വില്ലൻ ഓഡിയോ ലോഞ്ചിന് മോഹൻലാൽ എത്തിയപ്പോൾ…

കഴിഞ്ഞ ദിവസം ആണ് മലയാളത്തിന്റെ മഹാനടൻ മോഹൻലാൽ നായകൻ ആയി അഭിനയിക്കുന്ന വില്ലൻ എന്ന ചിത്രത്തിന്റെ ഓഡിയോ ലോഞ്ച് നടന്നത്. ബി ഉണ്ണികൃഷ്ണൻ രചനയും സംവിധാനവും നിർവഹിച്ച ഈ ബിഗ് ബജറ്റ് ക്രൈം ത്രില്ലറിന് വേണ്ടി സംഗീതം ഒരുക്കിയിരിക്കുന്നത്, കഴിഞ്ഞ വർഷം ഒപ്പം എന്ന മോഹൻലാൽ- പ്രിയദർശൻ ചിത്രത്തിലെ സൂപ്പർ ഹിറ്റ് ഗാനങ്ങൾ ഒരുക്കിയ ടീം ഫോർ മ്യൂസിക്സ് ആണ്.

മലയാള സിനിമയിലെ പ്രമുഖ വ്യക്തികൾക്കൊപ്പം ഈ ചിത്രത്തിലെ അഭിനേതാക്കളും അണിയറ പ്രവർത്തകരും ഓഡിയോ ലോഞ്ചിന് എത്തിയിരുന്നു. പതിവ് പോലെ തന്നെ ചടങ്ങിന്റെ ഏറ്റവും വലിയ ആകർഷണം മോഹൻലാൽ തന്നെയായിരുന്നു. കനത്ത താടിയും വെച്, ചെറുതായി പിരിച്ചുയർത്തിയ മീശയുമായി ഒടിയൻ ലുക്കിൽ ആയിരുന്നു മോഹൻലാലിൻറെ റോയൽ എൻട്രി .

മെറൂൺ കളർ ഷർട്ടും ബ്ലാക്ക് ആൻഡ് ഗ്രേ കളർ ജീൻസും ധരിച്ചെത്തിയ മോഹൻലാൽ തന്റെ അപാരമായ ഗാംഭീര്യം കൊണ്ട് ചടങ്ങിന്റെ ശ്രദ്ധാ കേന്ദ്രം ആയി.

വില്ലനിലെ നായിക ആയ മഞ്ജു വാര്യർ, സംവിധായകൻ ബി ഉണ്ണികൃഷ്ണൻ , സിദ്ദിഖ് , ടീം ഫോർ മ്യൂസിക്സ് , സംവിധായക ജോഷി എന്നിവരൊക്കെ ചടങ്ങിന് സംബന്ധിച്ചിരുന്നു.

മോഹൻലാലിന് പുറമെ തമിഴ് നടൻ വിശാൽ, ഹൻസിക, ശ്രീകാന്ത്, രാശി ഖന്ന , ചെമ്പൻ വിനോദ്, രഞ്ജി പണിക്കർ, സിദ്ദിഖ്, അജു വർഗീസ് എന്നിവർ കൂടി താര നിരയുടെ ഭാഗമായ ഈ ചിത്രം നിർമ്മിച്ചിരിക്കുന്നത് റോക്ക് ലൈൻ വെങ്കടേഷ് ആണ്.

റിലീസിന് മുൻപേ ഏറ്റവും വലിയ സാറ്റലൈറ്റ് തുക നേടിയതിന്റെയും മ്യൂസിക് റൈറ്സ് നേടിയതിൻെറയും ഹിന്ദി ഡബ്ബിങ് റൈറ്സ് നേടിയതിന്റെയും ഒക്കെ മലയാള സിനിമയിലെ റെക്കോർഡ് ഇപ്പോൾ വില്ലന്റെ പേരിലാണ്.