200 സ്‌ക്രീനുകളിൽ വെളിപാടിന്റെ പുസ്തകത്തിന് വമ്പൻ റിലീസ്..

മോഹൻലാലും ലാൽ ജോസും ആദ്യമായി ഒന്നിക്കുന്ന ചിത്രമായ വെളിപാടിന്റ പുസ്തകം നാളെ തിയേറ്ററുകളിലേക്ക് എത്തുകയാണ്. 200 സ്കീനുകളിൽ ആണ് ചിത്രം റിലീസ് ചെയ്യുക

വമ്പൻ പ്രതീക്ഷകളോടെയാണ് ചിത്രം തിയേറ്ററുകളിൽ എത്തുന്നത്. മോഹൻലാലിന്റെ 3 ഗെറ്റപ്പുകൾ ആണ് ചിത്രത്തിൽ ഉള്ളത്. ഇതിൽ രണ്ടെണ്ണം പുറത്ത് വിട്ടിട്ടുണ്ടെങ്കിലും ഒരു ലുക്ക് ഇപ്പോളും സസ്പെൻസ് ആക്കി വെച്ചിരിക്കുകയാണ് അണിയറ പ്രവർത്തകർ.

തല്ലുകൊള്ളികൾ ആയ കുട്ടികൾ പഠിക്കുന്ന ഒരു കോളേജിലേക്ക് പഠിപ്പിക്കാൻ ആയി എത്തുന്ന മൈക്കിൾ ഇടിക്കുള എന്ന പ്രൊഫസറിന്റെ കഥയാണ് ചിത്രം പറയുന്നത്. മോഹൻലാൽ ആണ് പ്രൊഫസർ മൈക്കിൾ ഇടിക്കുള ആകുന്നത്.

അങ്കമാലി ഡയറീസ് നായിക രേഷ്മ രാജനാണ് ചിത്രത്തിൽ നായികയായി എത്തുന്നത്. അപ്പാനി രവി എന്ന കഥാപാത്രത്തെ അവതരിപ്പിച്ച ശരത് കുമാറും മുഴുനീള കഥാപാത്രമായി വെളിപാടിന്റെ പുസ്തകത്തിൽ എത്തുന്നുണ്ട്. അനൂപ് മേനോൻ, സിദ്ദിഖ്, സലീം കുമാർ, ശിവാജി ഗുരുവായൂർ, അരുൺ, അലൻസിയർ തുടങ്ങിയവാരാണ് ചിത്രത്തിലെ മറ്റു താരങ്ങൾ.

ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമ്മിക്കുന്നത്.