ധ്രുവ നച്ചത്തിരം വിനായകന്റെ കരിയർ ബെസ്റ്റ് ചിത്രം; വെളിപ്പെടുത്തി ഗൗതം വാസുദേവ് മേനോൻ
സൂപ്പർ ഹിറ്റ് തമിഴ് സംവിധായകൻ ഗൗതം വാസുദേവ് മേനോൻ ഒരുക്കിയ ധ്രുവ നച്ചത്തിരം നവംബർ 24 ന് ആഗോള റിലീസായി എത്തുകയാണ്. ചിയാൻ വിക്രം നായകനായി എത്തുന്ന ഈ ബിഗ് ബഡ്ജറ്റ് സ്പൈ ത്രില്ലറിൽ മലയാളി താരം വിനായകനും പ്രധാന വേഷം ചെയ്യുന്നുണ്ട്. ഇപ്പോഴിതാ ഇതിലെ വിനായകന്റെ പ്രകടനത്തെ കുറിച്ച് മനസ്സ് തുറക്കുകയാണ് ഗൗതം വാസുദേവ് മേനോൻ. വിനായകൻ ഇതുവരെ ചെയ്തതിൽ വച്ച് ഏറ്റവും മികച്ച കഥാപാത്രമാകും ഈ ചിത്രത്തിലേത് എന്നാണ് ഗൗതം വാസുദേവ് മേനോൻ പറയുന്നത്. വിനായകന്റെ ഡയലോഗുകളും സ്വാഗും ധ്രുവ നച്ചത്തിരത്തിന്റെ ഹൈലൈറ്റ് ആയി മാറുമെന്നും ചിത്രം കാണുമ്പോൾ പ്രേക്ഷകർക്ക് അത് മനസ്സിലാവുമെന്നും അദ്ദേഹം വിശദീകരിക്കുന്നു. വിനായകൻ എന്ന നടനെ ഇത്രയും സ്റ്റൈലിഷ് ആയി മറ്റൊരു സിനിമയിലും കണ്ടിട്ടുണ്ടാകില്ല എന്നും ഗൗതം വാസുദേവ് മേനോൻ പറയുന്നു.
കഥാപാത്രത്തിന്റെ സ്റ്റൈൽ, കഥാപാത്രം ധരിക്കുന്ന വേഷം, എന്തു മൂഡ് ആണ് അദ്ദേഹത്തിനുവേണ്ടി ഉണ്ടാക്കുന്നത് എന്നതൊക്കെ അറിഞ്ഞാൽ മാത്രം അഭിനയിക്കുന്ന ഒരു നടനാണ് വിനായകൻ എന്നും അദ്ദേഹത്തെ ഡീൽ ചെയ്യുന്നത് അത്ര ശ്രദ്ധയോടെ വേണമെന്നും ഗൗതം മേനോൻ കൂട്ടിച്ചേർക്കുന്നു. വിക്രമും വിനായകനും പരസ്പരം ചർച്ച ചെയ്താണ് അഭിനയിച്ചത് എന്നും വിനായകന്റെ പ്രകടനം തന്നെ ഓവർ ഷാഡോ ചെയ്യുമോയെന്ന് വിക്രം ഭയപ്പെട്ടിരുന്നില്ല എന്നും സംവിധായകൻ വെളിപ്പെടുത്തി. പലപ്പോഴും സെറ്റിൽ വിനായകന് മേക്കപ്പ് ചെയ്ത് കൊടുത്തത് പോലും വിക്രമായിരുന്നു എന്നും അദ്ദേഹം പറഞ്ഞു. ഈ ചിത്രം അദ്ദേഹത്തിന്റെ കരിയർ ബെസ്റ്റ് ആവുമെന്ന ആത്മവിശ്വാസവും ഗൗതം മേനോൻ പ്രകടിപ്പിക്കുന്നു. ദിവ്യദർശിനിയുമായുള്ള അഭിമുഖത്തിലാണ് ഗൗതം വാസുദേവ് മേനോൻ ചിത്രത്തെ കുറിച്ചും വിനായകനെ കുറിച്ചും മനസ്സ് തുറന്നത്.
ടോവിനോ തോമസിനെ നായകനാക്കി നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണം എന്ന ചിത്രം ഓണം റിലീസായി പ്രേക്ഷകരുടെ…
യുവതാരം ടോവിനോ തോമസിനെ നായകനാക്കി നവാഗതനായ ജിതിൻ ലാൽ ഒരുക്കിയ അജയന്റെ രണ്ടാം മോഷണത്തിന്റെ ട്രെയിലറിന് പാൻ ഇന്ത്യൻ തലത്തിൽ…
റീ റിലീസ് ചെയ്ത് സൂപ്പർ വിജയം നേടിയ മോഹൻലാൽ ചിത്രം ദേവദൂതൻ തീയേറ്ററുകളിൽ അൻപത് ദിവസം പിന്നിട്ട് പുതിയ ചരിത്രമാകുന്നു.…
മലയാളത്തിന്റെ മെഗാസ്റ്റാർ മമ്മൂട്ടിയെ നായകനാക്കി പ്രശസ്ത തമിഴ് സംവിധായകൻ ഗൗതം വാസുദേവ് മേനോൻ സംവിധാനം ചെയ്യുന്ന ചിത്രത്തിന്റെ ടൈറ്റിലും ഫസ്റ്റ്…
ദളപതി വിജയ് നായകനായ ഗോട്ട് എന്ന ചിത്രം കഴിഞ്ഞ ദിവസമാണ് ആഗോള റിലീസായി എത്തിയത്. വെങ്കട് പ്രഭു രചിച്ചു സംവിധാനം…
സി എൻ ഗ്ലോബൽ മൂവീസിന്റെ ബാനറിൽ ലിസി കെ ഫെർണാണ്ടസ് ആൻഡ് ടീം ചേർന്ന് നിർമ്മിച്ച്, അജു വർഗ്ഗീസ്, ജോണി…
This website uses cookies.