കരീമിക്കയുടെ ബീവി തന്നെയല്ലേ ഇത്..?? ഉസ്താദ് ഹോട്ടൽ ഫെയിം മാളവിക നായരുടെ പുതിയ ചിത്രങ്ങൾ ഏറ്റെടുത്ത് ആരാധകർ

വാതിലിൽ ആ വാതിലിൽ കാതോർത്തു നീ നിന്നില്ലേ ഉസ്താദ് ഹോട്ടൽ എന്ന ചിത്രത്തിലെ അതിമനോഹരമായ ഈ ഗാനം കേൾക്കുമ്പോൾ മലയാളികളുടെ മനസ്സിലേക്ക് ആദ്യം ഓടിയെത്തുന്ന ഒരു മുഖമുണ്ട്. ചിത്രത്തിൽ തിലകൻ അവതരിപ്പിച്ച കഥാപാത്രമായ കരീമിക്കയുടെ പ്രണയിനിയായി, മൗലവിന്റെ മകളായി എത്തിയ മാളവിക നായർ. വാതിൽ ചാരി നിൽക്കുന്ന ആ കൊച്ചു കുട്ടി ഒന്നും അല്ല ഇപ്പോൾ മാളവിക. അടിമുടി ആകെ മാറിയ താരത്തിന്റെ പുതിയ ഫോട്ടോകൾ സമൂഹമാധ്യമങ്ങളിൽ വൈറലായിരിക്കുകയാണ്. സമൂഹമാധ്യമങ്ങളിൽ താരം പങ്കു വെച്ച പുതിയ ചിത്രങ്ങളാണ് ആരാധകരെ അത്ഭുതപ്പെടുത്തിരിക്കുന്നത്.
ചെറുതും വലുതുമായ കഥാപാത്രങ്ങളെ അവതരിപ്പിച്ചുകൊണ്ട് ഇതിനോടകം നിരവധി സിനിമകളിൽ അഭിനയിച്ചിട്ടുള്ള താരമാണ് മാളവിക നായർ.

ഉസ്താദ് ഹോട്ടൽ എന്ന ചിത്രത്തിലൂടെയാണ് മാളവിക അഭിനയരംഗത്തേക്ക് ചുവടുവെക്കുന്നത്. പിന്നീട് പുതിയ തീരങ്ങൾ, കർമ്മയോദ്ധ, പകിട, ബ്ലാക്ക് ബട്ടർഫ്ലൈ എന്നീ മലയാള ചിത്രങ്ങളിൽ അഭിനയിച്ചു. തുടർന്ന് തമിഴ് സിനിമയിലേക്കു ചേക്കേറിയ താരം കുക്കൂ എന്ന സിനിമയിലൂടെ ശ്രദ്ധിക്കപ്പെട്ടു. ചിത്രത്തിലെ താരത്തിന്റെ പ്രകടനത്തിന് നിരവധി അവാർഡുകൾ ലഭിച്ചു. സജീവമായിത്തന്നെ സിനിമാലോകത്ത് തുടരാൻ തീരുമാനിച്ചിരിക്കുന്ന മാളവികയുടെ പുതിയ ചിത്രങ്ങൾ എല്ലാം തന്നെ ആരാധകർ ഏറ്റെടുത്തിരിക്കുകയാണ്.

ഫോട്ടോ കടപ്പാട്: ഇൻസ്റ്റാഗ്രാം