പ്രശസ്ത ട്രാവൽ വ്ലോഗർ നിക്കോളേ ടിമോഷ്ചക് കേരളത്തിലെ ജനങ്ങളോട് ദേഷ്യപ്പെട്ടു സംസാരിക്കുന്ന വീഡിയോ സോഷ്യൽ മീഡിയയിൽ വൈറൽ ആയിരുന്നു.കേരളം ചുറ്റി സന്ദർശിക്കുന്നതിനിടെ വയനാട്ടിൽ എത്തിയതായിരുന്നു നിക്കോളേ ടിമോഷ്ചക്. എന്നാൽ ചുരത്തിൽ കാഴ്ച കാണാൻ ഇറങ്ങിയ അദ്ദേഹം അതിന് സമീപത്ത് മാലിന്യം വലിച്ചെറിഞ്ഞിരിക്കുന്നത് കണ്ടാണ് ദേഷ്യം പ്രകടിപ്പിച്ചത്. ഇന്ത്യയിലെ തന്നെ ഏറ്റവും ഉയർന്ന സാക്ഷരതാ നിരക്കിൽ അഭിമാനിക്കുന്ന മലയാളികളോട് വളരെ ദേഷ്യത്തോടെയാണ് അദ്ദേഹം ഇങ്ങനെ മാലിന്യം വലിച്ചെറിയുന്നതിനെ കുറിച്ച് ചോദിക്കുന്നത്. അദ്ദേഹം തന്റെ ഇൻസ്റ്റാഗ്രാം പോസ്റ്റിലൂടെ കേരളത്തോട് പറയുന്നത് ശരിക്കും ഈ മാലിന്യം ഇങ്ങനെ പടർന്ന് കിടക്കുന്നത് പരിഹാസ്യമാണ് എന്നാണ്. ഏറ്റവും ഉയർന്ന സാക്ഷരതാ നിരക്ക് ഉണ്ടെന്ന് നിങ്ങൾ അഭിമാനിക്കുന്നു എന്നും എന്നാൽ ഇതാണ് താൻ ഓരോ ദിവസവും കാണുന്നത് എന്നും അദ്ദേഹം പറയുന്നു.
ഇത് തന്റെ മാതൃരാജ്യമല്ലെന്നും താൻ ഇവിടെ ഒരു സന്ദർശകനാണെന്നും മനസ്സിലാക്കുന്നു എങ്കിലും നിങ്ങൾക്ക് സ്വയം എത്രത്തോളം നശിപ്പിക്കാൻ കഴിയും എന്നാണ് അദ്ദേഹം ചോദിക്കുന്നത്. നിങ്ങൾ ഇനിയെങ്കിലും തലച്ചോറ് ഉപയോഗിച്ച് ചിന്തിക്കൂ എന്നും ഓരോ ദിവസം കഴിയുന്തോറും ഇത് കാണുമ്പോൾ തനിക്ക് കൂടുതൽ ദേഷ്യം വരുന്നുണ്ട് എന്നും അദ്ദേഹം പറഞ്ഞു.
മാലിന്യം ഉപയോഗിക്കാൻ വേസ്റ്റ് ബോക്സ് ഇല്ലെങ്കിൽ ഓരോരുത്തരും കൂടെ കൊണ്ടു വന്നത് എടുത്ത് വീട്ടിലേക്ക് കൊണ്ടു പോകുക എന്നും അത്രയും എളുപ്പമാണ് കാര്യങ്ങൾ എന്നും അദ്ദേഹം വിശദീകരിക്കുന്നുണ്ട്. ഇതിന് മറുപടിയുമായി പ്രശസ്ത ഗായകൻ വിജയ് യേശുദാസും മുന്നോട്ടു വന്നു കഴിഞ്ഞു. വിജയ് യേശുദാസ് അദ്ദേഹത്തോട് പറയുന്നത്, നിങ്ങളും തങ്ങളിൽ മിക്കവരും ദേഷ്യത്തിലാണ് എന്നും നിങ്ങൾ വളരെ കൃത്യമായും ധൈര്യത്തോടെയും പറഞ്ഞത് അംഗീകരിക്കുന്നതിൽ തനിക്ക് സങ്കടമുണ്ട് എന്നുമാണ്. എല്ലാവരും അവകാശപ്പെടുന്നത് പോലെ ഏറ്റവും സാക്ഷരതയുള്ള സംസ്ഥാനമാണ് കേരളം എങ്കിലും ഇക്കാര്യത്തിൽ തങ്ങൾ അതിൽ നിന്ന് വളരെ അകലെയാണ് എന്നും വിജയ് യേശുദാസ് പറയുന്നു. “ഞങ്ങളെക്കുറിച്ചോർത്ത് നാണിക്കുന്നു” എന്ന വാക്കുകളോടെ ആണ് വിജയ് യേശുദാസ് തന്റെ മറുപടി അവസാനിപ്പിക്കുന്നത്.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
പ്രതീക്ഷകൾ ഉണർത്തി മജു ചിത്രം 'പെരുമാനി' നാളെ മുതൽ (2024 മെയ് 10) തിയറ്ററുകളിൽ പ്രദർശനത്തിനെത്തുന്നു. സിനിമ കാണാൻ പ്രേക്ഷകരെ…
പ്രേക്ഷക-നിരൂപക പ്രശംസ നേടിയ 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി' റിലീസിനൊരുങ്ങുന്നു. മെയ് 10ന് ചിത്രം തിയറ്ററുകളിലെത്തും. സണ്ണി…
This website uses cookies.