താര സൂര്യന് പിറന്നാൾ ആശംസകൾ നേർന്ന് ഇന്ത്യൻ സിനിമയിലെ സൂപ്പർ താരങ്ങൾ…

മലയാളത്തിന്റെ താര ചക്രവർത്തി മോഹൻലാൽ ഇന്ന് അമ്പത്തിയെട്ടാം വയസ്സിന്റെ നിറവിലാണ്. മലയാളത്തിലെ ഏറ്റവും വലിയ നടന്റെ പിറന്നാൾ ആഘോഷമാക്കി തീർക്കുകയാണ് ആരാധകരും പ്രേക്ഷകരും ഇതിനോടകം. ഫാൻസ് ഷോയും മറ്റ് കാരുണ്യ പ്രവർത്തനങ്ങളുമായി ആരാധകർ താരത്തിന്റെ പിറന്നാൾ ആഘോഷിക്കുമ്പോൾ താരത്തിന്റെ പിറന്നാൾ ആഘോഷിക്കുകയാണ് അദ്ദേഹത്തിന്റെ സഹപ്രവർത്തകരും സിനിമാ താരങ്ങളും. താരത്തിന് പിറന്നാൾ ആശംസകൾ നേർന്ന് നിരവധി പോസ്റ്റുകളാണ് ഇതിനോടകം തന്നെ എത്തിയിരിക്കുന്നത്. മോഹൻലാലിന് ആശംസകളുമായി മലയാളത്തിൽ നിന്ന് മാത്രമല്ല ബോളീവുഡിൽ നിന്നും കൊളീവുഡിൽ നിന്നും വരെ വമ്പൻ താരങ്ങൾ എത്തി.

മോഹൻലാലിന് ആശംസകൾ നേർന്ന് ബോളീവുഡിൽ നിന്നും എത്തിയത് ഹൃതിക് റോഷൻ ആയിരുന്നു. മോഹൻലാൽ സാറിന് പിറന്നാൾ ആശംസകൾ എന്ന വാക്കുകൾ ആയിരുന്നു അദ്ദേഹം ട്വിറ്ററിലൂടെ പങ്കുവച്ചത്. ഹൃതിക് റോഷനൊപ്പം അഭിനയിച്ചിട്ടില്ല എങ്കിൽ കൂടിയും കമ്പനി എന്ന ഒറ്റ ചിത്രം മതിയാവും മോഹൻലാൽ എന്ന നടനെ ബോളീവുഡ് സിനിമാ ലോകത്തിന് എന്നും ഓർക്കുവാൻ. തെലുങ്കിൽ നിന്നും മോഹൻലാലിന് പിറന്നാൾ ആശംസകളുമായി എത്തിയത് പ്രിയ താരം ജൂനിയർ എൻ. ടി. ആർ ആയിരുന്നു. 2016ൽ പുറത്തിറങ്ങിയ ഇരുവരുടെയും ചിത്രം ജനതാ ഗാരേജ് വമ്പൻ വിജയമാണ് തെലുങ്ക് ബോക്സ്ഓഫീസിൽ തീർത്തത്. ചിത്രത്തിലൂടെ മോഹൻലാലിന് തെലുങ്ക് സിനിമയിൽ ഏറെ ആരാധകരും ഉണ്ടായി. മലയാളത്തിൽ നിന്നും വളർന്ന് തമിഴിലെ ഇപ്പോഴത്തെ സൂപ്പർ താരമായ വിക്രമാണ് പിറന്നാൾ ആശംസകൾ നേർന്ന് എത്തിയ പ്രധാന തമിഴ് താരം. മോഹൻലാലിന് ഹൃദയം നിറഞ്ഞ പിറന്നാൾ ആശംസകൾ നേർന്നുകൊണ്ടാണ് വിക്രം ഫേസ്ബുക്കിലൂടെ എത്തിയത്. അങ്ങനെ ഇന്ത്യൻ സിനിമാ ലോകം മുഴുവനും ഒരു മലയാള താരത്തിന്റെ പിറന്നാൾ ആഘോഷിക്കുന്ന ആവേശമുണർത്തുന്ന മനോഹര കാഴ്ചയാണ് ഇന്ന് പ്രേക്ഷകർക്ക് കാണാൻ സാധിച്ചത്.