അജിത്തിന്റെ പെരുമാറ്റം അക്ഷരാർത്ഥത്തിൽ തന്നെ ഞെട്ടിച്ചു.. വിനീത് ശ്രീനിവാസൻ..

തമിഴ് താരങ്ങളുടെ ആരാധകരോടും പ്രേക്ഷകരോടുമുള്ള പെരുമാറ്റം ഏറെ ചർച്ചയായ വിഷയമാണ്. അത്തരത്തിൽ ഒരു പെരുമാറ്റത്തെ കുറിച്ച് വെളിപ്പെടുത്തുകയായിരുന്നു വിനീത് ശ്രീനിവാസൻ. പുതുചിത്രത്തിന്റെ വിശേഷങ്ങൾ പങ്കുവച്ച് ബഡായി ബംഗ്ളാവിൽ എത്തിയതായിയുന്നു വിനീത് ശ്രീനിവാസൻ. അപ്പോഴാണ് മുകേഷ് മുൻപ് വിനീത് ശ്രീനിവാസനും തല അജിത്തും ചേർന്ന് എടുത്ത വയറലായ ചിത്രത്തെ പറ്റി ആരാഞ്ഞത്. ചിത്രം ചെന്നൈയിൽ വച്ചായിരുന്നു എടുത്തത്. അവിടെ ഒരു റെസ്റ്റോറന്റിൽ ഭാര്യയും കുട്ടിയുമായി ഇരിക്കുന്നിടത്തേക്ക് തല അജിത് എത്തിയത്തോട് ആരാധകർ അത്ഭുദത്തിലായി. താൻ അദ്ദേഹത്തിന്റെ പക്കലേക്ക് ചെല്ലുകയുണ്ടായി എന്നാൽ അദ്ദേഹം തന്നെ പോലും ഞെട്ടിക്കുകയായിരുന്നു വിനീത് പറഞ്ഞു.

താൻ അദ്ദേഹത്തിന്റെ അടുക്കലേക്ക് ചെല്ലുകയും അദ്ദേഹത്തോട് സംസാരിക്കുവാൻ അടുത്തേക്ക് എത്തിയപ്പോഴേക്കും അദ്ദേഹം തന്നെ കണ്ട പഴയ ഓർമ്മ പങ്കുവച്ചു. പണ്ട് 2002ൽ അദ്ദേഹത്തെ താൻ ഷൂട്ടിംഗ് വേളയിൽ കണ്ടിരുന്നു ഞാൻ പോലും ഒരുപക്ഷേ ഓർക്കാതിരുന്ന കാര്യമാണ് അദ്ദേഹം പറഞ്ഞത്. സത്യത്തിൽ അദ്ദേഹം തന്നെ ഞെട്ടിച്ചു കളഞ്ഞു. തന്നെ പോലൊരു ചെറിയ ആളുടെ കാര്യം പോലും ഓർത്തുവെക്കുന്നത് കണ്ടപ്പോൾ വല്ലാത്ത അത്ഭുദമാണ് തോന്നിയത്. പിന്നീട് തന്റെ ഭാര്യയുടെയും കുട്ടിയുടെ അടുക്കലേക്ക് അദ്ദേഹം എത്തി ഞങ്ങളുമായി ഏറെ നേരം സംസാരിച്ചു. ചിത്രവുമെടുത്താണ് പോയത്. ഇത് കണ്ട് അവിടെ ഇരുന്ന ഏവരും അദ്ദേഹത്തിന്റെ ആരാധകരായി മാറുകയായിരുന്നു. അജിത്തിന്റെ ഈ സ്നേഹമാണ് ഇപ്പോൾ നവമാധ്യമങ്ങളിൽ ഏറെ ചർച്ചയായി മാറുന്നത്.