തെലുങ്കു സിനിമയായ ഖുഷിയുടെ ചിത്രീകരണത്തിനിടെ നടന്ന അപകടത്തിൽ നടൻ വിജയ് ദേവരക്കൊണ്ട, നടി സാമന്ത എന്നിവർക്ക് പരിക്കേറ്റതായുള്ള റിപ്പോർട്ടുകളാണ് ഇപ്പോൾ വരുന്നത്. കശ്മീരിലെ ഷൂട്ടിംഗ് സ്ഥലത്തു വെച്ചാണ് അപകടം ഉണ്ടായത്. വേഗത്തിൽ കാർ ഡ്രൈവ് ചെയ്യുന്ന സീൻ ഷൂട്ട് ചെയ്ത് കൊണ്ടിരുന്നപ്പോൾ നിയന്ത്രണം വിട്ട കാർ നദിയിലേക്ക് മറിയുകയായിരുന്നു എന്നാണ് വാർത്തകൾ വരുന്നത്. സംഘട്ടനരംഗം ചിത്രീകരിക്കുന്നതിനിടെയായിരുന്നു സംഭവമെന്ന് വിജയ് ദേവരകൊണ്ടയുടെ ക്രൂ അംഗങ്ങൾ ദേശീയമാധ്യമങ്ങളോട് വെളിപ്പെടുത്തി. പഹൽഗാമിനടുത്തുള്ള ലിഡർ നദിയിലേക്കാണ് കാർ മറിഞ്ഞതെന്നും, പെട്ടെന്നുതന്നെ പ്രഥമശുശ്രൂഷ നൽകിയെന്നും ക്രൂ അംഗങ്ങൾ മാധ്യമങ്ങളോട് പറഞ്ഞതായാണ് സൂചന.
അതിന് ശേഷം ഞായറാഴ്ച ദാൽ തടാകത്തിനടുത്തുവെച്ചുള്ള രംഗങ്ങൾ ചിത്രീകരിക്കുന്നതിനായി വിജയ് ദേവരക്കൊണ്ടയും സാമന്തയും എത്തിയെങ്കിലും ഇരുവരെയും പുറംവേദന അലട്ടിയിരുന്നുവെന്നും, ഫിസിയോതെറാപ്പിക്ക് ശേഷമാണ് പിന്നീട് ചിത്രീകരണം പൂർത്തിയാക്കി മടങ്ങിയതെന്നും റിപ്പോർട്ടുകൾ പറയുന്നു. ദാലിൽ നടന്ന ഷൂട്ടിങ് പൂർത്തിയാക്കി തിങ്കളാഴ്ച ഉച്ചയോടെ സിനിമാ സംഘം കശ്മീരിൽനിന്ന് തിരിച്ചു വരികയും ചെയ്തു. ശിവ നിർവാണയാണ് ഈ ചിത്രം സംവിധാനം ചെയ്യുന്നത്. നിന്നു കോരി, മജിലി, ടക്ക് ജഗദീഷ് തുടങ്ങിയ സൂപ്പര് ഹിറ്റ് ചിത്രങ്ങൾ സംവിധാനം ചെയ്തയാളാണ് ശിവ നിർവാണ. മൈത്രി മൂവി മേക്കേഴ്സ് നിർമ്മിക്കുന്ന ഈ ചിത്രം രചിച്ചതും അദ്ദേഹം തന്നെയാണ്. ഹൃദയം എന്ന പ്രണവ് മോഹൻലാൽ- വിനീത് ശ്രീനിവാസൻ ചിത്രത്തിലെ സൂപ്പർ ഹിറ്റ് ഗാനങ്ങളൊരുക്കി കയ്യടി നേടിയ, മലയാളി സംഗീത സംവിധായകൻ ഹിഷാം അബ്ദുൽ വഹാബാണ് ഈ തെലുങ്കു ചിത്രത്തിന് വേണ്ടി സംഗീതമൊരുക്കുന്നത്. ഈ കഴിഞ്ഞ ആഴ്ചയാണ് ചിത്രത്തിന്റെ ഫസ്റ്റ് ലുക്ക് ആൻഡ് ടൈറ്റിൽ മോഷൻ പോസ്റ്റർ പുറത്തുവിട്ടത്.
പവി കെയർ ടേക്കറിലൂടെ മലയാളത്തിന്റെ സ്വന്തം ജനപ്രിയനായകൻ വമ്പൻ തിരിച്ചു വരവ് നടത്തിയിരിക്കുകയാണ്. മികച്ച അഭിപ്രായങ്ങളുമായി പവി കെയർ ടേക്കർ…
'അനുരാഗ കരിക്കിൻ വെള്ളം', 'ഉണ്ട', 'ലവ്', 'തല്ലുമാല' എന്നീ ഹിറ്റ് ചിത്രങ്ങൾക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രത്തിന്റെ…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു തിരക്കഥ എഴുതി സംവിധാനം ചെയ്യുന്ന 'പെരുമാനി'…
ജനപ്രിയ നായകൻ ദിലീപ് നായകനായ പവി കെയർ ടേക്കർ അഞ്ചു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ് ഓഫീസിലും മിന്നുന്ന…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന 'പെരുമാനി'യുടെ ട്രെയിലർ പുറത്തിറങ്ങി. കത്തിക്കാനും കലഹങ്ങളുണ്ടാക്കാനും…
https://youtu.be/BByOSYKXwY0 വിനീത് കുമാറിന്റെ സംവിധാനത്തിൽ ദിലീപ് കേന്ദ്ര കഥാപാത്രമാകുന്ന ചിത്രം “പവി കെയർ ടേക്കർ” ന്റെ മഹാ വിജയമാണ് ഇപ്പോൾ…
This website uses cookies.