കുറച്ചു ദിവസങ്ങൾക്കു മുൻപാണ് പ്രശസ്ത തമിഴ് നടൻ വിവേക് ഹൃദയാഘാതം മൂലം അന്തരിച്ചത്. ഹാസ്യ വേഷങ്ങളിലൂടെ ഏറെ ശ്രദ്ധേയയാനായ വിവേക് പിന്നീട്, ഒട്ടേറെ മികച്ച ചിത്രങ്ങളിലൂടെ സ്വഭാവ നടനായും നായകനായും പേരെടുത്ത ആളാണ്. അദ്ദേഹത്തിന്റെ അപ്രതീക്ഷിതമായ മരണം വലിയ നഷ്ടമാണ് തമിഴ് സിനിമാ ലോകത്തിനും സിനിമാ പ്രേമികൾക്കും ഉണ്ടാക്കിയത്. അദ്ദേഹത്തെ അവസാനമായി കാണാൻ തമിഴിലെ പ്രമുഖ താരങ്ങൾ എല്ലാവരും തന്നെ എത്തിയിരുന്നു. കോവിഡ് പ്രതിസന്ധിക്കിടയിലും തങ്ങളുടെ പ്രീയപ്പെട്ട സഹപ്രവർത്തകന് യാത്രാമൊഴിയേകാൻ ഏവരും എത്തിച്ചേർന്നു. എന്നാൽ ഷൂട്ടിങ്ങിനായി വിദേശത്തായിരുന്നതിനാൽ ദളപതി വിജയ്ക്ക് മാത്രം അന്നവിടെ എത്തിച്ചേരാൻ സാധിച്ചിരുന്നില്ല. ഇപ്പോഴിതാ ഷൂട്ടിംഗ് പൂർത്തിയാക്കി വിദേശത്തു നിന്നുമെത്തിയ വിജയ് ആദ്യം പോയത് വിവേകിന്റെ വീട്ടിലേക്കാണ്. അവിടെയെത്തി അദ്ദേഹത്തിന്റെ കുടുംബത്തെ കണ്ട വിജയ് അവരെ ആശ്വസിപ്പിക്കുകയും ചെയ്തു. കരിയറിന്റെ തുടക്കം മുതൽ വിജയ്ക്കൊപ്പം ഒരുപാട് സിനിമകളില് അഭിനയിച്ചിട്ടുള്ള ആളാണ് വിവേക്. ദളപതി 65 സിനിമയുടെ ചിത്രീകരണത്തിനായി നടൻ വിജയ് ജോർജിയയിൽ ആയിരുന്നപ്പോൾ ആണ് വിവേക് അന്തരിച്ചത്.
പതിമൂന്നോളം സിനിമകളില് വിവേകും വിജയ്യും ഒന്നിച്ചഭിനയിച്ചിട്ടുണ്ട്. ഇരുവരും ഒരുമിച്ചു പ്രത്യക്ഷപ്പെട്ട അവസാന ചിത്രം ആറ്റ്ലി സംവിധാനം ചെയ്ത ബിഗിൽ ആണ്. അറുപതാം വയസ്സിലാണ് വിവേക് ഏവരെയും വിട്ടു പോയത്. ഏതായാലും വിവേകിന്റെ മരണം തെന്നിന്ത്യൻ സിനിമാ ലോകത്തിനു തന്നെ വലിയ നഷ്ടമാണെന്ന് പറയാതെ വയ്യ. ഒരു നടനെന്നതിലുപരി വലിയ മനുഷ്യ സ്നേഹിയും പ്രകൃതി സ്നേഹിയുമായിരുന്നു വിവേക്. വിജയ് വിവേകിന്റെ വസതിയിൽ എത്തിയ വിവരം താരത്തിന്റെ പി ആർ ടീം സോഷ്യൽ മീഡിയ വഴിയാണ് ആരാധകരെ അറിയിച്ചത്.
പാൻ ഇന്ത്യൻ ബ്ലോക്കബ്സ്റ്റർ ചിത്രമായ പുഷ്പയുടെ രണ്ടാം ഭാഗം ഇന്ന് ഇന്ത്യൻ സിനിമാ പ്രേക്ഷകർ ഏറ്റവും കൂടുതൽ കാത്തിരിക്കുന്ന ചിത്രമാണെന്ന്…
ടോവിനോ തോമസ് നായകനായി എത്തിയ ഏറ്റവും പുതിയ ത്രീഡി ഫാന്റസി ആക്ഷൻ ചിത്രമായ അജയന്റെ രണ്ടാം മോഷണത്തിന്റെ കളക്ഷൻ ഔദ്യോഗികമായി…
ചിയോതിക്കാവിലെ മായാജാലങ്ങൾ കുട്ടികളും കുടുംബങ്ങളും ഒരുപോലെ ഏറ്റെടുത്തിരിക്കുകയാണ്. ടോവിനോ തോമസ് മൂന്ന് വ്യത്യസ്ത വേഷങ്ങളിൽ എത്തിയ 3ഡി അഡ്വെഞ്ചൻ ഫാന്റസി…
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
This website uses cookies.