വേലക്കാരിയായിരുന്നാലും നീ എന്‍ മോഹവല്ലി എന്ന ചിത്രത്തിന്‍റെ രസകരമായ മേക്കിംഗ് വീഡിയോ കാണാം.

വേലക്കാരിയായിരുന്നാലും നീയെൻ മോഹവല്ലി എന്ന ചിത്രം പ്രദർശനത്തിന് തയ്യാറായി കൊണ്ടിരിക്കുകയാണ്. യുവ താരം രാഹുൽ മാധവ് നായകൻ ആയി എത്തുന്ന ഈ ചിത്രം ഇതിന്റെ ടൈറ്റിൽ കൊണ്ട് തന്നെ സോഷ്യൽ മീഡിയയിൽ ശ്രദ്ധയാകർഷിച്ചിരുന്നു. ജഗതി ചേട്ടന്റെ മേലെ പറമ്പിൽ ആൺവീട് എന്ന ചിത്രത്തിലെ ആ സൂപ്പർ ഹിറ്റ് ഡയലോഗ് അങ്ങനെ ഒന്നും ആരും മറക്കില്ലല്ലോ.

ഇപ്പോഴിതാ ആ ഡയലോഗ് പേരാക്കി ഒരു സിനിമ വരുന്നു എന്നറിഞ്ഞപ്പോൾ ഉള്ള ആകാംഷ എല്ലാവരിലും ഉണ്ട്. ജഗതി ചേട്ടൻ തന്നെയാണ് ഈ ചിത്രത്തിന്റെ ടൈറ്റിൽ ലോഞ്ച് ചെയ്തത് എന്നതും കൗതുകകരമായ കാര്യമാണ്. ഇപ്പോഴിതാ ഈ ചിത്രത്തിന്റെ ഒരു ലൊക്കേഷൻ വീഡിയോ റിലീസ് ചെയ്തിരിക്കുകയാണ്. പേരിനൊപ്പം തന്നെ ഈ ലൊക്കേഷൻ വിഡിയോയും സോഷ്യൽ മീഡിയയുടെ ശ്രദ്ധ നേടി എടുക്കുകയാണ്.

നായകൻ രാഹുൽ മാധവ്, മധു, നായിക ശ്രവ്യ, റിസബാവ എന്നിവരെ ഈ ലൊക്കേഷൻ വിഡിയോയിൽ കാണാം. അതുപോലെ തന്നെ ഗാന ചിത്രീകരണത്തിന്റെയും ആക്ഷൻ ചിത്രീകരണത്തിന്റെയും രംഗങ്ങളും ഈ ലൊക്കേഷൻ വിഡിയോയിൽ ഉൾപ്പെടുത്തിയിട്ടുണ്ട്. പ്രശസ്ത തെലുങ്ക് സംവിധായകൻ ആയ ഗോവിന്ദ് വരാഹ മലയാളത്തിൽ ആദ്യമായി ഒരുക്കുന്ന ഈ ചിത്രം രചിച്ചിരിക്കുന്നതും അദ്ദേഹം തന്നെയാണ്.

ഒരു കുടുംബ കഥയും അതോടൊപ്പം പ്രണയ കഥയും പറയുന്ന ഈ എന്റെർറ്റൈനെറിനു സംഭാഷണങ്ങൾ രചിച്ചിരിക്കുന്നത് മുരളി കൃഷ്ണ, പ്രശാന്ത് അലക്സാണ്ടർ എന്നിവർ ചേർന്ന് ആണ്. ജി വി ആർ പ്രൊഡക്ഷൻസിന്റെ ബാനറിൽ ജി രാജു ബാബു നിർമ്മിച്ചിരിക്കുന്ന ഈ ചിത്രത്തിൽ നീന കുറുപ്പ്, അസീസ്, പ്രശാന്ത് അലക്സാണ്ടർ, ഗായത്രി മയൂര, ദിശിനി, ദിലീപ്, അർജുൻ എന്നിവരും പ്രധാന വേഷങ്ങളിൽ എത്തുന്നുണ്ട്. വിശ്വജിത് സംഗീതം ഒരുക്കിയ ഈ ചിത്രം എഡിറ്റ് ചെയ്തിരിക്കുന്നത് സിയാൻ ശ്രീകാന്തും ഈ ചിത്രത്തിന് ദൃശ്യങ്ങൾ ഒരുക്കിയത് കൃഷ്ണ സാഗറും ആണ്.