Vivek Oberoi To Play Villain In Mohanlal's Lucifer
യുവ സൂപ്പർ താരം പൃഥ്വിരാജ് സുകുമാരൻ ആദ്യമായി സംവിധാനം ചെയ്യുന്ന ലൂസിഫർ എന്ന മോഹൻലാൽ ചിത്രം അടുത്ത മാസം ചിത്രീകരണം ആരംഭിക്കാൻ പോവുകയാണ്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കാൻ പോകുന്ന ഈ മാസ്സ് എന്റെർറ്റൈനെർ മുരളി ഗോപിയാണ് രചിച്ചിരിക്കുന്നത്. ഇപ്പോഴിതാ ഈ ചിത്രത്തെ കുറിച്ച് ആവേശകരമായ വാർത്തകൾ ആണ് പുറത്തു വരുന്നത്. ഒരു മരണ മാസ്സ് ചിത്രം ആയാണ് ലൂസിഫർ ഒരുങ്ങുന്നതെന്ന സൂചനകളാണ് ഇപ്പോൾ വരുന്നത്. ചിത്രത്തിന്റെ അണിയറ പ്രവർത്തകരിൽ നിന്ന് ലഭിക്കുന്ന റിപ്പോർട്ടുകൾ പ്രകാരം ഈ ചിത്രത്തിൽ കമ്പ്ലീറ്റ് ആക്ടർ മോഹൻലാലിൻറെ വില്ലൻ ആയി എത്തുക ബോളിവുഡ് താരം വിവേക് ഒബ്റോയ് ആയിരിക്കും. മലയാളത്തിൽ വിവേക് ഒബ്റോയിയുടെ അരങ്ങേറ്റ ചിത്രമായിരിക്കും ലൂസിഫർ.
ഇതിനു മുൻപ് മോഹൻലാലിനൊപ്പം ഹിന്ദിയിൽ അഭിനയിച്ചിട്ടുള്ള വിവേക് ഒബ്റോയ് അദ്ദേഹവുമായി വലിയ സൗഹൃദവും കാത്തു സൂക്ഷിക്കുന്നുണ്ട്. വിവേക് ഒബ്റോയ്യുടെ ആദ്യ ചിത്രം ആയിരുന്നു മോഹൻലാൽ- അജയ് ദേവ്ഗൺ എന്നിവർ അഭിനയിച്ച റാം ഗോപാൽ വർമയുടെ ഹിന്ദി ചിത്രമായ കമ്പനി. ഹിന്ദിയിലും തമിഴിലും ഉൾപ്പെടെ വമ്പൻ ചിത്രങ്ങളുടെ ഭാഗമായ വിവേക് ഒബ്റോയ് തന്റെ വില്ലൻ വേഷങ്ങളിലൂടെ ഒരുപാട് ആരാധകരെ നേടിയ താരമാണ്. മോഹൻലാൽ, വിവേക് ഒബ്റോയ് എന്നിവരെ കൂടാതെ ടോവിനോ തോമസ്, ഇന്ദ്രജിത് സുകുമാരൻ, മഞ്ജു വാര്യർ എന്നിവരും പൃഥ്വിരാജിന്റെ ലൂസിഫർ എന്ന ചിത്രത്തിന്റെ താര നിരയുടെ ഭാഗം ആണെന്ന് ഏകദേശം ഉറപ്പായി കഴിഞ്ഞു.
സുജിത് വാസുദേവ് ഛായാഗ്രഹണം നിർവഹിക്കുന്ന ഈ ചിത്രത്തിന് സംഗീതം പകരുക ദീപക് ദേവ് ആയിരിക്കും. ഈ ചിത്രത്തിന്റെ ടൈറ്റിൽ ഫോണ്ട് സോഷ്യൽ മീഡിയയിൽ വമ്പൻ ഹിറ്റായി മാറിയിരുന്നു. ഏതായാലും ചിത്രത്തെ കുറിച്ചുള്ള കൂടുതൽ വിവരങ്ങൾ വരും ദിവസങ്ങളിൽ ഔദ്യോഗികമായി തന്നെ പുറത്തു വിടും എന്നാണ് പ്രതീക്ഷിക്കപ്പെടുന്നത്. ഒരുപക്ഷെ മോഹൻലാൽ ചിത്രമായ ഒടിയൻ കഴിഞ്ഞാൽ ഇന്ന് പ്രേക്ഷകർ ഏറ്റവും കൂടുതൽ ചർച്ച ചെയ്യുന്നതും കാത്തിരിക്കുന്നതുമായ ചിത്രമായി ഇപ്പോഴേ ലൂസിഫർ മാറി കഴിഞ്ഞു.
ഇപ്പോൾ കേരളം നേരിടുന്ന സാമൂഹിക പ്രശ്നങ്ങളിൽ ഒന്നാണ് വിദേശരാജ്യങ്ങളിലേക്ക് നമ്മുടെ യുവതലമുറയുടെ പാലായനം. സാമ്പത്തിക സുസ്ഥിരത നേടാൻ യുവതലമുറ തെരഞ്ഞെടുക്കുന്ന…
ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…
പ്രശസ്ത സംവിധായകൻ അരുൺ വൈഗ ഒരുക്കിയ യുണൈറ്റഡ് കിങ്ഡം ഓഫ് കേരള ഇന്ന് മുതൽ കേരളത്തിൽ പ്രദർശനം ആരംഭിക്കും. കേരളത്തിൽ…
രഞ്ജിത്ത് സജീവ്, ഇന്ദ്രൻസ്, സംഗീത,ജോണി ആന്റണി,മഞ്ജു പിള്ള, സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട…
എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന…
എസ്. പ്രേം ആനന്ദ് രചനയും സംവിധാനവും നിർവ്വഹിച്ച് 2025-ൽ പുറത്തിറങ്ങിയ ആക്ഷൻ ഹൊറർ കോമഡി ചിത്രമാണ് ഡെവിൾസ് ഡബിൾ നെക്സ്റ്റ്…
This website uses cookies.