[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ഒന്നുമില്ലായ്മയിൽ നിന്ന് സൂപ്പർ സ്റ്റാർ: ഇത് വിജയ് സേതുപതിയുടെ വിജയ കഥ..!

ഇപ്പോഴത്തെ തമിഴ് സിനിമയിലെ ഏറ്റവും മികച്ച നടന്മാരിൽ ഒരാൾ ആണ് വിജയ് സേതുപതി. മാത്രമല്ല ഒരു താരമെന്ന നിലയിലും വിജയ് സേതുപതി നേടിയ വളർച്ച അത്ഭുതകരമാണ്. പക്ഷെ ഈ വളർച്ചക്ക് പിന്നിൽ സിനിമയെ വെല്ലുന്ന ഒരു കഥയുണ്ട്. ഒന്നുമില്ലായ്മയിൽ നിന്ന് എല്ലാമായ ഒരാളുടെ കഥ. 2000 ത്തിൽ ആണ് വിജയ് സേതുപതി എന്ന യുവാവാണ് ജീവിക്കാൻ ഒരു ജോലി തേടി ദുബായ് നഗരത്തിൽ എത്തിയത്. ദുബായിലെ ഒരു ഡിഷ് വിതരണ കമ്പനിയിൽ അക്കൗണ്ടന്റായി ആണ് വിജയ് സേതുപതി തന്റെ ഉപജീവനം ആരംഭിച്ചത്. ബർദുബായിലെ ബറോഡ ബാങ്കിനടുത്തെ ഒരു കെട്ടിടത്തിലായിരുന്നു നാട്ടുകാരായ ചില സുഹൃത്തുക്കളുമൊത്തു താമസിച്ചത്. ആ കൊച്ചു മുറിയിൽ ജീവിക്കുമ്പോഴും ആ ചെറുപ്പക്കാരൻ കണ്ടത് മുഴുവൻ സിനിമാ സ്വപ്നങ്ങളായിരുന്നു. പക്ഷെ തന്റെ സിനിമ സ്വപ്‌നങ്ങൾക്കു പുറകെ പായും മുൻപേ മാതാപിതാക്കളും പറക്കമുറ്റാത്ത സഹോദരങ്ങളടക്കമുള്ള തന്റെ കുടുംബത്തെ സുരക്ഷിതമാക്കണമെന്നായിരുന്നു വിജയ് സേതുപതിയുടെ ആഗ്രഹം. അതിനായി തന്റെ സ്വപ്നങ്ങൾ ഒതുക്കി വെച് അയാൾ ആ മരുഭൂമിയിൽ അധ്വാനിച്ചു.

അപ്പോഴും മലയാള സിനിമയുൾപ്പെടെ എല്ലാ സിനിമകളും തിയേറ്ററിൽ നിന്നും ടിവിയിൽ നിന്നൊക്കെയുമായി മുടങ്ങാതെ കാണുമായിരുന്നു. സിനിമ ഒരു അഭിനിവേശമായിരുന്നു ഈ യുവാവിന്.

2000 നവംബർ ആറിനു ദുബായിലെത്തിയ വിജയ് സേതുപതി 2003 ഒക്ടോബർ മൂന്നിന് തിരിച്ചു നാട്ടിലേക്കു വിമാനം കയറി. കൊല്ലം സ്വദേശി ജെസ്സിയെ ഓൺലൈൻ വഴിയാണ് പരിചയപ്പെട്ടത്. ജെസ്സിയെ സ്വന്തമാക്കുക എന്നതും വിജയ്ക്ക് ഒരു ലക്ഷ്യമായി മാറി. അങ്ങനെ അധ്വാനിച്ചു നേടിയ പണവുമായി നാട്ടിലെത്തിയ വിജയ് ജെസ്സിയെ ജീവിത സഖിയാക്കി കൂടെ കൂട്ടി.

സിനിമയിൽ കേറാൻ നടന്നെങ്കിലും അത് ആദ്യം നടന്നില്ല. പിന്നീട് പോര് തിയേറ്ററിൽ അക്കൗണ്ടന്റ് ആയി ജോലിയിൽ പ്രവേശിച്ചു. പക്ഷെ സിനിമ ശ്രമം ഉപേക്ഷിച്ചില്ല.. സൂപ്പർ താരങ്ങളുടെ ചിത്രത്തിൽ ചെറിയ ചെറിയ വേഷങ്ങളിൽ ജൂനിയർ ആര്ടിസ്റ് എന്ന പോലെ അഭിനയിച്ചായിരുന്നു തുടക്കം. ഫൊട്ടോജനിക് ആയ മുഖമാണ് വിജയ് സേതുപതിയുടേത് എന്ന് അന്തരിച്ച പ്രശസ്ത സംവിധായകൻ ബാലുമഹേന്ദ്ര പറഞ്ഞതോടെ വിജയ് തന്റെ വഴി സിനിമ ആണെന്ന് ഉറപ്പിച്ചു.

2010 ഇൽ പുറത്തിറങ്ങിയ സീനു രാമസ്വാമിയുടെ തേന്മർക്ക് പരുവക്കാറ്റ് എന്ന ചിത്രത്തിൽ നായകനായി അഭിനയിച്ചു. രണ്ടു വർഷം കഴിഞ്ഞു പുറത്തു വന്ന കാർത്തിക് സുബ്ബരാജിന്റെ പിസ്സ എന്ന ഹൊറർ ചിത്രം ഹിറ്റ് ആയതോടെ വിജയ് സേതുപതി തമിഴിലെ താരമായി വളർന്നു തുടങ്ങി.

ഇപ്പോൾ തുടരെ തുടരെ വിജയങ്ങളുമായി വിജയ് കുതിക്കുകയാണ്. ആത്മാർഥമായ പരിശ്രമമുണ്ടെങ്കിൽ നിങ്ങൾ ആഗ്രഹിക്കുന്ന സ്ഥാനത്ത് എത്തുക തന്നെ ചെയ്യുമെന്ന് തന്റെ ജീവിതം കൊണ്ട് പറയുകയാണ് വിജയ് സേതുപതി എന്ന ഈ നടൻ. പിന്നിട്ട വഴികൾ ഈ മനുഷ്യൻ മറക്കുന്നില്ല, അതുകൊണ്ടു തന്നെ വിജയങ്ങൾ വിജയ് സേതുപതിയെ കൂടുതൽ വിനയാന്വിതൻ ആക്കുന്നു.

webdesk

Recent Posts

മാജിക് ഫ്രെയിംസിന്റെ “ബേബി ഗേൾ” ഷൂട്ടിംഗ് ആരംഭിച്ചു; സംവിധാനം അരുൺ വർമ്മ. തിരക്കഥ ബോബി സഞ്ജയ്

ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ്‌ കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…

3 days ago

ഇടിയുടെ ‘പഞ്ചാര പഞ്ച്’ ആലപ്പുഴ ജിംഖാന’യിലെ അടുത്ത ഗാനം പുറത്തിറങ്ങി

ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…

3 days ago

പെണ്ണേ നീ തീയാകുന്നു… മാസ്സ് ആയി “മരണമാസ്സ്‌” ട്രെയ്‌ലർ.

ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്‌ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…

4 days ago

ആസിഫ് അലി- താമർ – അജിത് വിനായക ചിത്രം സർക്കീട്ട് മെയ് 8ന് തീയേറ്ററുകളിൽ എത്തും.

ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്‌…

4 days ago

വിവാദങ്ങൾക്കിടയിലും എമ്പുരാന്റെ ബോക്സ് ഓഫീസ് താണ്ഡവം

ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…

5 days ago

ഗംഭീര പ്രേക്ഷക – നിരൂപക പ്രശംസകൾ നേടി ചിയാൻ വിക്രമിന്റെ വീര ധീര ശൂരൻ കേരളത്തിൽ കൂടുതൽ സ്‌ക്രീനുകളിലേക്ക്

എസ് യു അരുൺകുമാർ സംവിധാനം ചെയ്‌ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…

1 week ago

This website uses cookies.