[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

കമ്പനിയിൽ ഡയലോഗ് പറയാൻ ലാലേട്ടൻ ഉപയോഗിച്ച ടെക്നിക് ആണ് ലുസിഫെറിൽ തന്നെ സഹായിച്ചതെന്ന് വിവേക് ഒബ്‌റോയ്

കഴിഞ്ഞ വർഷം മാർച്ച് മാസത്തിൽ റിലീസ് ചെയ്ത മോഹൻലാൽ ചിത്രമായിരുന്നു ലൂസിഫർ. യുവ സൂപ്പർ താരം പൃഥ്വിരാജ് സുകുമാരൻ ആദ്യമായി സംവിധാനം ചെയ്ത ആ ചിത്രം രചിച്ചത് മുരളി ഗോപിയും നിർമ്മിച്ചത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരുമാണ്. ബോളിവുഡ് താരം വിവേക് ഒബ്‌റോയ് വില്ലൻ വേഷത്തിലെത്തിയ ഈ ചിത്രത്തിലെ നായികാ വേഷം ചെയ്തത് മഞ്ജു വാര്യരാണ്. ഇതിലെ സ്റ്റീഫൻ നെടുമ്പള്ളിയായി ഗംഭീര പ്രകടനം കാഴ്ച വെച്ച മോഹൻലാലിനും ബോബിയായി അഭിനയിച്ച വിവേക് ഒബ്രോയ്ക്കും മികച്ച നടനും വില്ലനുമുള്ള ഒന്നിലധികം അവാർഡുകളാണ് ഇതിനോടകം കിട്ടിയത്. അതിലൊന്നായ വനിതാ അവാർഡ് സ്വീകരിച്ചു കൊണ്ട് വിവേക് ഒബ്‌റോയ് പറഞ്ഞ വാക്കുകളാണ് ഇപ്പോൾ ശ്രദ്ധ നേടുന്നത്.

പതിനേഴു വർഷം മുൻപ് മോഹൻലാൽ- അജയ് ദേവ്ഗൺ എന്നിവർ കേന്ദ്ര കഥാപാത്രങ്ങളായെത്തിയ കമ്പനി എന്ന റാം ഗോപാൽ വർമ്മയുടെ ഹിന്ദി ചിത്രത്തിലൂടെയാണ് വിവേക് ഒബ്‌റോയ് അരങ്ങേറ്റം കുറിച്ചത്. പ്രേക്ഷകരും നിരൂപകരും ഒരുപോലെ കയ്യടി നൽകിയ ആ ചിത്രത്തിലെ പ്രകടനം മോഹൻലാലിന് ഐഫ അവാർഡടക്കം നേടിക്കൊടുത്തിരുന്നു. ഇപ്പോഴിതാ മോഹൻലാലിനൊപ്പം തന്നെയഭിനയിച്ചു കൊണ്ട് മലയാളത്തിൽ അരങ്ങേറിയത് തന്റെ ഭാഗ്യമാണെന്നും കമ്പനി എന്ന ചിത്രത്തിൽ ഹിന്ദി പറയാൻ ലാലേട്ടൻ ഉപയോഗിച്ച ടെക്നിക്കാണ് ലുസിഫെറിൽ മലയാളം പറയാൻ തന്നെ സഹായിച്ചതെന്നാണ് വിവേക് ഒബ്‌റോയ് പറയുന്നത്. ഫ്രേമിൽ നിന്നും മാറി ഹിന്ദി ഡയലോഗുകൾ മലയാളത്തിലെഴുതി വെച്ചാണ് മോഹൻലാൽ അഭിനയിച്ചതെന്നും, എന്നാൽ അത് വായിച്ചു കൊണ്ട് തന്നെ വളരെ അനായാസമായി ഡയലോഗുകൾ പറഞ്ഞു ഗംഭീരമായി അഭിനയിച്ച മോഹൻലാൽ തന്നെ അത്ഭുതപ്പെടുത്തി എന്നുമാണ് വിവേക് പറയുന്നത്. ലുസിഫെറിൽ പൃഥ്വിരാജ് സുകുമാരനെ കൊണ്ട് മലയാളം മംഗ്ലീഷിൽ എഴുതി ഫ്രേമിൽ വരാതെ വെച്ചാണ് താനും ഡയലോഗ് പറഞ്ഞതെന്നും വിവേക് പറയുന്നു.

webdesk

Recent Posts

ആഷിക്ക് അബു ഭദ്രദീപം കൊളുത്തി; വിനീത് കുമാർ നായകനാകുന്ന ‘നോട്ട്’ ന് തുടക്കം

വിനീത് കുമാർ കേന്ദ്രകഥാപാത്രത്തെ അവതരിപ്പിക്കുന്ന പുതിയ ചിത്രം ‘നോട്ട്’ പൂജാ ചടങ്ങോടെ ഔദ്യോഗികമായി ആരംഭിച്ചു. നവാഗതരായ ആശിഷും കിരണും ചേർന്ന്…

1 day ago

“റെയ്സ് ഓഫ് നാഗ”; രൂപേഷ് പീതാംബരൻ ചിത്രം ഭാസ്കരഭരണത്തിലെ ആദ്യ ഗാനം പുറത്ത്

രൂപേഷ് പീതാംബരൻ സംവിധാനം ചെയ്ത് പ്രധാന കഥാപാത്രത്തെ അവതരിപ്പിക്കുന്ന 'ഭാസ്കരഭരണം' എന്ന ചിത്രത്തിലെ ആദ്യ ഗാനം പുറത്ത്. "റെയ്സ് ഓഫ്…

7 days ago

ബ്രഹ്മാണ്ഡ ചിത്രം നാഗബന്ധത്തിനായി ഹൈദരാബാദിൽ അനന്ത പത്മനാഭ സ്വാമി രഥയാത്ര നടത്തി

അഭിഷേക് നാമ രചിച്ചു സംവിധാനം ചെയ്യുന്ന പാൻ ഇന്ത്യൻ തെലുങ്ക് ചിത്രമായ നാഗബന്ധം 2026, ജൂലൈ 3 ന് ലോകമൊട്ടാകെ…

7 days ago

ഭാസ്കരഭരണം ജൂൺ 26 ന് തിയറ്ററുകളിൽ

രൂപേഷ് പീതാംബരൻ സംവിധാനം ചെയ്ത് പ്രധാന വേഷത്തിലെത്തുന്ന ഭാസ്കരഭരണം ജൂൺ 26 ന് തിയറ്ററുകളിലെത്തും. അടുത്തിടെ പുറത്തിറങ്ങിയ ചിത്രത്തിന്റെ ടീസർ…

1 week ago

വിരാട് കർണ്ണ നായകനാകുന്ന മിത്തോളജിക്കൽ ആക്ഷൻ- അഡ്വഞ്ചർ; നാഗബന്ധം’ കേരള വിതരണാവകാശം സ്വന്തമാക്കി ഗുഡ് ഫെല്ലാസ്

അഭിഷേക് നാമ സംവിധാനം ചെയ്യുന്ന ബ്രഹ്മാണ്ഡ സോഷ്യോ-ഫാന്റസി അഡ്വഞ്ചർ ചിത്രം 'നാഗബന്ധം - ദി സീക്രട്ട് ട്രഷർ' ന്റെ കേരള…

2 weeks ago

രാഷ്ട്രീയം ഉപജീവന മാർഗമാക്കിയ എല്ലാ കുഞ്ഞാടുകളും തിയേറ്ററിൽ പോയി ‘പ്രതിഛായ,’ കാണണം; ബി ഉണ്ണികൃഷ്ണൻ- നിവിൻ പോളി ചിത്രത്തിന് അഭിനന്ദനവുമായി സംവിധായകൻ ഭദ്രൻ

നിവിൻ പോളിയെ നായകനാക്കി ബി ഉണ്ണികൃഷ്ണൻ ഒരുക്കിയ "പ്രതിഛായ" മികച്ച പ്രേക്ഷക പ്രതികരണവും നിരൂപക പ്രശംസയും നേടി മുന്നേറുകയാണ്. നിറഞ്ഞ…

3 months ago

This website uses cookies.