സബ് ഇന്‍സ്പെക്ടര്‍ മണി ഓണ്‍ ഡ്യൂട്ടി ;മെഗാ സ്റ്റാർ ചിത്രം ഉണ്ടയുടെ തിയേറ്റർ ലിസ്റ്റ് ഇതാ

മെഗാ സ്റ്റാർ മമ്മൂട്ടി നായകനായി എത്തുന്ന ഉണ്ട എന്ന ചിത്രം നാളെ മുതൽ കേരളത്തിൽ നൂറിന് മുകളിൽ സ്‌ക്രീനുകളിൽ പ്രദർശനം ആരംഭിക്കുകയാണ്. ആക്ഷനും കോമെഡിയും വൈകാരിക മുഹൂർത്തങ്ങളും എല്ലാം കോർത്തിണക്കി ഖാലിദ് റഹ്മാൻ ആണ് ഈ ചിത്രം സംവിധാനം ചെയ്തിരിക്കുന്നത്. ചിത്രത്തിന്റെ തിയേറ്റർ ലിസ്റ്റ് ഇവിടെ ചേർക്കുന്നു. നവാഗതനായ ഹർഷാദ് തിരക്കഥ രചിച്ച ഈ ചിത്രം മൂവി മിൽസിന്റെ ബാനറിൽ കൃഷ്ണൻ സേതുകുമാറും ജമിനി സ്റ്റുഡിയോയും ചേർന്നാണ് നിർമ്മിച്ചിരിക്കുന്നത്. സെൻസറിങ് കഴിഞ്ഞപ്പോൾ ക്ലീൻ യു സർട്ടിഫിക്കറ്റു കിട്ടിയ ഈ ചിത്രത്തിന് രണ്ടു മണിക്കൂർ പതിനൊന്നു മിനിറ്റ് ആണ് ദൈർഖ്യം.  മാവോയിസ്റ്റ് ഭീഷണി നില നിൽക്കുന്ന ഛത്തീസ്ഗഡിൽ തിരഞ്ഞെടുപ്പ് ജോലിക്കായി പോവേണ്ടി വരുന്ന കേരളാ പോലീസ് ഉദ്യോഗസ്ഥരുടെ കഥയാണ് ഈ ചിത്രം പറയുന്നത്.

2016 ഇൽ അനുരാഗ കരിക്കിൻ വെള്ളം എന്ന സൂപ്പർ ഹിറ്റ് ചിത്രം ഒരുക്കിയ ഖാലിദ് റഹ്മാൻ സംവിധാനം ചെയ്ത രണ്ടാമത്തെ ചിത്രമാണ് ഇത്. ആസിഫ് അലി, വിനയ് ഫോർട്ട് എന്നിവർ അതിഥി വേഷത്തിൽ എത്തുന്ന ഈ ചിത്രത്തിൽ അർജുൻ അശോകൻ, ഷൈൻ ടോം ചാക്കോ, ജേക്കബ് ഗ്രിഗറി, കലാഭവൻ ഷാജോണ്, രഞ്ജിത്ത് തുടങ്ങിയവരും അഭിനയിച്ചിട്ടുണ്ട്. പ്രശാന്ത് പിള്ളൈ സംഗീതം  പകർന്നിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് നിഷാദ് യൂസഫും കാമറ ചലിപ്പിച്ചിരിക്കുന്നതു സജിത്ത് പുരുഷനും ആണ്. മമ്മൂട്ടിയുടെ കരിയറിലെ മികച്ച ചിത്രങ്ങളിൽ ഒന്നായിരിക്കും ഉണ്ട എന്നാണ് യുവ താരം ആസിഫ് അലി അഭിപ്രായപ്പെട്ടത്. ഈ ചിത്രത്തിന്റെ ട്രൈലെർ, മേക്കിങ് വീഡിയോകൾ എന്നിവ മികച്ച പ്രേക്ഷക ശ്രദ്ധ നേടിയെടുത്തിരുന്നു.