വിശാൽ ചിത്രം വീരമേ വാഗൈ സൂടും ഇന്ന് മുതൽ; കാത്തിരിക്കുന്നത് കിടിലൻ ആക്ഷൻ ചിത്രം..!

തമിഴ് സൂപ്പർ താരങ്ങളിൽ ഒരാളായ വിശാൽ നായകനായി എത്തുന്ന ഏറ്റവും പുതിയ ചിത്രമാണ് വീരമേ വാഗൈ സൂടും. ഇന്ന് മുതൽ ഈ ചിത്രം ആഗോള റിലീസ് ആയി പ്രദർശനം ആരംഭിച്ചിരിക്കുകയാണ്. കേരളത്തിൽ മികച്ച റിലീസ് ആയി എത്തിയിരിക്കുന്ന ഈ ചിത്രം തമിഴ് നാട്ടിലും വമ്പൻ റിലീസ് ആയാണ് എത്തിയിരിക്കുന്നത്. വിശാലിന്റെ കരിയറിലെ ഏറ്റവും വലിയ റിലീസ് ആണ് ഈ ചിത്രത്തിന് തമിഴ് നാട്ടിൽ ലഭിച്ചിരിക്കുന്നത് എന്നാണ് വാർത്തകൾ പറയുന്നത്. ഫോർച്യൂൺ സിനിമാസ് ആണ് ഈ ചിത്രം കേരളത്തിൽ റിലീസിന് എത്തിച്ചിരിക്കുന്നത്. മലയാളി നടൻ ബാബുരാജ് ആണ് ഈ ചിത്രത്തിലെ പ്രധാന വില്ലൻ ആയി എത്തിയിരിക്കുന്നത് എന്നത് കൊണ്ട് തന്നെ ഈ ചിത്രം കാണാൻ മലയാളി പ്രേക്ഷകരും ആവേശത്തോടെയാണ് കാത്തിരുന്നത്. വിശാൽ ഫിലിം ഫാക്ടറി എന്ന ബാനറിൽ വിശാൽ തന്നെ നിർമ്മാണവും നിർവഹിച്ചിരിക്കുന്ന ഈ ചിത്രം സംവിധാനം ചെയ്തിരിക്കുന്നത് തു പ ശരവണൻ ആണ്.

കാവിൻ രാജ് ഛായാഗ്രഹണം നിർവഹിച്ചിരിക്കുന്ന ഈ ചിത്രത്തിന് സംഗീത സംവിധാനം നിർവഹിച്ചിരിക്കുന്നത് യുവാൻ ശങ്കർ രാജയാണ്. ഡിംപിൾ ഹയാത്തി നായികയായി എത്തുന്ന ഈ ചിത്രത്തിൽ യോഗി ബാബു, കുമരവേൽ, രവീണ രവി, മാരിമുത്തു, ആർ എൻ ആർ മനോഹർ, കവിത ഭാരതി, തുളസി, അഖിലൻ എസ പി ആർ എന്നിവരും അഭിനയിച്ചിട്ടുണ്ട്. എനിമി എന്ന സൂപ്പർ ഹിറ്റ് ചിത്രത്തിന് ശേഷം എത്തുന്ന വിശാലിന്റെ ആക്ഷൻ ചിത്രമാണ് ഇതെന്നതും പ്രേക്ഷകരുടെ പ്രതീക്ഷകൾ വർധിപ്പിച്ചിട്ടുണ്ട്. ഇതിന്റെ ട്രൈലെർ, സ്നീക് പീക്ക് വീഡിയോ എന്നിവയും സൂപ്പർ ഹിറ്റായി മാറിയിരുന്നു.