‌സ് ഓഫ് സത്യനാഥൻ

കുടുംബ പ്രേക്ഷകരെ ആകർഷിക്കുന്ന ഒരു കോമഡി എന്റെർറ്റൈനെർ എന്ന നിലയിൽ വോയ്‌സ് ഓഫ് സത്യനാഥൻ വരും ദിവസങ്ങളിൽ വമ്പൻ കളക്ഷൻ നേടുമെന്നാണ് ട്രേഡ് അനലിസ്റ്റുകൾ പറയുന്നത്