300 ന് മുകളിൽ അഡീഷണൽ ഷോകളുമായി ലിയോ; കേരളത്തിൽ ദളപതി ഭരണം.
കഴിഞ്ഞ ദിവസം റിലീസ് ചെയ്ത ദളപതി വിജയ് ചിത്രം ലിയോക്ക് കേരളത്തിലും ഗംഭീര സ്വീകരണം. ആദ്യ റിപ്പോർട്ടുകൾ പുറത്ത് വരുമ്പോൾ കേരളത്തിൽ നിന്ന് 12 കോടിയോളം രൂപയാണ് ഈ ചിത്രം നേടിയ ആദ്യ ദിന ഗ്രോസ്. ഇത് കേരളത്തിൽ പുത്തൻ ഓപ്പണിങ് ഡേ റെക്കോർഡ് ആണ്. അത് കൂടാതെ ആദ്യ ദിനം രാത്രി, ലിയോ കേരളത്തിൽ കളിച്ചത് 300 ഇൽ കൂടുതൽ അഡീഷണൽ ഷോകളാണ്. ആദ്യ ദിവസം 3500 ഷോകളോളം കേരളത്തിൽ കളിച്ച ഈ ചിത്രത്തിന് 450 ന് മുകളിൽ ഫാൻസ് ഷോകളും കഴിഞ്ഞ ദിവസം സംഘടിപ്പിച്ചിരുന്നു. രാവിലെ മുതൽ അഭൂതപൂർവമായ പ്രേക്ഷക പങ്കാളിത്തത്തോടെ പ്രദർശനമാരംഭിച്ച ഈ ചിത്രത്തിന് രാത്രിയിലും ജനപ്രവാഹം തുടർന്നു. രണ്ടാം ദിവസവും വലിയ തിരക്കോടു കൂടി തന്നെ പ്രദർശനമാരംഭിച്ച ഈ ചിത്രം ആദ്യ വീക്കെൻഡ് കഴിയുമ്പോൾ റെക്കോർഡ് കളക്ഷൻ നേടുമെന്നാണ് ട്രേഡ് അനലിസ്റ്റുകൾ കണക്ക് കൂട്ടുന്നത്.
ലോകേഷ് കനകരാജ് സംവിധാനം ചെയ്ത ഈ ചിത്രം തമിഴ്നാട്ടിലും ആദ്യ ദിന കളക്ഷൻ റെക്കോർഡ് സ്ഥാപിച്ചിട്ടുണ്ടെന്നാണ് കണക്കുകൾ പറയുന്നത്. ആഗോള ഗ്രോസ് ആയി 140 കോടിയോളം നേടിയ ലിയോ, ഇന്ത്യയിൽ നിന്നും വിദേശത്ത് നിന്നും ഏകദേശം 70 കോടിയോളം വെച്ചാണ് ഗ്രോസ് നേടിയതെന്നും ആദ്യ കണക്കുകൾ പറയുന്നുണ്ട്. സെവൻ സ്ക്രീൻ സ്റ്റുഡിയോസ് നിർമ്മിച്ച ഈ ബിഗ് ബഡ്ജറ്റ് മാസ്സ് ചിത്രം ശ്രീ ഗോകുലം മൂവീസാണ് കേരളത്തിൽ വിതരണം ചെയ്തിരിക്കുന്നത്. കേരളാ, തമിഴ്നാട്, കർണ്ണാടക, ആന്ധ്ര, തെലുങ്കാന തുടങ്ങിയ മുഴുവൻ തെന്നിന്ത്യൻ സംസ്ഥാനങ്ങളിലും ആദ്യ ദിനം 10 കോടിക്ക് മുകളിൽ ഓപ്പണിങ് കളക്ഷൻ നേടുന്ന ആദ്യ ഇന്ത്യൻ താരമായും ലിയോയിലൂടെ വിജയ് മാറി.
ആഗോള ബോക്സ് ഓഫീസിൽ വമ്പൻ കുതിപ്പ് തുടർന്ന് ആസിഫ് അലി ചിത്രമായ 'രേഖാചിത്രം'. ജോഫിന് ടി ചാക്കോ സംവിധാനം ചെയ്തു…
ബ്ലോക്ക്ബസ്റ്റർ തെലുങ്ക് ചിത്രം ലക്കി ഭാസ്കറിന് ശേഷം ദുൽഖർ സൽമാൻ നായകനായെത്തുന്ന 'കാന്ത' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ…
തമിഴകത്തിന്റെ സൂപ്പർതാരം അജിത് കുമാറിനെ നായകനാക്കി പ്രശസ്ത സംവിധായകൻ മഗിഴ് തിരുമേനി സംവിധാനം ചെയ്ത 'വിടാമുയർച്ചി'യുടെ കേരളത്തിലെ ടിക്കറ്റ് ബുക്കിംഗ്…
ബ്ലോക്ക്ബസ്റ്റർ ഹിറ്റായ പാൻ ഇന്ത്യൻ തെലുങ്ക് ചിത്രം ലക്കി ഭാസ്കറിന് ശേഷം ദുൽഖർ സൽമാൻ നായകനായെത്തുന്ന 'കാന്ത'യുടെ ഫസ്റ്റ് ലുക്ക്…
മോഹൻലാലിനെ നായകനാക്കി ഒരുക്കുന്ന ബ്രഹ്മാണ്ഡ പാൻ ഇന്ത്യൻ ഇതിഹാസ ചിത്രം വൃഷഭയുടെ ചിത്രീകരണം പൂർത്തിയായി. മുംബൈയിൽ നടന്ന അവസാന ഷെഡ്യൂളോടെയാണ്…
മെഗാസ്റ്റാർ മമ്മൂട്ടിയെ നായകനാക്കി സൂപ്പർ ഹിറ്റ് സംവിധായകൻ ഗൗതം വാസുദേവ് മേനോൻ ഒരുക്കിയ "ഡൊമിനിക് ആൻഡ് ദ ലേഡീസ് പേഴ്സ്"…
This website uses cookies.