പ്രശസ്ത സംവിധായകൻ വിനയൻ അടുത്തതായി ഒരുക്കാൻ പോകുന്ന മലയാള ചിത്രമാണ് പത്തൊൻപതാം നൂറ്റാണ്ട്. ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമ്മിക്കുന്ന ഈ ചിത്രത്തിലേക്ക് അഭിനേതാക്കളെ ക്ഷണിച്ചു കൊണ്ടുള്ള കാസ്റ്റിംഗ് കോൾ ഇപ്പോൾ പുറത്തു വിട്ടിരിക്കുകയാണ്. വമ്പൻ ബഡ്ജറ്റിലൊരുക്കുന്ന ഈ ബ്രഹ്മാണ്ഡ ചിത്രത്തിലെ നായകൻ ആരായിരിക്കുമെന്നാണ് ഇപ്പോൾ സോഷ്യൽ മീഡിയ ഉറ്റു നോക്കുന്നത്. മലയാളത്തിന്റെ സൂപ്പർ താരം മോഹൻലാലുമൊത്തു ഒരു ചിത്രം ചെയ്യുമെന്ന് വിനയൻ പ്രഖ്യാപിച്ചിരുന്നു. അതൊരു വലിയ ചിത്രമായിരിക്കുമെന്നും വിനയൻ സൂചിപ്പിച്ചിരുന്നു. എന്നാൽ അത് തന്നെയാണോ പത്തൊൻപതാം നൂറ്റാണ്ട് എന്ന ചിത്രമെന്നതിനു സ്ഥിതീകരണമില്ല. മോഹൻലാൽ രാവണനായി എത്തുന്ന ഒരു ചിത്രമൊരുക്കാനും വിനയന് പ്ലാനുള്ളതായി റിപ്പോർട്ടുകൾ വന്നിരുന്നു. അതുപോലെ ജയസൂര്യ നായകനാവുന്ന ഒരു ബിഗ് ബജറ്റ് ചിത്രവും മമ്മൂട്ടി നായകനായി രാക്ഷസ രാജാവ് എന്ന ചിത്രത്തിന്റെ രണ്ടാം ഭാഗവും വിനയന്റെ ആലോചനകളിലുണ്ട് എന്ന വിവരവും അദ്ദേഹം പുറത്തു വിട്ടിരുന്നു. അദ്ദേഹത്തിന്റെ മുൻ റിലീസായ ആകാശ ഗംഗയുടെ രണ്ടാം ഭാഗം ഒരു വലിയ വിജയം നേടിയിരുന്നില്ല.
ഇപ്പോൾ മലയാളത്തിലെ സിനിമാ സംഘടനകളുടെ വിലക്കുകളൊന്നും ഇല്ലാത്ത വിനയന് മികച്ച ഒരു താര നിരയും അതുപോലെ മികച്ച സാങ്കേതിക പ്രവർത്തകരുടെ സേവനവും ലഭ്യമായാൽ ഗംഭീര ചിത്രങ്ങളൊരുക്കാൻ കഴിയുമെന്ന് തന്നെയാണ് സിനിമാ പ്രേമികളും വിനയനെ പിന്തുണക്കുന്നവരും പറയുന്നത്. പത്തൊൻപതാം നൂറ്റാണ്ട് എന്ന പുതിയ ചിത്രത്തിലഭിനയിക്കാൻ അദ്ദേഹം അപേക്ഷ ക്ഷണിച്ചിരിക്കുന്നത് മുപ്പതിനും അന്പതിനുമിടക്ക് പ്രായമുള്ള നല്ല ഉയരവും യോദ്ധാക്കളെ പോലെ മികച്ച ശരീരവുമുള്ള ആളുകളെയാണ്. ചിത്രത്തിന്റെ താരനിരയെ കുറിച്ചുള്ള വിവരങ്ങൾ വിനയൻ അധികം വൈകാതെ തന്നെ പുറത്തു വിടുമെന്നാണ് സൂചന.
ഈ കഴിഞ്ഞ വെള്ളിയാഴ്ച മലയാളി സിനിമാ പ്രേമികൾക്ക് മുന്നിലെത്തിയ ചിത്രമാണ് "കേക്ക് സ്റ്റോറി". നിരവധി സൂപ്പർ ഹിറ്റുകൾ മലയാള സിനിമക്ക്…
എൻവിബി ഫിലിംസ് നിർമിക്കുന്ന സൈക്കോളജിക്കൽ ത്രില്ലർ ചിത്രം "നികിത റോയ്" 2025 മെയ് 30 ന് തിയേറ്ററുകളിൽ എത്തും. ചിത്രത്തിൻ്റെ…
ടൊവീനോ തോമസിനെ നായകനാക്കി അനുരാജ് മനോഹർ സംവിധാനം ചെയ്യുന്ന 'നരിവേട്ട' എന്ന ചിത്രത്തിലെ ആദ്യ വീഡിയോ ഗാനം 'മിന്നൽവള കൈയിലിട്ട…
ടൊവിനോ തോമസിനെ നായകനാക്കി അനുരാജ് മനോഹർ സംവിധാനം ചെയ്യുന്ന ‘നരിവേട്ട’യിലെ ആദ്യ ഗാനം പുറത്തിറങ്ങി. പൃഥ്വിരാജ് സുകുമാരന്റെ സോഷ്യൽ മീഡിയ…
ഖാലിദ് റഹ്മാൻ സംവിധാനം ചെയ്ത് നസ്ലെൻ ഉൾപ്പെടെ നിരവധി യുവ പ്രതിഭകൾ അഭിനയിച്ച ആലപ്പുഴ ജിംഖാനയിലൂടെ പ്രേക്ഷകരുടെ കയ്യടി നേടുകയാണ്…
ഈ വർഷത്തെ വിഷു റിലീസായി മലയാളി പ്രേക്ഷകരുടെ മുന്നിലെത്തിയ രണ്ട് ചിത്രങ്ങളാണ് ഖാലിദ് റഹ്മാൻ ഒരുക്കിയ'ആലപ്പുഴ ജിംഖാനയും, നവാഗതനായ ശിവപ്രസാദ്…
This website uses cookies.