തമിഴകത്തിന്റെ ദളപതി വിജയ് നായകനായി എത്തുന്ന ഏറ്റവും പുതിയ ചിത്രമാണ് വാരിസ്. വംശി പൈഡിപ്പള്ളി സംവിധാനം ചെയ്യുന്ന ഈ ചിത്രത്തിന്റെ അവസാനഘട്ട ഷൂട്ടിങ്ങാണ് ഇപ്പോൾ നടന്നു കൊണ്ടിരിക്കുന്നത്. പൊങ്കൽ റിലീസായി അടുത്ത വർഷം ജനുവരിയിൽ റിലീസ് തീരുമാനിച്ചിരിക്കുന്ന ഈ ചിത്രത്തിൽ രശ്മിക മന്ദാനയാണ് നായികാ വേഷം ചെയ്യുന്നത്. ഒരു പക്കാ മാസ്സ് മസാല എന്റെർറ്റൈനെർ ആയൊരുക്കുന്ന ഈ ചിത്രത്തിൽ ഗാനങ്ങൾക്കും ഏറെ പ്രാധാന്യമുണ്ട്. എസ് തമൻ സംഗീത സംവിധാനം നിർവഹിക്കുന്ന ഈ ചിത്രത്തിൽ ദളപതി വിജയ്യും ഒരു ഗാനമാലപിക്കുന്നു എന്ന വാർത്തയാണ് ഇപ്പോൾ വരുന്നത്. താൻ നായകനായ ഒരുപിടി ചിത്രങ്ങളിൽ ഹിറ്റ് ഗാനങ്ങൾ ആലപിച്ചിട്ടുള്ള താരമാണ് വിജയ്. അത്കൊണ്ട് തന്നെ വിജയ് വീണ്ടും പാടുന്നു എന്നത് ആരാധകർക്ക് ആവേശം നൽകുന്ന വാർത്തയാണ്.
തന്റെ തൊട്ടു മുൻപത്തെ റിലീസായ ബീസ്റ്റിലും വിജയ് പാടിയിരുന്നു. വാരിസ് എന്ന ഈ പുതിയ ചിത്രത്തിൽ ഒരു തമാശപ്പാട്ടായിരിക്കും വിജയ് പാടുക എന്നാണ് പിങ്ക് വില്ല റിപ്പോര്ട്ട് ചെയ്യുന്നത്. ശ്രീ വെങ്കടേശ്വര ക്രിയേഷന്സിന്റെ ബാനറില് ദില് രാജുവും ശിരീഷും ചേർന്ന് നിർമ്മിക്കുന്ന വാരിസിൽ ശരത് കുമാര്, പ്രകാശ് രാജ്, ശ്യാം, പ്രഭു, ജയസുധ, ശ്രീകാന്ത്, ഖുശ്ബു, സംഗീത കൃഷ്ണ തുടങ്ങിയവരും വേഷമിടുന്നുണ്ട്. കാര്ത്തിക് പളനി ക്യാമറ ചലിപ്പിക്കുന്ന ഈ ചിത്രം എഡിറ്റ് ചെയ്യുന്നത് പ്രവീൺ കെ എൽ ആണ്. വിജയ്യുടെ അറുപത്തിയാറാം ചിത്രമായി ഒരുങ്ങുന്ന വാരിസിന്റെ പോസ്റ്ററുകൾ നേരത്തെ തന്നെ പുറത്ത് വരികയും വൈറലായി മാറുകയും ചെയ്തിരുന്നു. തെലുങ്ക് സൂപ്പർ താരം മഹേഷ് ബാബു നായകനായ മഹര്ഷി എന്ന ചിത്രത്തിലൂടെ മികച്ച ജനപ്രിയ ചിത്രത്തിനുള്ള ദേശീയ അവാര്ഡ് നേടിയ സംവിധായകനാണ് ഈ ചിത്രം സംവിധാനം ചെയ്യുന്ന വംശി പൈഡിപ്പള്ളി.
ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ…
മലയാളത്തിലെ എക്കാലത്തേയും ഏറ്റവും വലിയ ചിത്രമായി ഒരുക്കുന്ന മോഹൻലാൽ ചിത്രം എമ്പുരാൻ ഇപ്പോൾ ഗുജറാത്തിൽ പുരോഗമിക്കുകയാണ്. ഇതിനോടകം നൂറു ദിവസത്തെ…
ടോവിനോ തോമസ് നായകനായ അജയന്റെ രണ്ടാം മോഷണം ബ്ലോക്ക്ബസ്റ്റർ ഹിറ്റായി കുതിപ്പ് തുടരുകയാണ്. സുജിത് നമ്പ്യാർ രചിച്ച്, നവാഗതനായ ജിതിൻ…
മലയാളത്തിലെ പ്രശസ്ത സംവിധായകരിലൊരാളായ ടി കെ രാജീവ് കുമാർ ഒരുക്കാൻ പോകുന്ന പുതിയ ചിത്രത്തെ കുറിച്ചുള്ള വാർത്തകളാണ് ഇപ്പോൾ സമൂഹ…
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
This website uses cookies.