തമിഴത്തിന്റെ ദളപതി വിജയ് ഇപ്പോൾ തന്റെ അറുപത്തിയാറാം ചിത്രം ചെയ്യുന്നതിന്റെ തിരക്കിലാണ്. തെലുങ്കിലെ വമ്പൻ നിർമ്മാതാവായ ദിൽ രാജു നിർമ്മിച്ച് വംശി സംവിധാനം ചെയ്യുന്ന ഈ ചിത്രം, വിജയ്യുടെ കരിയറിലെ ഏറ്റവും വലിയ ചിത്രമായാണ് പറയപ്പെടുന്നത്. രശ്മിക മന്ദാന നായികാ വേഷം ചെയ്യുന്ന ഈ ചിത്രത്തിൽ വിജയ് ഇരട്ട വേഷത്തിലാണ് എത്തുന്നതെന്നും, അതിലൊരു കഥാപാത്രം ഇറട്ടോമാനിയ എന്ന അസുഖബാധിതനായ ആളാണെന്നും വാർത്തകൾ വന്നിരുന്നു. മാത്രമല്ല ഇതിൽ തെലുങ്കു സൂപ്പർ താരം മഹേഷ് ബാബു അതിഥി വേഷം ചെയ്യുമെന്നും റിപ്പോർട്ടുകളുണ്ട്. ഇപ്പോഴിതാ മറ്റൊരു വിജയ് ചിത്രത്തെ കുറിച്ചുള്ള വാർത്തകളാണ് സോഷ്യൽ മീഡിയയുടെ ശ്രദ്ധ നേടുന്നത്. തമിഴിലെ ഏറ്റവും മികച്ച സംവിധായകരിലൊരാളായ വെട്രിമാരൻ തനിക്ക് വിജയ്ക്കൊപ്പം ഒരു ചിത്രം ചെയ്യാനുള്ള ആഗ്രഹം വെളിപ്പെടുത്തിയിരുന്നു. വെട്രിമാരനൊപ്പമൊരു ചിത്രമെന്നത് തന്റെയും ആഗ്രഹമാണെന്നു ദളപതി വിജയ്യും പറഞ്ഞിട്ടുണ്ട്.
ഇപ്പോൾ വരുന്ന റിപ്പോർട്ടുകൾ പ്രകാരം വിജയ്യോട് ഒരു കഥ പറയാൻ വെട്രിമാരൻ ചെന്ന് കഴിഞ്ഞു. നേരത്തെ ഇവർ ഒരു കഥ പ്ലാൻ ചെയ്തെങ്കിലും അത് വിജയ്ക്ക് ഇഷ്ടപ്പെടാതെ പോയിരുന്നു. എന്നാൽ ഈ പുതിയ കഥയിൽ ഇവർ ഒരുമിക്കുന്ന ചിത്രം സംഭവിക്കുമെന്നാണ് കോളിവുഡിൽ നിന്നുള്ള റിപ്പോർട്ടുകൾ പറയുന്നത്. ടൈംസ് ഓഫ് ഇന്ത്യയാണ് ഈ വാർത്ത ഇപ്പോൾ പുറത്തുവിട്ടിരിക്കുന്നത്. വിജയ് നായകനാവുന്ന അടുത്ത ചിത്രം സംവിധാനം ചെയ്യാൻ പോകുന്നത് ലോകേഷ് കനകരാജ് ആണ്. മാസ്റ്ററിന് ശേഷം ഇവർ ഒന്നിക്കുന്ന ഈ ചിത്രം ഒരു ഗ്യാങ്സ്റ്റർ ചിത്രമായിരിക്കുമെന്നാണ് ലോകേഷ് വെളിപ്പെടുത്തിയത്. വെട്രിമാരൻ ഇനി സംവിധാനം ചെയ്യാൻ പോകുന്നത് സൂര്യ നായകനായെത്തുന്ന വാടിവാസലെന്ന ചിത്രമാണ്. അതിന് ശേഷമായിരിക്കും അദ്ദേഹമൊരുക്കുന്ന വിജയ് ചിത്രത്തിന്റെ ജോലികളാരംഭിക്കുക. സൂരിയും വിജയ് സേതുപതിയുമൊന്നിക്കുന്ന വിടുതലൈ എന്ന ചിത്രമാണ് ഇനി റിലീസ് ചെയ്യാനുള്ള വെട്രിമാരൻ സിനിമ.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
This website uses cookies.