ഇനി വരുന്ന അവാർഡുകൾ എല്ലാം വാങ്ങാൻ പോകുന്ന ചിത്രം; ഞെട്ടിക്കുന്ന വെളിപ്പെടുത്തലുമായി ജോജു ജോർജ്..!

പ്രശസ്ത നടൻ ജോജു ജോർജ് ഇപ്പോൾ തന്റെ കരിയറിന്റെ സുവർണ്ണ കാലഘട്ടത്തിലൂടെ ആണ് കടന്നു പോകുന്നത്. സൂപ്പർ ഹിറ്റായ ജോസഫിന് ശേഷം ഇപ്പോൾ ജോഷിയുടെ പൊറിഞ്ചു മറിയം ജോസ് കൂടി സൂപ്പർ വിജയം ആയതോടെ ജോജു താര പദവിയിലേക്ക് എത്തിക്കഴിഞ്ഞു. ചോല എന്ന സനൽ കുമാർ ശശിധരൻ ചിത്രവും, വലിയ പെരുന്നാൾ എന്ന ചിത്രവുമാണ് ജോജുവിന്റെ അടുത്ത റിലീസുകൾ. ധനുഷ്- കാർത്തിക് സുബ്ബരാജ് ടീമിനൊപ്പം ഒരു തമിഴ് ചിത്രവും ഒപ്പം ലിജോ ജോസ് പെല്ലിശ്ശേരിയുടെ അടുത്ത ചിത്രവും ജോജു കമ്മിറ്റ് ചെയ്തു കഴിഞ്ഞു. എന്നാൽ ഇനി ഈ വർഷം മലയാള സിനിമയിൽ നിന്നുള്ള അവാർഡുകൾ എല്ലാം തൂത്തു വാരാൻ പോകുന്നത് വലിയ പെരുന്നാൾ എന്ന ചിത്രമാണെന്നാണ് ജോജു പറയുന്നത്.

ഷെയിൻ നിഗമിനെ നായകനാക്കി ഡിമൽ ഡെന്നിസ് എന്ന നവാഗതൻ സംവിധാനം ചെയ്ത ഈ ചിത്രത്തിൽ വളരെ പ്രധാനപ്പെട്ട ഒരു കഥാപാത്രത്തിന് ആണ് ജോജു ജീവൻ നൽകിയിരിക്കുന്നത്. ഈ വർഷം ഇതുവരെ കണ്ടതിൽവെച്ച് തനിക്കു ഏറ്റവും ഇഷ്ട്ടപെട്ട ചിത്രം കുമ്പളങ്ങി നൈറ്റ്സ് ആണെന്നും എന്നാൽ ഇനി വരുന്ന എല്ലാ അവാർഡുകളും വാങ്ങാൻ പോകുന്നത് വലിയ പെരുന്നാൾ എന്ന ചിത്രമാണെന്നും ജോജു ഒരു റേഡിയോ ഇന്റർവ്യൂവിൽ പറഞ്ഞു. ഹിമിക ബോസ് നായികാ വേഷത്തിൽ എത്തുന്ന ഈ ചിത്രത്തിൽ സൗബിൻ ഷാഹിറും അഭിനയിച്ചിട്ടുണ്ട്. ഒക്ടോബറിൽ റിലീസ് ചെയ്യാൻ പോകുന്ന ഈ ചിത്രം അവതരിപ്പിക്കുന്നത് അൻവർ റഷീദും ഈ ചിത്രം രചിച്ചിരിക്കുന്നത് ഡിമൽ ഡെന്നിസ്, തസ്‌രീഖ് അബ്ദുൽ സലാം എന്നിവർ ചേർന്നുമാണ്. ഇതിന്റെ ഫസ്റ്റ് ലുക്ക് മോഷൻ പോസ്റ്റർ സോഷ്യൽ മീഡിയയിൽ ഏറെ ശ്രദ്ധ നേടിയെടുത്തിരുന്നു.