വില്ലൻ എന്ന ചിത്രത്തിലൂടെ ബി ഉണ്ണികൃഷ്ണൻ ഒരർഥത്തിൽ നമ്മുക്ക് മുന്നിൽ കാണിച്ചു തന്നത് ഒരു വിസ്മയം ആണ്. ഇന്ത്യൻ സിനിമയിലെ എന്നല്ല ലോക സിനിമയിലെ തന്നെ വിസ്മയമായി മാറുന്ന മോഹൻലാൽ എന്ന നടനെ. പലരും മോഹൻലാൽ എന്ന താര ചക്രവർത്തിയെ ഉപയോഗിക്കാൻ ശ്രമിച്ചപ്പോൾ ബി ഉണ്ണികൃഷ്ണൻ കണ്ടത് മോഹൻലാലിനുള്ളിലെ വാക്കുകൾക്കും അതീതമായ അഭിനയ തികവിനെയാണ്. ഇന്നും പകുതിപോലും ഇന്ത്യൻ സിനിമയിലെ മഹാരഥന്മാർക്കു ഉപയോഗിക്കാൻ സാധിച്ചിട്ടില്ലാത്ത ആ അഭിനയ തികവിന്റെ ഒരു ചെറിയ അംശം മാത്രമാണ് ബി ഉണ്ണികൃഷ്ണൻ വില്ലനിലെ മാത്യു മാഞ്ഞൂരാൻ എന്ന പോലീസ് ഉദ്യോഗസ്ഥനാക്കി അദ്ദേഹത്തെ ഒരുക്കാനായി ഉപയോഗിച്ചത്. പക്ഷെ അത് മതിയായിരുന്നു മോഹൻലാൽ എന്ന നടനവിസ്മയത്തിനു പ്രേക്ഷകരെ അത്ഭുതപ്പെടുത്തുന്ന പൂർണ്ണതയോടെ തിരശീലയിൽ ജീവിച്ചു കാണിക്കാൻ. ഇപ്പോഴിതാ ഗംഭീര പ്രേക്ഷകാഭിപ്രായം നേടി മാത്യു മാഞ്ഞൂരാനും വില്ലനും ജനഹൃദയങ്ങൾ കീഴടക്കി കേരളത്തിൽ തരംഗമായി മാറുകയാണ്.
നമ്മൾ കണ്ടു ശീലിച്ച നായക മാതൃകകളെയും അതുപോലെ പൊലീസുകാരനായി നായകൻ എത്തുമ്പോൾ കണ്ടിരുന്ന ക്ലിഷേകളെയുമെല്ലാം തച്ചുടക്കുന്ന കഥാപാത്ര രൂപീകരണം ബി ഉണ്ണികൃഷ്ണൻ നടത്തിയപ്പോൾ അതിനു മോഹൻലാൽ തന്റെ പ്രകടനത്തിലൂടെ നൽകിയ പിന്തുണയാണ് മാത്യു മാഞ്ഞൂരാൻ ജനപ്രിയമാവാൻ കാരണം. നമ്മൾ കണ്ടു ശീലിച്ച പോലീസ് വീര നായകൻ അല്ല മാത്യു മാഞ്ഞൂരാൻ. അയാൾ അട്ടഹസിക്കുന്നില്ല , എതിരാളിയുടെ മുഖത്ത് നോക്കി നെടുങ്കൻ ഡയലോഗുകൾ പറയുന്നില്ല. ജീവിതത്തിൽ സംഭവിച്ച ദുരന്തത്തെ ഏതൊരു സാധാരണ മനുഷ്യനെപോലെയും തന്നെയാണ് അയാളും നേരിടുന്നത്. മാത്യു മാഞ്ഞൂരാൻ ഒരു സൂപ്പർ ഹീറോ അല്ല. തന്റേതായ ആദർശങ്ങളും ചിന്താഗതികളുമുള്ള ഒരു തികഞ്ഞ പോലീസുകാരൻ ആണയാൾ. പ്രതികാരം മനസ്സിനെ കാർന്നു തിന്നുന്ന മനോരോഗം ആണെന്ന് വിശ്വസിക്കുന്ന മാഞ്ഞൂരാൻ ഒരു മനുഷ്യൻ മറ്റൊരു മനുഷ്യനെ കൊല്ലുന്നതു ആണ് ഈ ലോകത്തെ ഏറ്റവും അസ്വാഭാവികമായ കാര്യം എന്നും പറയുന്നു. തന്റെ വാക്കുകൾ അതിന്റെ പൂർണ്ണമായ അർത്ഥത്തിൽ മാഞ്ഞൂരാൻ പാലിക്കുന്നുമുണ്ട്. മാഞ്ഞൂരാൻ അജയ്യനായ നായകൻ അല്ല അയാൾ ദുർബലനും ആവുന്നുണ്ട് പല സമയത്തും . പക്ഷെ മനസ്സ് കൊണ്ട് തന്റെ ദൗർബല്യങ്ങളെ അതിജീവിക്കാൻ ആയാൽ ശ്രമിച്ചു കൊണ്ടേയിരിക്കുന്നു. സ്നേഹത്തിന്റെ അവസാനം മരണമാണ് എന്ന് മാഞ്ഞൂരാൻ പറയുന്നതും അത്തരമൊരു അതിജീവിക്കലിന് ശേഷമാണു.
മോഹൻലാലിൻറെ അഭിനയ ജീവിതത്തിലെ തന്നെ ഏറ്റവും മികച്ച അഭിനയ മുഹൂർത്തങ്ങൾ ആണ് വില്ലൻ നമ്മുക്ക് സമ്മാനിക്കുന്നത്. ചിരിയും കണ്ണീരും സംഗമിക്കുന്ന വിസ്മയ മുഹൂർത്തങ്ങൾ അടക്കം മോഹൻലാൽ എന്ന പ്രതിഭ നമ്മുക്ക് നൽകിയിരിക്കുന്നു മാത്യു മാഞ്ഞൂരാനിലൂടെ. വില്ലൻ കണ്ടിറങ്ങി കഴിയുമ്പോൾ മാഞ്ഞൂരാൻ ഒരു നോവായി നമ്മുടെ മനസ്സിൽ കൂടു കൂട്ടും എന്നുറപ്പു. അത് തന്നെയാണ് വില്ലൻ എന്ന ചിത്രത്തിന്റെ വിജയവും.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.